ଦେଶର ପ୍ରଥମ ତିନି ସେନା ମୁଖ୍ୟ (ସିଡିଏସ୍) ଜେନେରାଲ୍ ବିପିନ୍ ରାୱତଙ୍କ ମୃତ୍ୟୁରେ ଦେଶ ସ୍ତବ୍ଦ ହୋଇଯାଇଛି। ଚାରିଆଡେ ଖେଳିଯାଇଛି ଶୋକର ଛାୟା। ତାମିଲନାଡୁର କୁନ୍ନୁର୍ ନିକଟରେ ହେଲିକପ୍ଟର ଦୁର୍ଘଟଣାରେ ବୁଧବାର ତାଙ୍କର ମୃତ୍ୟୁ ଘଟିଛି। ଖାଲି ବିପିନ୍ ରାୱତ ନୁହେଁ ତାଙ୍କ ପତ୍ନୀଙ୍କ ସହିତ ଅନ୍ୟ ୧୧ ଜଣଙ୍କର ମଧ୍ୟ ମୃତ୍ୟୁ ଘଟିଛି। ମି-୧୭ ଭିଏଚ୍ ହେଲିକପ୍ଟର ଏଭଳି ଦୁର୍ଘଟଣାର ତଦନ୍ତ ପାଇଁ ବାୟୁସେନା ନିର୍ଦ୍ଦେଶ ଦେଇଛି। ଏହି ଦୁର୍ଘଟଣାର କାରଣ ବିଷୟରେ ଏପର୍ଯ୍ୟନ୍ତ କିଛି ସ୍ପଷ୍ଟ କରାଯାଇ ନାହିଁ। କିନ୍ତୁ ଦେଶର ଭିଆଇପିମାନଙ୍କ ପାଇଁ ବିମାନ ଏବଂ ଚପର୍ ଇତ୍ୟାଦି ନିୟମର ସମୀକ୍ଷା କରିବାର ଆବଶ୍ୟକତା ଜାଣିବା ମଧ୍ୟ ଜରୁରୀ ହୋଇପଡିଛି।
ଏହି ହେଲିକପ୍ଟରଟି ହେଉଛି MI 17 ସିରିଜ୍ର ଋଷ ଚପର, ଯାହା ପରିବହନ ହେଲିକପ୍ଟର ଭାବରେ ବ୍ୟବହୃତ ହୁଏ। ଏହି ହେଲିକପ୍ଟର ସମଗ୍ର ବିଶ୍ୱରେ ସାମରିକ ଅପରେସନ୍ ପରିବହନ ପାଇଁ ବ୍ୟବହୃତ ହୁଏ। ଏହା ବହୁ ଓଜନ ପରିବହନ କରିବାର ସକ୍ଷମ ରଖୁଥିବା ବେଳେ ଏତିରେ ୩୬ ଜଣ ଲୋକ ଏକତ୍ର ବସି ଯାତ୍ରା କରିପାରିବେ।
Also Read
କିଏ ତିଆରି କରୁଛି ନିୟମ:
ଭାରତରେ ଭିଆଇପି ଯାତ୍ରା ପାଇଁ ବ୍ୟବହୃତ ବିମାନ ଏବଂ ଚପର ସୁରକ୍ଷା ପାଇଁ ନିୟମ ଡାଇରେକ୍ଟର୍ ଜେନେରାଲ୍ ଅଫ୍ ସିଭିଲ୍ ଆଭିଏସନ୍ (ଡିଜିସିଏ) ନିର୍ଣ୍ଣୟ କରେ। ଡିଜିସିଏର ନିର୍ଦ୍ଦେଶାବଳୀ ଆଧାରରେ ରାଜ୍ୟ ତଥା କେନ୍ଦ୍ର ସରକାର ତଥା ଅନ୍ୟାନ୍ୟ ଅନୁଷ୍ଠାନ ଦ୍ୱାରା ଭିଭିଆଇପି ଯାତ୍ରା ପାଇଁ ବ୍ୟବହୃତ ବିମାନ ଏବଂ ହେଲିକପ୍ଟର ପାଇଁ ଉଚ୍ଚ ସୁରକ୍ଷା ନିୟମ ପାଳନ କରାଯାଏ।
ନିୟମ ସଂଚାଳନ କ୍ଷମତା:
ଏହି ନିର୍ଦ୍ଦେଶାବଳୀ ଅନୁଯାୟୀ, ବିମାନ କିମ୍ବା ଚପରରେ ସର୍ବଦା ଭଲ କାର୍ଯ୍ୟକ୍ଷମତା, ନିର୍ଭରଯୋଗ୍ୟତା ଏବଂ ସହଜ ରକ୍ଷଣାବେକ୍ଷଣ ବୈଶିଷ୍ଟ୍ୟଗୁଡିକ ରହିବା ଉଚିତ, ଯାହା ବିମାନ ନିୟମ ଏବଂ ସମୟାନୁସାରେ ଦିଆଯାଇଥିବା ନିର୍ଦ୍ଦେଶନାମା ଅନୁଯାୟୀ ହେବା ଉଚିତ।
କେଉଁଭଳି ଚାଳକ ରହିବେ:
ତାଲିମପ୍ରାପ୍ତ ଏବଂ ଅଭିଜ୍ଞ ପାଇଲଟ୍ଙ୍କ ଦ୍ୱାରା ଭିଆଇପି ଉଡ଼ାଣ ଆବଶ୍ୟକ। ଭିଆଇପି ବିମାନ ଏବଂ ଚପରଗୁଡିକ ପାଇଁ ପାଇଲଟ୍ ଓ ଇଂଜିନିୟରମାନଙ୍କ ପାଇଁ ଅଲଗା ତାଲିମ ପ୍ରୋଗ୍ରାମ ଥାଏ। ବିମାନ କିମ୍ବା ହେଲିକପ୍ଟରର ପ୍ରତ୍ୟେକ ଉଡ଼ାଣ ପୂର୍ବରୁ ଏକ ପୁଙ୍ଖାନୁପୁଙ୍ଖ ଯାଞ୍ଚ ହେବା ଆବଶ୍ୟକ ଏବଂ ବିମାନ କିମ୍ବା ହେଲିକପ୍ଟରଟି ଉଡ଼ାଣ ପାଇଁ ସମ୍ପୂର୍ଣ୍ଣ ଫିଟ୍ ଅଛି କି ନାହିଁ ତାହା ନିଶ୍ଚିତ ହେବା ଦରକାର।
ବିମାନ ଉଡାଣର ପ୍ରକୃତ ସମୟ:
ସୁରକ୍ଷା ନିୟମ ଅନୁଯାୟୀ, ବିମାନ କିମ୍ବା ହେଲିକପ୍ଟର ଚଳାଚଳ ପାଇଁ ଯେକୌଣସି ପାଣିପାଗ ସୁରକ୍ଷିତ ନଥାଏ। ପରିସ୍ଥିତି ଅନୁପୁକ୍ତ ଥିଲେ କୌଣସି ବି ପରିସ୍ଥିତିରେ ବିମାନ ଚଳାଚଳକୁ ଅନୁମତି ଦିଆଯିବା ଉଚିତ ନୁହେଁ। ପ୍ରତ୍ୟେକ ଭିଆଇପି ଫ୍ଲାଇଟ୍ 'ଏକାଧିକ ଚାଳକ ଦଳ' ଦ୍ୱାରା ପରିଚାଳିତ ହେବା ଉଚିତ। ତେବେ ଜେନେରାଲ ବିପିନ୍ ରାୱତଙ୍କ କ୍ଷେତ୍ରରେ ବର୍ତ୍ତମାନ ଏହି ନିୟମକୁ ଅଣଦେଖା ହୋଇନି ତ?
ପାଇଲଟ୍ଙ୍କ ପାଇଁ ଜରୁରୀ ନିର୍ଦ୍ଦେଶ:
ନିୟମ ଅନୁଯାୟୀ, ପ୍ରତ୍ୟେକ ଉଡ଼ାଣ ଆରମ୍ଭ ହେବା ପୂର୍ବରୁ ପାଇଲଟ୍ଙ୍କୁ ପାଣିପାଗ ସମ୍ବନ୍ଧୀୟ ସୂଚନା ବିଷୟରେ ଅବଗତ କରାଇବା ଆବଶ୍ୟକ। ଯଦି ବିମାନଟି ବନ୍ୟା ଅଛଳ ଦେଇ ଅତିକ୍ରମ କରିବାକୁ ଯାଉଛି, ତେବେ ପାଇଲଟ୍ଙ୍କୁ ନିର୍ଦ୍ଦେଶ ହୋଇଥାଏ ଯେ ବିମାନରେ କିମ୍ବା ଚପର୍ରେ ଥିବା ସମସ୍ତଙ୍କ ପାଇଁ ପର୍ଯ୍ୟାପ୍ତ ପରିମାଣର ଉଦ୍ଧାରକାରୀ କିଟ୍ ଅଛି କି ନାହିଁ ସେ ନିଶ୍ଚିତ କରିବେ। ଏହା ବ୍ୟତୀତ, ପ୍ରତ୍ୟେକ ବିମାନ ଉଡ଼ାଣ ପୂର୍ବରୁ, ପ୍ରତ୍ୟେକ ଯାତ୍ରୀ ଜରୁରୀକାଳୀନ ପରିସ୍ଥିତିରେ ଉଦ୍ଧାର କିଟ୍ କିପରି ବ୍ୟବହାର କରିବେ ତାହା ଜାଣିବା ଉଚିତ।
ଯଦି ବିମାନ ଉଡାଣ ପୂର୍ବରୁ ଯାଞ୍ଚରେ କୌଣସି ଅଭାବ କିମ୍ବା ତ୍ରୁଟି ଦେଖାଯାଏ, ତେବେ ଏପରି ପରିସ୍ଥିତିରେ କ’ଣ କରିବାକୁ ହେବ ଏବଂ ଉଡ଼ାଣ କେବେ ହେବ ସେନେଇ ପୃଥକ ନିର୍ଦ୍ଦେଶନାମା ମଧ୍ୟ ରହିଛି। ଏଭଳି ପରିସ୍ଥିତିରେ ପାଇଲଟ-ଇନ୍-କମାଣ୍ଡକୁ ସମ୍ପୂର୍ଣ୍ଣ ଭାବରେ ଜଣାଇବା ଉଚିତ ଏବଂ ସଂଶୋଧନ ପରେ ନିଶ୍ଚିତ କରାଯିବା ଉଚିତ ଏବଂ ପର୍ଯ୍ୟାପ୍ତ ପ୍ରମାଣପତ୍ର ପାଇବା ପରେ ହିଁ ଉଡାଣକୁ ଅନୁମତି ଦିଆଯିବା ଉଚିତ।