୧୧ ଦିନରେ ୧୦ କୋଟି ଲୋକଙ୍କ ଟିକାକରଣ

ଦେଶରେ ୧୧ ଦିନରେ ୧୦ କୋଟି ଡୋଜ ଟିକାକରଣ କରାଯାଇଛି । ଦେଶରେ ବର୍ତ୍ତମାନ ତୀବ୍ର ବେଗରେ ଟିକାକରଣ ଚାଲିଛି । ଗତ ଶୁକ୍ରବାର ଦିନ ୨.୫୦ କୋଟି ଲୋକଙ୍କ ଟିକାକରଣ ହୋଇଛି । ଏପର୍ଯ୍ୟନ୍ତ ଦେଶରେ ମୋଟ୍ ୮୦ କୋଟିରୁ ଅଧିକ ଡୋଜ ଟିକା ଦିଆଯାଇଛି ।

19 Sep 2021 14:36 IST ଅଦ୍ୟତନ ହୋଇଛି19 Sep 2021 14:39 IST

Advertisment

ନୂଆଦିଲ୍ଲୀ: କରୋନା ବିରୋଧରେ ଟିକାକରଣ ଅଭିଯାନରେ ଭାରତର ନୂଆ ମାଇଲଖୁଣ୍ଟ । ଦେଶରେ ୧୧ ଦିନରେ ୧୦ କୋଟି ଡୋଜ ଟିକାକରଣ କରାଯାଇଛି । ଦେଶରେ ବର୍ତ୍ତମାନ ତୀବ୍ର ବେଗରେ ଟିକାକରଣ ଚାଲିଛି । ଗତ ଶୁକ୍ରବାର ଦିନ ୨.୫୦ କୋଟି ଲୋକଙ୍କ ଟିକାକରଣ ହୋଇଛି । ଏପର୍ଯ୍ୟନ୍ତ ଦେଶରେ ମୋଟ୍ ୮୦ କୋଟିରୁ ଅଧିକ ଡୋଜ ଟିକା ଦିଆଯାଇଛି । ଯେଉଁଥିରେ ୬୦,୦୩,୯୪,୪୫୨ କୋଟି ଲୋକ ପ୍ରଥମ ଡୋଜ୍ ନେଇସାରିଥିବା ବେଳେ ୨୦,୨୯,୮୦,୬୯୫ ଉଭୟ ଡୋଜ ନେଇଛନ୍ତି । ANI ଅନୁସାରେ ଗତକାଲି ଅର୍ଥାତ୍‌ ଶନିବାର ଦିନ ୮୫.୨ ଲକ୍ଷରୁ ଅଧିକ ଡୋଜ ଟିକାକରଣ କରାଯାଇଛି ।

Advertisment

କ’ଣ ଅଛି କରୋନା ସ୍ଥିତି-

୨୪ ଘଣ୍ଟା ମଧ୍ୟରେ ୩୫,୬୬୨ ନୂତନ ସଂକ୍ରମିତ

ମୋଟ ସକ୍ରିୟ ସଂକ୍ରମିତ ସଂଖ୍ୟା ୩,୪୦,୬୩୯

୨୪ ଘଣ୍ଟା ମଧ୍ୟରେ ଟିକାକରଣ ୨.୫୦ କୋଟି

ମୋଟ ଟିକାକରଣ ୮୦.୦୯ କୋଟି

କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ମାନସୁଖ ମାଣ୍ଡଭିଆ

ଦେଶରେ ଏବେ ସୁଦ୍ଧା ୮୦ କୋଟି ଡୋଜ ଟିକାକରଣ ହୋଇସାରିବା ପରେ ଟ୍ୱିଟ କରି ଦେଶବାସୀଙ୍କୁ ଅଭିନନ୍ଦନ ଜଣାଇଛନ୍ତି କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ମାନସୁଖ ମାଣ୍ଡଭିଆ । ଏହାକୁ ବିଶ୍ୱ ଇତିହାସରେ ଏକ ସୁବର୍ଣ୍ଣ ଅଧ୍ୟାୟ ବୋଲି ସେ ଦର୍ଶାଇଛନ୍ତି । ତଥ୍ୟ ଅନୁସାରେ ଗତ ୧୦ କୋଟି ଡୋଜ ଟିକାକରଣ କରିବାକୁ ମାତ୍ର ୧୧ଦିନ ସମୟ ଲାଗିଥିବା ବେଳେ ୬୦ ରୁ ୭୦ କୋଟି ଡୋଜ ପର୍ଯ୍ୟନ୍ତ ପହଞ୍ଚିବାକୁ ୧୩ ଦିନ ସମୟ ଲାଗିଥିଲା । ପ୍ରାରମ୍ଭିକ ୧୦ କୋଟି ଡୋଜ ୮୫ ଦିନରେ ଦିଆଯାଇଥିଲା ।

ଗୋଟିଏ ପଟେ ଟିକାକରଣର ଗତି ତ୍ୱରାନ୍ୱିତ ହେଉଥିବାବେଳେ ସଂକ୍ରମଣର ଗତି ହ୍ରାସ ପାଉଛି । କେରଳ ଛାଡି ସମଗ୍ର ଦେଶରେ କରୋନା ସଂକ୍ରମଣର ପରିସ୍ଥିତି ବର୍ତ୍ତମାନ ସଂପୂର୍ଣ୍ଣ ନିୟନ୍ତ୍ରଣରେ ଅଛି କହିଲେ ଚଳେ । ସେହିପରି ଗତ ୨୪ ଘଣ୍ଟା ମଧ୍ୟରେ ସମଗ୍ର ଦେଶରେ ୩୫ ହଜାରରୁ ଅଧିକ ନୂତନ ସଂକ୍ରମିତ ଚିହ୍ନଟ ହୋଇଛନ୍ତି । ସେଥିମଧ୍ୟରୁ କେବଳ କେରଳରେ ୧୯ ହଜାରରୁ ଅଧିକ ସଂକ୍ରମିତ ଅଛନ୍ତି । ଏହାସହ ଗୋଟିଏ ଦିନରେ ମୋଟ ୨୮୧ ଜୀବନ ହାରିଥିବା ବେଳେ, ସେଥିମଧ୍ୟରୁ ସର୍ବାଧିକ ୧୪୩ ଜଣ କେରଳର ଥିବା ସୂଚନା ମିଳିଛି ।

Advertisment

୧୧ ଦିନରେ ୧୦ କୋଟି ଲୋକଙ୍କ ଟିକାକରଣ

Also Read

ଗୁପ୍ତଚରଙ୍କୁ ଘାଣ୍ଟିବ କ୍ରାଇମବ୍ରାଞ୍ଚ, ୭ଦିନ ଯାଏଁ କରିବ ମାରାଥନ୍ ଜେରା

ପଶ୍ଚିମବଙ୍ଗରେ ବେହାଲ କଲାଣି ବର୍ଷା, ଗଲାଣି ୭ ଜଣଙ୍କ ଜୀବନ

ଇକ୍‌ମୋ ଚିକିତ୍ସାରେ ଶିଶୁକନ୍ୟାର ସଫଳ ଅସ୍ତ୍ରୋପଚାର