ଉତ୍ତରପ୍ରଦେଶର କନୌଜ ଲୋକସଭା ଆସନରୁ ଲଢିବେ ସମାଜବାଦୀ ପାର୍ଟି ମୁଖ୍ୟ ଅଖିଳେଶ ଯାଦବ। ସମାଜବାଦୀ ପାର୍ଟି ମହାସଚିବ ତଥା ରାଜ୍ୟସଭା ସାଂସଦ ରାମଗୋପାଳ ଯାଦବ ଆଜି ଏହି ଘୋଷଣା କରିଛନ୍ତି । ଆସନ୍ତାକାଲି ଦିନ ୧୨ଟାରେ ଅଖିଳେଶ ନାମାଙ୍କନ ଭରିବେ। କନୌଜ ସିଟ୍ ପାଇଁ ସମାଜବାଦୀ ପାର୍ଟି ବାରମ୍ବାର ପ୍ରାର୍ଥୀ ବଦଳାଉଛି । ପୂର୍ବରୁ କନୌଜ ସିଟ୍ ପାଇଁ ତେଜ ପ୍ରତାପ ଯାଦବଙ୍କ ନାଁ ଘୋଷଣା କରାଯାଇଥିଲା । ଏବେ କିନ୍ତୁ ନିଜେ ସପା ମୁଖ୍ୟ ଅଖିଳେଶ ଯାଦବ ଏହି ସିଟରୁ ନିର୍ବାଚନ ଲଢିବେ ।
Also Read
ସମାଜବାଦୀ ପାର୍ଟି ମୁଖ୍ୟ ଅଖିଳେଶ ଯାଦବ କନୌଜ ଲୋକସଭା ଆସନକୁ ନେଇ ଲାଗି ରହିଥିବା କଳ୍ପନା ଜଳ୍ପନାକୁ ନେଇ କହିଥିଲେ ଯେ, କନୌଜର ଲୋକମାନେ ଯାହା କହିବେ ମୁଁ ତାହା କରିବି। ମିଳିଥିବା ସୂଚନା ଅନୁସାରେ କନୌଜ ସମାଜବାଦୀ କର୍ମୀମାନେ ତେଜ ପ୍ରତାପଙ୍କ ନାମ ଗ୍ରହଣ କରିବାକୁ ପ୍ରସ୍ତୁତ ନଥିଲେ । ପ୍ରତିଶ୍ରୁତି ଅନୁଯାୟୀ ଅଖିଳେଶ ଯାଦବ କନୌଜ ଆସନରୁ ତେଜ ପ୍ରତାପଙ୍କ ନାମ ଘୋଷଣା କରିଥିଲେ, କିନ୍ତୁ କନୌଜ ଆସନରୁ ଅଖିଳେଶ ପ୍ରତିଦ୍ୱନ୍ଦ୍ୱିତା କରିବେ ବୋଲି ଚର୍ଚ୍ଚା ହେଉଥିଲା । ତେବେ ଲାଗି ରହିଥିବା କଳ୍ପନାଜଳ୍ପନା ମଧ୍ୟରେ ବୁଧବାର ସମାଜବାଦୀ ପାର୍ଟିର ମହାସଚିବ ତଥା ରାଜ୍ୟସଭା ସାଂସଦ ରାମ ଗୋପାଳ ଯାଦବ କନୌଜରୁ ଅଖିଳେଶ ଲଢ଼ିବେ ବୋଲି ଘୋଷଣା କରିଛନ୍ତି।
ତେବେ ଏବେ ପ୍ରଶ୍ନ ଉଠୁଛି ଯେ ସପାକୁ କାହିଁକି ଏହି ଆସନରେ ନିଜର ପ୍ରାର୍ଥୀ ବଦଳାଇବାକୁ ପଡ଼ିଲା । ବାସ୍ତବରେ, ତେଜ ପ୍ରତାପଙ୍କ ପ୍ରାର୍ଥୀ ଘୋଷଣା ପରେ ସ୍ଥାନୀୟ ସପା ୟୁନିଟ୍ ଏହି ନିଷ୍ପତ୍ତିକୁ ବିରୋଧ କରିଥିଲେ । ସ୍ଥାନୀୟ ସପା ୟୁନିଟ୍ର ଏକ ପ୍ରତିନିଧି ଦଳ ଅଖିଳେଶ ଯାଦବଙ୍କୁ କର୍ମୀଙ୍କ ଅସନ୍ତୋଷ ବିଷୟରେ ଅବଗତ କରାଇଥିଲେ ଏବଂ ସେ ନିଜେ ଏହି ସମୟରେ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବା ପାଇଁ ଦାବି କରିଥିଲେ।