ମହିଳାଙ୍କ ହାତରେ ଷ୍ଟେରିଂ। ମନରେ ଟିକେ ବି ଭୟ ନାହିଁ। ଏନଏଚ ଉପରେ ଚଲାଉଛନ୍ତି ଟ୍ରକ। କେହି କିଛି ପଚାରିଲେ ହସି ହସି ଦେଉଛନ୍ତି ଉତ୍ତର। ସୋସିଆଲ ମିଡିଆରେ ଏହାର ଭିଡ଼ିଓକୁ ନେଇ ଏବେ ଚର୍ଚ୍ଚା । ଆଇଏଏସ୍ ଅଫିସ ଅଶ୍ୱିନୀ ସରନ ନିଜ ଟ୍ୱିଟର୍ ଆକାଉଣ୍ଟରେ ଏହି ଭିଡିଓଟିକୁ ସେୟାର୍ କରିଛନ୍ତି । ଆଉ କ୍ୟାପସନରେ ଲେଖିଛନ୍ତି, ‘ଟ୍ରକକୁ ପୁରୁଷ ଚଲାଉ କି ମହିଳା, ଟ୍ରକର କିଛି ବି ଫରକ ପଡୁଛି କି?
Also Read
ତାମିଲନାଡୁ ନମ୍ବର ପ୍ଲେଟ୍ ଥିବା ଏକ ଟ୍ରକଟି ଜାତୀୟ ରାଜପଥ ଉପରେ ଯାଉଥିଲା । ଏହି ସମୟରେ କିଏ ଜଣେ ଟ୍ରକଟିର ଭିଡିଓ କରୁଥିଲେ । ଆସ୍ତେ ଆସ୍ତେ ଟ୍ରକଟି ପାଖକୁ ଆସିବା ପରେ ଜଣାପଡ଼ିଲା ଯେ ଜଣେ ମହିଳା ହସି ହସି ଗାଡ଼ି ଚଲାଉଛନ୍ତି । ଆଉ ଭିଡ଼ିଓ କରୁଥିବା ଲୋକଟିର ପ୍ରଶ୍ନର ଉତ୍ତର ଦେଇ ଟ୍ରକଟିକୁ ଆଗକୁ ନେଇ ଚାଲି ଯାଉଛନ୍ତି। ତେବେ ଏହାର ଏକ ଭିଡିଓକୁ ଆଜି ସୁଦ୍ଧା ପ୍ରାୟ 3 ଲକ୍ଷ ଲୋକ ଦେଖି ସାରିଥିବା ବେଳେ 2 ଶହରୁ ଅଧିକ କମେଣ୍ଟ୍ ଆସିଛି। ଏହା ସହ 23 ହଜାର ଲାଇକ ଓ 2 ହଜାର ରିଟୁଇଟ ହୋଇଛି।
ପୁରୁଷଙ୍କ ସହ ଟକ୍କର ଦେଇ ମହିଳାମାନେ ଆଗକୁ ବଢିବାରେ ଲାଗିଛନ୍ତି । ଆଜିର ମହିଳା ସବୁଥିରେ ପାରଙ୍ଗମ। ଏମିତି କିଛି କାମ ନାହିଁ ଯାହାକୁ କରିପାରିବେନି ମହିଳା। ଆଉ ଏହି ଭିଡିଓ ପ୍ରମାଣିତ କରି ଦେଇଛି, ପୁରୁଷମାନଙ୍କ ସବୁ କାମକୁ ମହିଳାମାନେ ନିଶ୍ଚୟ କରିପାରିବେ।