ପିଲାଙ୍କ ଉଜ୍ଜ୍ୱଜ ଭବିଷ୍ୟତ ପାଇଁ ଗାଁ ଲୋକଙ୍କ ପ୍ରୟାସ । ଏକାଠି ହେଲେ ଗାଁର ମହିଳା, ପୁରୁଷ । ଆଉ କୁନି କୁନି ପିଲାଙ୍କ ପାଇଁ ଚାନ୍ଦା ଆଦାୟ କରି ବିପଦସଙ୍କୁଳ ଅବସ୍ଥାରେ ରହିଥିବା ଗାଁ ବିଦ୍ୟାଳୟକୁ ମରାମତି କରିଛନ୍ତି । ଗୁହାରୀ କରି କରି ଥକିଗଲା ପରେ ବି ଶୁଣିଲାଣି ପ୍ରସାଶନ । ଶେଷରେ ଗାଁ ଲୋକେ ହିଁ ଗାଁ ସ୍କୁଲର ସ୍ଥିତି ସୁଧାରିବା ପାଇଁ ଅଣ୍ଟା ଭିଡ଼ିଥିଲେ । ତେବେ ସେମାନଙ୍କ ଏପରି କାମ ପ୍ରସାଶନଙ୍କ ପରିବାପାଣିଆ ପ୍ରତି ଏକ ଶକ୍ତ ଚାପୁଡ଼ା ସଦୃଶ୍ୟ ହୋପଡିଛି । ଏଭଳି ଘଟଣା ଦେଖିବାକି ମିଳିଛି ଲମତାପୁଟ ବ୍ଲକ ତୁସୁବା ପଞ୍ଚାୟତ ଗୋଡିପୁଟ ଗାଁରେ ।
କୋରାପୁଟ ଜିଲ୍ଲା ଲମତାପୁଟ ବ୍ଲକ ତୁସୁବା ପଂଚାୟତର ଗୋଡିପୁଟ ପ୍ରାଥମିକ ବିଦ୍ୟାଳୟ । ଏହି ବିଦ୍ୟାଳୟରେ ପ୍ରଥମରୁ ପଞ୍ଚମ ଶ୍ରେଣୀ ପର୍ଯ୍ୟନ୍ତ ୨୩ରୁ ଅଧିକ ଛାତ୍ରଛାତ୍ରୀଙ୍କୁ ଦୁଇ ଜଣ ଶିକ୍ଷୟିତ୍ରୀ ପାଠପଡନ୍ତି । ପାଞ୍ଚଟି ଶ୍ରେଶୀ ପାଇଁ ଅଛି ମାତ୍ର୨ଟି ଶ୍ରେଣୀ ଗୃହ, ତା ମଧ୍ୟ ଜରାଜୀର୍ଣ୍ଣ ଅବସ୍ଥାରେ । ବିଦ୍ୟାଳୟର ଆଜବେଷ୍ଟ, ଚଟାଣ ଓ କାନ୍ଥଗୁଡିକ ଭାଙ୍ଗି ଯାଇଛି ।
ବର୍ଷ ବର୍ଷ ଧରି ଭଙ୍ଗା ବିଦ୍ୟାଳୟରେ ଛାତ୍ରଛାତ୍ରୀ ମାନଙ୍କୁ ପାଠପଢା ଯାଉଥିବା ଏବଂ ପିଲାମାନଙ୍କ ପ୍ରତି ବିପଦ ରହିଥିବା ନେଇ ଗୋଡିପୁଟ ଗାଁ ଲୋକେ ସ୍ଥାନୀୟ ସରପଞ୍ଚଙ୍କ ଠାରୁ ବ୍ଲକ ପ୍ରଶାସନଙ୍କ ନିକଟର ଗୁହାରୀ କରିଥିଲେ । ହେଲେ ଗାଁ ଲୋକଙ୍କ ଗୁହାରୀକୁ କେହି ଶୁଣିଲେ ନାହିଁ । ଚାରିଆଡ଼ୁ ବିଫଳ ହେବା ପରେ ଗାଁ ଲୋକେ ଚାନ୍ଦା କରି ଜରାଜୀର୍ଣ୍ଣ ଅବସ୍ଥାରେ ରହିଥିବା ବିଦ୍ୟାଳୟକୁ ମରାମତି କରିଛନ୍ତି ।
ଗାଁର ସମସ୍ତ ମହିଳା ଓ ପୁରୁଷମାନେ ମିଳିତ ଭାବରେ ଶ୍ରମଦାନ କରି ବିଦ୍ୟାଳୟ ମରାମତି କରିଥିବା ଲୋକେ କହିଛନ୍ତି । ଏପଟେ ଗୋଡିପୁଟ ଗାଁ ଲୋକେ ବିଦ୍ୟାଳୟ ମରାମତି କରିବା ସମ୍ପର୍କରେ ଲମତାପୁଟ ଚେୟାରମ୍ୟାନଙ୍କ ଦୃଷ୍ଟି ଆକର୍ଷଣ କରାଯାଇଥିଲା । ବିଦ୍ୟାଳୟ ସମସ୍ୟା ଏବଂ ମରାମତି ସମ୍ପର୍କରେ ବିଡ଼ିଓ କିମ୍ବା ଚେୟାରମ୍ୟାନ ପାଖରେ କୌଣସି ଅଭିଯୋଗ ଆସିନାହିଁ ବୋଲି କୁହାଯାଇଛି । ପରିଦର୍ଶନ କରି ଘଟଣାର ଅନୁଧ୍ୟାନ କରାଯିବ । ବିଡିଓ ଓ ଚେୟାରମ୍ୟାନଙ୍କ ମଧ୍ୟରେ ଆଲୋଚନା ହେବା ପରେ ଜିଲ୍ଲା ଅବଗତ କରି ବର୍ଷ ୠତୁ ଆରମ୍ଭରୁ ସମସ୍ୟାର ସମାଧାନ କରାଯିବ ବୋଲି ପ୍ରତିଶ୍ରୁତି ଦିଆଯାଇଛି ।
ଜଗତ ଜୀବନ, ଲମତାପୁଟ