ଯୁବକ ଦେଖେଇଲେ ମଣିଷପଣିଆ : ବଞ୍ଚେଇଦେଲେ ଡଲ୍‌ଫିନ୍ ଜୀବନ

କୁହାଯାଏ ଯେ ଏହି ଦୁନିଆରେ ମଣିଷପଣିଆ ଠାରୁ ବଡ଼ ଧର୍ମ ଆଉ କିଛି ନାହିଁ। ତେଣୁ ପ୍ରତ୍ୟେକ ନିସହାୟଙ୍କୁ ସାହାଯ୍ୟ କରିବା ଜରୁରୀ ଯିଏ ସମୟରେ ପଡି ସାହାଯ୍ୟ ଆଶା କରୁଥାଏ। ଏହି ନିୟମ ମଣିଷ ସହିତ ପଶୁପକ୍ଷୀମାନଙ୍କ କ୍ଷେତ୍ରରେ ମଧ୍ୟ ବ୍ୟବହାର କରାଯିବା ଜରୁରୀ। ଏହି ସମୟରେ ଏପରି ଏକ ଭିଡିଓ ସାମ୍ନାକୁ ଆସିଛି ଯାହା ଦେଖିବା ପରେ ବୁଝିହେବ ଯେ ଏ ପୃଥିବୀରେ ଏବେ ବି ମାନବିକତା ବଞ୍ଚି ରହିଛି। ବର୍ତ୍ତମାନ ସୋସିଆଲ ମିଡିଆରେ ଏହି ଭିଡିଓଟି ଭାଇରାଲ ହେଉଥିବା ବେଳେ ଲୋକଙ୍କ ହୃଦୟ ଜିତିବାରେ ଲାଗିଛି।

ଅନେକ ସମୟରେ ଆପଣ ନିଶ୍ଚୟ ଦେଖିଥିବେ ଯେ ଅନେକ ଥର ସାମୁଦ୍ରିକ ଜୀବମାନେ ସମୁଦ୍ର କୂଳକୁ ପହଁରି ଆସନ୍ତି ଏବଂ ତା’ପରେ ଫେରିବାକୁ ଅସମର୍ଥ ହୁଅନ୍ତି। ଅନେକ ଲୋକ ଏହାକୁ ଦେଖି ଅଣଦେଖା କରୁଥିବା ବେଳେ ଅନେକ ସହୃଦୟ ଲୋକ ମଧ୍ୟ ଅଛନ୍ତି ଯେଉଁମାନେ ‌ରକ୍ଷାକର୍ତ୍ତା ହୋଇ ସେମାନଙ୍କ ଜୀବନ ରକ୍ଷା କରନ୍ତି। ବର୍ତ୍ତମାନ ସମୟରେ ମଧ୍ୟ ଏଭଳି ଏକ ଭିଡିଓ ସାମ୍ନାକୁ ଆସିଛି। ଏହା ଦେଖିବା ପରେ ଆପଣଙ୍କର ବି ହୃଦୟ ତରଳି ଯିବ।

Also Read

ସକାଳୁ ସନ୍ଧ୍ୟା ଯାଏଁ ଅଭୟଙ୍କୁ ଜେରା କଲା ED

ଦିଲ୍ଲୀରେ ମହିଳାଙ୍କୁ ଗଣଦୁଷ୍କର୍ମଣ: ଜଣେ ଗିରଫ୍, ଦୁଇ ଫେରାର୍

ଥମୁନି ଲଖିମ୍‌ପୁର ହିଂସା, ମୋଦିଙ୍କୁ ଘଟଣାସ୍ଥଳକୁ ଡାକିଲାଣି କଂଗ୍ରେସ

ଭାଇରାଲ ହେଉଥିବା ଏହି ଭିଡିଓରେ ଆପଣ ଦେଖିପାରିବେ ଯେ ଜଣେ ବ୍ୟକ୍ତି ସମୁଦ୍ର କୂଳରେ ବୁଲୁଥିବାବେଳେ ସେ ଏକ ଶିଶୁ ଡଲଫିନ୍‌ଙ୍କୁ ପାଣି ବାହାରେ ଯନ୍ତ୍ରଣା ଭୋଗୁଥିବାର ଦେଖନ୍ତି। ଏହା ଦେଖି ସେ ତା’ ପାଖକୁ ଯାଇ ତା’ର ଜୀବନ ରକ୍ଷା କରିବା ପାଇଁ ତାଙ୍କୁ ପାଣି ଭିତରକୁ ଠେଲି ଦେଇଛନ୍ତି। ଏହା ଦ୍ୱାରା ଶିଶୁ ଡଲଫିନ୍‌ଟିର ଜୀବନ ରକ୍ଷା ପାଇ ଯାଇଛି।

ସୋସିଆଲ ମିଡିଆରେ ଲୋକମାନଙ୍କ ହୃଦୟ କିଣୁଥିବା ଏହି ଭିଡିଓକୁ ବହୁତ ପସନ୍ଦ କରୁଛନ୍ତି। ଅନେକ ଉପଭୋକ୍ତା ଏହି ଭିଡିଓରେ କମେଣ୍ଟ ଦେଇ ସେହି ବ୍ୟକ୍ତିଙ୍କୁ ପ୍ରଶଂସା ମଧ୍ୟ କରୁଛନ୍ତି। ଜଣେ ଉପଭୋକ୍ତା ମନ୍ତବ୍ୟ ଦେଇ ଲେଖିଛନ୍ତି, “କେବଳ ଏଭଳି କିଛି ଦୟାଳୁ ଲୋକଙ୍କ ପାଇଁ ମାନବିକତା ବଞ୍ଚି ରହିଛି।” ସେହିଭଳି ଆଉ ଜଣେ ଉପଭୋକ୍ତା କହିଛନ୍ତି ଯେ “ଏହି ବ୍ୟକ୍ତି ହେଉଛନ୍ତି ପ୍ରକୃତ ହିରୋ।” ଏହା ସହିତ ଆହୁରି ଅନେକ ଉପଭୋକ୍ତା ଏହି ଭିଡିଓ ଉପରେ ମଜାଳିଆ ମନ୍ତବ୍ୟ ମଧ୍ୟ ଦେଇଛନ୍ତି।

ଏହି ଆକର୍ଷଣୀୟ ଭିଡିଓଟିକୁ ଇନଷ୍ଟାଗ୍ରାମରେ 'nature27_12' ନାମକ ଏକ ଆକାଉଣ୍ଟରେ ଶେୟାର କରାଯାଇଛି । ତେବେ ଖବର ଲେଖିବା ପର୍ଯ୍ୟନ୍ତ ଏହି ଭଡିଓଟି ୨୪ ହଜାରରୁ ଅଧିକ ଭ୍ୟୁ ପାଇସାରିଛି।