ଭାଙ୍ଗିଲା ଲେଡି ଡ୍ରଗ୍ସ ମାଫିଆର ଘର। ଭୁବନେଶ୍ୱର ନାରାୟଣୀ ବସ୍ତିରେ ଥିବା ଲେଡି ଡ୍ରଗ୍ସ ମାଫିଆ ରଞ୍ଜୁର ଘର ଆଜି ପୋଲିସ୍ ଭାଙ୍ଗି ଦେଇଛି। ହାତୁଡ଼ିରେ ପିଟି ଡ୍ରୋଜର ଚଢ଼ାଇ ପୋଲିସ୍ ରଞ୍ଜୁର ଘର ଭାଙ୍ଗିଛି।
ସୂଚନାଥାଉ କି, ଭୁବନେଶ୍ୱର ୟୁନିଟ-୮ ପି ସୁବ୍ରତ ରାଓ ଓରଫ ଚନ୍ଦୁ ହତ୍ୟାକାଣ୍ଡ ଘଟଣାର ମୁଖ୍ୟ ଅଭିଯୁକ୍ତ ହେଉଛି ରଞ୍ଜୁ। ଏହି ମାମଲାରେ ରଞ୍ଜୁ ଓ ତା’ ସହଯୋଗୀ କାହ୍ନାକୁ ପୋଲିସ୍ ଗିରଫ କରିଥିଲା। ସରକାରୀ ଜାଗାରେ ବେଆଇନ୍ ଭାବେ ଘର ତିଆରି କରି ରଞ୍ଜୁ ନିଶା କାରବାର ଚଳାଇ ଥିଲା। ଫଳରେ ପୋଲିସ୍ ତା’ ଘର ଭାଙ୍ଗିଛି।
ଗତ ୯ ତାରିଖରେ ନିଶା ବେପାରକୁ କେନ୍ଦ୍ର କରି ଲେଡି ନିଶା ମାଫିଆ ରଞ୍ଜୁ ଓ ତାର ସହଯୋଗୀ କାହ୍ନା, ସୁବ୍ରତଙ୍କୁ ହତ୍ୟା କରିଥିଲେ। ହତ୍ୟାକାଣ୍ଡ ପରେ କେରଳ ଖସିଯିବାକୁ ପ୍ଲାନ କରିବାବେଳେ ଉଭୟଙ୍କୁ ଗଞ୍ଜାମରୁ ପୋଲିସ୍ ଗିରଫ କରିଥିଲା। ପୂର୍ବରୁ ମଧ୍ୟ ନିଶା କାରବାର ନେଇ ରଞ୍ଜୁ ଦୁଇ ଦୁଇ ଥର ଜେଲ୍ ଯାଇଥିଲା।