ଆଜିକାଲି, ଅଧିକାଂଶ ବାପାମାଆ ସେମାନଙ୍କ ପିଲାମାନଙ୍କର ପାଠପଢା, ସେମାନଙ୍କ ପରୀକ୍ଷାରେ ଭଲ ପ୍ରଦର୍ଶନ ଏବଂ ଭଲ ପରୀକ୍ଷା ଫଳାଫଳକୁ ନେଇ ଚିନ୍ତିତ। ବର୍ତ୍ତମାନ କେତେକ ବିଦ୍ୟାଳୟରେ ପରୀକ୍ଷା ସମୟ ଆରମ୍ଭ ହୋଇଛି। ଏଥି ସହିତ, ପିଲାମାନେ ମଧ୍ୟ ବାପାମାଆଙ୍କ ଆଶା ପୂରଣ କରିବା ଏବଂ ଭଲ ମାର୍କ ଆଣି ପରୀକ୍ଷାରେ ଉତ୍ତୀର୍ଣ୍ଣ ହେବା ଏବଂ ଆଉ ଏକ ନୂଆ ଶ୍ରେଣୀକୁ ଯିବା ପାଇଁ ଅଧ୍ୟୟନରେ ଧ୍ୟାନ ଦେଉଛନ୍ତି।
Also Read
ତେବେ ବେଳେବେଳେ ଏମିତି ହୁଏ ଯେ ପିଲା ଘଣ୍ଟା ଘଣ୍ଟା ଧରି ପାଠ ପଢନ୍ତି ସତ କିନ୍ତୁ କିଛି ମନେରଖି ପାରନ୍ତି ନାହିଁ କିମ୍ବା ରିଭିଜନ ସମୟରେ ସେ ସବୁକିଛି ମନେ ରଖିଥାନ୍ତି କିନ୍ତୁ ଯେତେବେଳେ ତାଙ୍କୁ ପରୀକ୍ଷା କରାଯାଏ କିମ୍ବା ପରୀକ୍ଷାରେ ଲେଖିବାବେଳେ ଏହାକୁ ଭୁଲିଯାଆନ୍ତି। ଯଦି ଆପଣଙ୍କ ପିଲାଙ୍କର ମଧ୍ୟ ଏହି ପ୍ରକାର ସମସ୍ୟା ଅଛି ତେବେ ଚିନ୍ତା କରନ୍ତୁ ନାହିଁ। ପାଠ ପଢୁଥିବା ପିଲାମାନଙ୍କୁ ନିୟମିତ ଭାବରେ ଯୋଗ ଅଭ୍ୟାସ ଶିଖାନ୍ତୁ। ଏହା ଦ୍ୱାରା ପିଲା ଯାହା ପଢିବେ ଏକାଥରେ ମନେ ରହିଯିବ।
ଅନେକ ଯୋଗାସନ ରହିଛି ଯାହା ସ୍ମୃତିଶକ୍ତିକୁ ଉନ୍ନତି କରିଥାଏ। ଏହା ଏକାଗ୍ରତା ଏବଂ ପାଠପଢାରେ ଧ୍ୟାନ ଦେବାରେ ମଧ୍ୟ ସାହାଯ୍ୟ କରିଥାଏ। ତେବେ ଆସନ୍ତୁ ଏମିତି କିଛି ଯୋଗାସନ ବିଷୟରେ ଜାଣିବା ଯାଆକୁ ପିଲାମାନେ ନିୟମିତ ଅଭ୍ୟାସ କରିବା ଦ୍ୱାରା ସେମାନଙ୍କ ସ୍ମୃତିରେ ଉନ୍ନତି ଆସିବ।
ପଦ୍ମାସନ:
ଏହି ଆସନ ପ୍ରତ୍ୟେକ ପିଲାଙ୍କ ପାଇଁ ସହଜ ହୋଇଥାଏ। ଏହାକୁ ଅଭ୍ୟାସ କରିବା ଦ୍ୱାରା ମାଂସପେଶୀର ଚାପ କମିଯାଏ ଏବଂ ମନକୁ ଶାନ୍ତ ରଖେ। ସକ୍ରିୟ ହେବା ଦ୍ୱାରା ମସ୍ତିଷ୍କର ସ୍ୱାସ୍ଥ୍ୟରେ ଉନ୍ନତି ଆସେ। ଏହି ଆସନ ପିଲାଙ୍କୁ ଗୋଟିଏ ସ୍ଥାନରେ ଧ୍ୟାନ ରଖିବାରେ ସାହାଯ୍ୟ କରେ। ପଦ୍ମାସନ କରିବାକୁ ହେଲେ ଦୁଇ ଗୋଡକୁ କ୍ରସ୍ କରି ବସନ୍ତୁ। ଏହାପରେ ଦୁଇ ହାତକୁ ଆଣ୍ଠୁ ଉପରେ ରଖନ୍ତୁ ଏବଂ ଆଖି ବନ୍ଦ କରନ୍ତୁ। କିଛି ସମୟ ଏହି ଆସନରେ ରୁହନ୍ତୁ ଆଉ ଶ୍ୱାସ ଉପରେ ଧ୍ୟାନ ଦିଅନ୍ତୁ।
ସର୍ବାଙ୍ଗାସନ:
ଏକାଗ୍ରତା ଏବଂ ଧ୍ୟାନରେ ଉନ୍ନତି ଆଣିବା ପାଇଁ, ସର୍ବାଙ୍ଗାସନକୁ ନିୟମିତ ଅଭ୍ୟାସ କରିବା ଉଚିତ। ଏହି ଆସନ ଶରୀରର ସମସ୍ତ ଚକ୍ର ଏବଂ ଅଙ୍ଗକୁ ସଂଲଗ୍ନ କରେ। ମସ୍ତିଷ୍କକୁ ମଜବୁତ କରିବା ଏବଂ ଏହାକୁ ସୁସ୍ଥ ରଖିବା ପାଇଁ ଏହି ଯୋଗାସନକୁ ନିୟମିତ ଅଭ୍ୟାସ କରାଯାଇପାରିବ।
ସର୍ବାଙ୍ଗାସନ ମସ୍ତିଷ୍କରେ ରକ୍ତ ସଞ୍ଚାଳନକୁ ସୁଗମ କରିଥାଏ ଏବଂ ସ୍ମୃତିଶକ୍ତି ବୃଦ୍ଧିରେ ଖୁବ ଲାଭଦାୟକ ହୋଇଥାଏ। ଏହି ଆସନ କରିବା ପାଇଁ ଜଣକୁ ପିଠି ପଟିଆ ଶୋଇ ଶରୀରର ସମସ୍ତ ଭାରକୁ ବେକ ଆଡକୁ ନିଆଯାଏ। ପିଲାମାନେ ଏହାକୁ ଧୀରେ ଧୀରେ ଅଭ୍ୟାସ କରିବା ପାଇଁ ପ୍ରସ୍ତୁତ କରାଯିବା ଉଚିତ।
ବଜ୍ରାସନ:
ବଜ୍ରାସନ ଅଭ୍ୟାସ କରିବାକୁ, ଆଣ୍ଠୁ ପଛକୁ ଭାଙ୍ଗି ବସନ୍ତୁ। ଦୁଇ ହାତକୁ ଆଣ୍ଠୁ ଉପରେ ରଖି ଆଖି ବନ୍ଦ କରି ମନକୁ ଶାନ୍ତ ରଖନ୍ତୁ। ଶ୍ୱାସକ୍ରିୟାକୁ ଧୀର କରନ୍ତୁ। ଏହି ଅଭ୍ୟାସ କରିବା ଦ୍ୱାରା ଚାପ ଏବଂ କ୍ରୋଧ ନିୟନ୍ତ୍ରଣରେ ରହିଥାଏ। ମନ ମଧ୍ୟ ଶାନ୍ତ ରୁହେ ଏବଂ ଏକାଗ୍ରତା ବଢେ। ଫଳରେ ପାଠ ମନେରୁହେ।