Be Carefull: ଗାଡିରେ ରଖୁଛନ୍ତି କି ପାଣି ବୋତଲ; ସାବଧାନ! ଲାଗିପାରେ ନିଆଁ

ଦିନକୁ ଦିନ ଗରମ ଅସହ୍ୟ ହେବାରେ ଲାଗିଛି। ଯେତେ ଗରମ ବଢୁଛି ଶୋଷ ମଧ୍ୟ ସେତେ ବଢୁଛି। ସେଥିପାଇଁ ଲୋକମାନେ ଯେଉଁଠାକୁ ଯାଉଛନ୍ତି ସାଙ୍ଗରେ ଏକ ପାଣି ବୋତଲ ନେଉଛନ୍ତି। ସେ ବସ୍‌ରେ ହେଉ କି ଟ୍ରେନ୍‌ରେ କିମ୍ବା ନିଜ ଗାଡ଼ିରେ ଯାତ୍ରା କରନ୍ତୁ ପଛେ।

କିନ୍ତୁ ଆପଣ ଜାଣନ୍ତି କି ଗାଡ଼ିରେ ପାଣି ବୋତଲ ରଖିବା ଆପଣଙ୍କ ପାଇଁ ବହୁତ ବିପଦ ହୋଇପାରେ? ଗାଡ଼ିରେ ପାଣି ବୋତଲ ରଖିବା କାହିଁକି ବିପଦ? ଏହା ପଛରେ କାରଣ କ'ଣ? ଆସନ୍ତୁ ଆମେ ସେ ସବୁ ବିଷୟରେ ଜାଣିବା।

ପ୍ରକୃତରେ, ଗ୍ରୀଷ୍ମ ଋତୁରେ ଗାଡ଼ି ଭିତରେ ପ୍ଲାଷ୍ଟିକ୍ ବୋତଲରେ ଭର୍ତ୍ତି ପାଣି ଆପଣଙ୍କ ପାଇଁ ଘାତକ ସାବ୍ୟସ୍ତ ହୋଇପାରେ। କାରଣ ଖରାରେ ଗାଡି ଭିତରେ ରଖାଯାଇଥିବା ପାଣି ବୋତଲଟି ବହୁତ ଗରମ ହୋଇଯାଏ। ତେଣୁ ଏଥିରୁ କ୍ଷତିକାରକ ରାସାୟନିକ ପଦାର୍ଥ ନିର୍ଗତ ହୁଏ। ଯାହା ପାଣିରେ ଦ୍ରବୀଭୂତ ହୋଇ ଶରୀରରେ ପ୍ରବେଶ କରେ।

ଯଦି ଏହି କ୍ଷତିକାରକ ରାସାୟନିକ ପଦାର୍ଥ ଯୁକ୍ତ ପାଣି ପିଆଯାଏ ତେବେ ଏହା ପରେ କର୍କଟ ରୋଗର ଆଶଙ୍କାକୁ ବଢାଇଦିଏ। କେବଳ ଏତିକି ନୁହେଁ, ଏହା ଅନ୍ୟାନ୍ୟ ସ୍ୱାସ୍ଥ୍ୟ ସମ୍ବନ୍ଧୀୟ ସମସ୍ୟା ମଧ୍ୟ ସୃଷ୍ଟି କରିପାରେ। ତେଣୁ, ଖରାରେ ପାର୍କିଂ କରାଯାଇଥିବା ଗାଡ଼ିରେ କେବେବି ପ୍ଲାଷ୍ଟିକ୍ ପାଣି ବୋତଲ ରଖନ୍ତୁ ନାହିଁ।

କେବଳ ଏତିକି ନୁହେଁ, ଖରାରେ ଥିବା ଗାଡ଼ିରେ ରଖାଯାଇଥିବା ପାଣି ବୋତଲରୁ ନିଆଁ ମଧ୍ୟ ଲାଗିପାରେ। ଆପଣ ନିଶ୍ଚୟ ଭାବୁଥିବେ ଯେ ଏହା କିପରି ହୋଇପାରିବ। ଯେତେବେଳେ ତାପମାତ୍ରା ବହୁତ ଅଧିକ ଥାଏ ଏବଂ ସୂର୍ଯ୍ୟକିରଣ ଗାଡ଼ି ଭିତରକୁ ପ୍ରବେଶ କରେ, ଯେତେବେଳେ ଗାଡ଼ିରେ ଥିବା ପାଣି ବୋତଲ ଏକ ଲେନ୍ସ ପରି କାମ କରେ।

କାରଣ ପ୍ଲାଷ୍ଟିକ୍ ବୋତଲ ସ୍ୱଚ୍ଛ ହୋଇଥାଏ। ଏହା ଉପରେ ପଡ଼ିବା ସୂର୍ଯ୍ୟକିରଣ ଗୋଟିଏ ସ୍ଥାନରେ କେନ୍ଦ୍ରିତ ହୋଇ ତାପ ସୃଷ୍ଟି କରେ ଯାହା ନିଆଁ ସୃଷ୍ଟି କରିପାରେ। ଯଦି ଗାଡ଼ିରେ ଅନ୍ୟ କୌଣସି ଜ୍ୱଳନଶୀଳ ପଦାର୍ଥ ଥାଏ ତେବେ ଗାଡ଼ିରେ ତୁରନ୍ତ ନିଆଁ ଲାଗିପାରେ।

ତେଣୁ ଏହି ଗ୍ରୀଷ୍ମଋତୁରେ ଆପଣଙ୍କ ଗାଡ଼ିରେ ପ୍ଲାଷ୍ଟିକ୍ ପାଣି ବୋତଲ ରଖନ୍ତୁ ନାହିଁ କିମ୍ବା ଗାଡ଼ିର କାଚକୁ ସନ୍‌ସେଟ୍ ସହିତ କଭର କରିଦିଅନ୍ତୁ। ନଚେତ ଆପଣ ଏକ ଷ୍ଟିଲ୍ ବୋତଲ କିମ୍ବା ଏକ ତମ୍ବା ବୋତଲ ବ୍ୟବହାର କରିପାରିବେ।