ଦୁଃଖ ସାଜିଛି ସାଳନ୍ଦୀ ନଦୀ : ମାଟି ଖାଉଛି, ଘର ଭାଙ୍ଗୁଛି

ଆନନ୍ଦପୁର, ଉଦଳା (ଲୋକନାଥ ସିଂହ,ମାନସ ପାଣି) : କୂଳ ଖାଉଛି ନଦୀ ନଇର ସୁଅରେ ମାଟିଖାଇ ଅନେକ ଘର ଭାଂଗି ଯାଇଛି । ଆନନ୍ଦପୁର ଉପଖଣ୍ଡ ହାଟଡିହି ବ୍ଲକର କାନପୁର ଗାଁ ନିକଟରେ ବହି ଯାଇଛି ଶାଳନ୍ଦୀ ନଦୀରେ ଦେଖିବାକୁ ମିଳିଛି ଏଭଳି ଦୃଶ୍ୟ । ଯେଉଁଠାରେ ମାଟି ଘର ସହ ପକ୍କା ଘର ମଧ୍ୟ କ୍ଷତିଗ୍ରସ୍ତ ହୋଇଛି ଆଉ ଏହି ନଦୀ ପାଣି ମାଡ଼ି ଏକର ଏକର ଜମି ଜଳମଗ୍ନ ହୋଇ ପଡିଛି । ଯାହାକୁ ନେଇ ସ୍ଥାନୀୟ ଲୋକେ ଆଡିବନ୍ଧ ନିର୍ମାଣ କରି ସ୍ଥାୟୀ ପ୍ରତିକାର କରିବାକୁ ଦାବି କରିଛନ୍ତି ।

ସୂଚନା ଅନୁସାରେ, ୩ ଶହରୁ ଅଧିକ ପରିବାର ଏହି ଗାଁରେ ବସବାସ କରନ୍ତି । ହେଲେ କାନପୁରବାସୀଙ୍କ ଦୁଃଖ ପାଲଟିଛି ଶାଳନ୍ଦୀ । କାରଣ ଆଡିବନ୍ଧ ନଥିବାରୁ ନଈର ସୁଅରେ ଅନେକ ଘର ମିଶିଗଲାଣି । ଏହାସହ ମାଟି ଧସି ଘର ଭାଂଗି ନଦୀରେ ଲୀନ ହେଉଛି । ଏପରିକି ଅନେକ ପକ୍କା ଘର ମଧ୍ୟ କ୍ଷତିଗ୍ରସ୍ତ ହୋଇଛି । କେତେବେଳେ ଯେ ଘର ପୁରା ଦବିଯିବ କିଏ କହିବ ପୂର୍ବରୁ ଏକ ଆଡିବନ୍ଧ ନିର୍ମାଣ କରାଯାଇଥିଲା । ହେଲେ ଏହା ଭୂସ୍ଖଳନ ରୋକିବାକୁ ଅସମର୍ଥ ଘର ନିକଟରୁ ମାଟି ଧସୁଥିବାରୁ ଲୋକେ ଚିନ୍ତାରେ ଅଛନ୍ତି । ଏକ ସୁଦୃଢ ଆଡିବନ୍ଦଟିଏ ନିର୍ମାଣହେଲେ ଲୋକଙ୍କ ଦୁଃଖ ଦୂର ହୋଇପାରାନ୍ତା ।

ସେପଟେ ମୟୂରଭଂଜ ଜିଲ୍ଲା ଉଦଳା ଅଂଚଳର ଆମ୍ବଡିହାବାସୀଙ୍କ ମଧ୍ୟ ଦୁଃଖ ପାଲଟିଛି । ଦେଓନଦୀ ନିକଟରେ ବହି ଯାଇଥିବା ଦେଓନଦୀରେ ବନ୍ୟା ପାଣି ଆସିଲେ ଆମ୍ବଡିହାବାସୀଙ୍କ ଚିନ୍ତା ଦୁଇ ଗୁଣା ହୋଇଯାଏ । ଗାଁ ଆଖପାଖର ଚାଷଜମି ଜଳମଗ୍ନ ହୋଇପଡେ । ଚଳିତ ବର୍ଷ ବନ୍ୟାରେ ପରିବା ଚାଷ ପୁରା ଉଜୁଡି ଯାଇଥିବାରୁ ଚାଷୀ ଅନେକ କ୍ଷତି ସହିଛନ୍ତି । ଏ ନେଇ ସ୍ଥାନୀୟ ବିଧାୟକଙ୍କୁ ଜଣାଇବାରୁ ସେ ଖୁବଶୀଘ୍ର ସମାଧାନ ନେଇ ପ୍ରସାସନକୁ ଜଣାଇବେ ବୋଲି କହିଛନ୍ତି ।