Parenting Tips: ପିଲାମାନଙ୍କୁ ଶିଖାଇ ଦିଅନ୍ତୁ ଜୀବନର ଏହି ୬ ମୂଳ ମନ୍ତ୍ର; ଦିନେ ଆପଣ ଗର୍ବ କରିବେ

ପିଲାମାନଙ୍କୁ ପାଳିବା ସହଜ କଥା ନୁହେଁ। କିନ୍ତୁ ଯଦି ସେମାନଙ୍କୁ ପିଲାଦିନରୁ ଜୀବନ ବଞ୍ଚିବାର ସଠିକ୍ ଉପାୟ କୁହାଯାଏ, ତେବେ ଏହି ପିଲାମାନେ ଭବିଷ୍ୟତରେ ଉନ୍ନତ ଏବଂ ଶକ୍ତିଶାଳୀ ହୋଇପାରିବେ। ଆଜିର ସମୟରେ, କେବଳ ପୁସ୍ତକ ଜ୍ଞାନ ଯଥେଷ୍ଟ ନୁହେଁ, ଏହା ବାଦ୍ ଜୀବନର କଳା ଶିଖାଇବା ମଧ୍ୟ ଆବଶ୍ୟକ।

ଏପରି ପରିସ୍ଥିତିରେ ପିଲାମାନଙ୍କୁ ଜୀବନର କିଛି ମୂଳ ମନ୍ତ୍ର ଶିକ୍ଷା ଦେବା ବାପାମାଆଙ୍କର କର୍ତ୍ତବ୍ୟ, ଯାହା ସେମାନଙ୍କର ବ୍ୟକ୍ତିତ୍ୱର ବୃଦ୍ଧି ସହିତ ସେମାନଙ୍କୁ ଅସୁବିଧାର ସମ୍ମୁଖୀନ ହେବାକୁ ସାହସ ମଧ୍ୟ ଦେଇଥାଏ। ଏହି ମୂଳ ମନ୍ତ୍ର ସେମାନଙ୍କୁ କେବଳ ଆତ୍ମବିଶ୍ୱାସରେ ପରିପୂର୍ଣ୍ଣ କରିବ ନାହିଁ ବରଂ ସେମାନଙ୍କୁ ଜ୍ଞାନୀ, ସଚ୍ଚୋଟ ଏବଂ ମାନସିକ ସ୍ତରରେ ଖୁସି କରିବାରେ ସହଯୋଗ ମଧ୍ୟ କରିବ।

ଅଧିକ ପଢ଼ନ୍ତୁ: ପିଲାର ନାଁ ଦେବାବେଳେ କରନ୍ତୁ ନାହିଁ ଏହି ଭୁଲ୍; ପିଲାଙ୍କୁ ଅସୁବିଧାରେ ପକାଇପାରେ

ଜୀବନର ୬ ମୂଳ ମନ୍ତ୍ର –

ଭୁଲ୍ ହେବା ଖରାପ ନୁହେଁ:

ଭୁଲ୍ ହୋଇଗଲେ ବିରକ୍ତ ନ ହେବାକୁ ପିଲାମାନଙ୍କୁ ଶିଖାନ୍ତୁ। ଆପଣ ସେମାନଙ୍କୁ ନିଜର ଭୁଲଗୁଡ଼ିକର କାହାଣୀ କୁହନ୍ତୁ ଏବଂ ଆପଣ କିପରି ଏହି ଭୁଲ୍ କରିଥିଲେ ଏବଂ ସେହି ଭୁଲ୍‌ କିପରି ଆପଣଙ୍କ ସଫଳତାର କାରଣ ହୋଇଗଲା ତାହା ଜଣାନ୍ତୁ।

ସତ କହିବାକୁ ପ୍ରେରଣା:

ପିଲାମାନଙ୍କ ମନରେ ପ୍ରଭାବ ପକାନ୍ତୁ ଯେ ସତ କହିବା ବିଶ୍ୱାସ ସୃଷ୍ଟିକରେ। ଆପଣ ଘରେ ଏପରି ପରିବେଶ ସୃଷ୍ଟି କରିବା ଉଚିତ ଯେଉଁଠାରେ ପିଲାମାନେ ଆରାମ ଅନୁଭବ କରିପାରିବେ ଏବଂ ସବୁକିଛି ଖୋଲି କହିପାରିବେ।

ଶରୀର ଏବଂ ମନ ଯତ୍ନ:

ପିଲାମାନଙ୍କୁ କୁହନ୍ତୁ ଯେ ସୁଖମୟ ଜୀବନ ପାଇଁ ଏକ ସୁସ୍ଥ ମନ ଏବଂ ସୁସ୍ଥ ଶରୀର ରହିବା ଆବଶ୍ୟକ। ଯାହା ଦ୍ୱାରା ସେମାନେ ନିଜ ଜୀବନରେ ବ୍ୟାୟାମ, ସୁସ୍ଥ ଖାଦ୍ୟ, ଯୋଗ, ଧ୍ୟାନ ଇତ୍ୟାଦି କାର୍ଯ୍ୟକଳାପକୁ ସାମିଲ କରିପାରିବେ।

କୃତଜ୍ଞତା ଜଣାଇବା:

ଯେତେବେଳେ ଆପଣ ସାହାଯ୍ୟ ପାଇଁ କାହାକୁ ଧନ୍ୟବାଦ ଦିଅନ୍ତି ଏବଂ ସେମାନଙ୍କୁ କୃତଜ୍ଞତା ଜଣାନ୍ତି, ଏହା ଆପଣଙ୍କ ଭିତରେ ଖୁସି ଭରିଦିଏ। ତେଣୁ, ଲୋକମାନଙ୍କୁ ପ୍ରତିଦିନ ସାହାଯ୍ୟ ପାଇଁ ଧନ୍ୟବାଦ ଜଣାଇବାକୁ କିମ୍ବା କୃତଜ୍ଞତା ଜଣାଇବାକୁ ଶିଖାନ୍ତୁ।

ଅଧିକ ପଢ଼ନ୍ତୁ: ଏହି ୧୦ଟି କଥାକୁ ନେଇ କେବେବି ପିଲାମାନଙ୍କୁ ଟଣ୍ଟ୍ ମାରନ୍ତୁ ନାହିଁ; ଆସିଯିବ ସଂପର୍କରେ ଦୂରତା

ଲୋକଙ୍କ ସହିତ ବ୍ୟବହାର:

ଆପଣ ଯେପରି ଭାବରେ ଲୋକମାନଙ୍କ ଠାରୁ ବ୍ୟବହାର ଚାହାଁନ୍ତି ଆପଣ ଅନ୍ୟକୁ ମଧ୍ୟ ସେହିଭଳି ବ୍ୟବହାର କରନ୍ତୁ। ପିଲାମାନଙ୍କୁ ମଧ୍ୟ ଏଭଳି କରିବାକୁ ଶିକ୍ଷା ଦିଅନ୍ତୁ। ଏହି ଉପାୟ ପିଲାମାନଙ୍କୁ ବୁଝାଇବା ପାଇଁ ଘରେ ରୋଲ୍ ପ୍ଲେ ଗେମ୍ କରିପାରିବେ।

ହାର ନ ମାନିବା:

ଯେକୌଣସି ପ୍ରକାରର ଚ୍ୟାଲେଞ୍ଜ କିମ୍ବା କଠିନ ପରିସ୍ଥିତି ମଣିଷକୁ ଉନ୍ନତ କରିଥାଏ। ପିଲାମାନଙ୍କୁ ଏହି ଶିକ୍ଷା ଦିଅନ୍ତୁ ଏବଂ ସେମାନଙ୍କୁ ପ୍ରସିଦ୍ଧ ବ୍ୟକ୍ତିମାନଙ୍କ ସଫଳତାର କାହାଣୀ ଶୁଣାନ୍ତୁ।

ଏହି ସବୁ ଟିପ୍ସ ଦ୍ୱାରା ଆପଣଙ୍କର ପିଲାମାନେ ପରିପକ୍ୱ ଏବଂ ବ୍ୟବହାରରେ କୁଶଳ ହୋଇପାରିବେ। କେବଳ ଏତିକି ନୁହେଁ, ସେମାନେ ବୟସ ବାଢିବା ସହିତ ଆତ୍ମବିଶ୍ୱାସୀ ଏବଂ ସଫଳ ବ୍ୟକ୍ତି ମଧ୍ୟ ହୋଇଯିବେ।

ଅଧିକ ପଢ଼ନ୍ତୁ: ଆପଣଙ୍କ ପିଲା ଭଲ ପଢୁନି, ଲୋକଙ୍କୁ ଖରାପ ବ୍ୟବହାର କରୁଛି କି… ପରିବର୍ତ୍ତନ କରିଦିଅନ୍ତୁ ଘରର ଏହି ପରିବେଶ