ଠାବ ହେଲା ବିରଳ ପ୍ରଜାତିର ଧଳା କଙ୍ଗାରୁ

ନିକଟରେ ଜଣେ ମହିଳା ଏକ ଧଳା କଙ୍ଗାରୁକୁ ଦେଖିଛନ୍ତି । ଯାହାକୁ ଦେଖି ସେ ନିଜେ ବି ବିଶ୍ୱାସ କରିପାରିଲେ ନାହିଁ । ସେ କେବଳ ଏହି କଙ୍ଗାରୁକୁ ଦେଖିନଥିଲେ ତାର କିଛି ଫଟୋ ମଧ୍ୟ ନିଜ କ୍ୟାମେରାରେ କଏଦ୍‌ କରିଛନ୍ତି । କିଛି କ୍ଷଣ ମଧ୍ୟରେ ହିଁ ଫଟୋଟି ବେଶ୍ ଭାଇରାଲ ହୋଇଗଲା ।

ଅଷ୍ଟ୍ରେଲିଆ ନିବାସୀ ସାରା କିନୋନ୍‌ ନାମକ ଜଣେ ମହିଳା ବୁଲିବାକୁ ଯାଇଥିବା ସମୟରେ ଅଷ୍ଟ୍ରେଲିଆର ଆଉଟ୍‌ବ୍ୟାକ୍ କ୍ୟୁଇନ୍ସଲ୍ୟାଣ୍ଡରେ ଏକ ଧଳା କଙ୍ଗାରୁକୁ ଦେଖିଛନ୍ତି ।

ଏନେଇ ମହିଳା ଜଣକ ଜାତୀୟ ଗଣମାଧ୍ୟମକୁ କହିଛନ୍ତି ଯେ, ‘ମୁଁ ମୋର ସ୍ୱାମୀଙ୍କ ସହ ବାହାରକୁ ଯାଇଥିଲି ସେଠାରୁ ଘରକୁ ଫେରିବା ସମୟରେ ଏକ ଧଳା କଙ୍ଗାରୁକୁ ଦେଖିଥିଲୁ’ ।

ଏହାସହ ସେ କହିଛନ୍ତି ‘ଧଳା କଙ୍ଗାରୁକୁ ଦେଖିବା ଆମ ପାଇଁ ଅବିଶ୍ୱସନିୟ ଥିଲା । କଙ୍ଗାରୁଟି ସତେ ଯେପରି ଧଳା କାଗଜ ପରି ଧଳା ଦେଖାଯାଉଥିଲା । ସେ ଦୃତ ଗତିରେ ଦୈଡୁ ଥିବାରୁ ଆମେ ତାକୁ ଅଧିକ ସମୟ ଦେଖିପାରିନଥିଲୁ । ସେହି ସମୟରେ ମୁଁ କେବଳ ମୋ କ୍ୟାମେରାରେ ତାର କିଛି ଦୃଶ୍ୟକୁ କଏଦ କରିଦେଲି’ ।

ସୂଚନା ଅନୁସାରେ, ଆଉଟବ୍ୟାକ ପିୟୋନିଅର୍ସ ନାମକ ଏକ ଫେସବୁକ ପେଜରେ ଏହି ଧଳା କଙ୍ଗାରୁର ଫଟୋ ସେୟାର କରାଯାଇଛି ।

ସେୟାର ହୋଇଥିବା ଏହି ପୋଷ୍ଟକୁ ପ୍ରାୟ ୨୦୦୦ଥର ସେୟାର କରା ଯାଇଥିବାବେଳେ ଥେିରେ ୮୦୦ରୁ ଉର୍ଦ୍ଧ୍ୱ କମେଣ୍ଟ ଆସିଛି । ତେବେ ବିରଳ ପ୍ରଜାତିର ଏହି କଙ୍ଗାରୁକୁ ଦେଖି ସମସ୍ତେ ଆଶ୍ଚର୍ଯ୍ୟ ହୋଇଯାଇଛନ୍ତି ।