Parenting Tips: ଆପଣଙ୍କ ପିଲା ଯଦି ୧୦ ବର୍ଷର ହୋଇଗଲାଣି, ଶିଖାନ୍ତୁ ଏହି କଥା; ମିଳିଯିବ ସଂସ୍କାର

ଗୋଟିଏ ସମୟ ଥିଲା ଯେତେବେଳେ ପରିବାର ଲୋକେ ନିଜ ପିଲାମାନଙ୍କୁ ବହୁତ ଛୋଟ ବୟସରୁ ମୂଲ୍ୟବୋଧ ଶିକ୍ଷା ଦେବା ଆରମ୍ଭ କରୁଥିଲେ, କିନ୍ତୁ ଆଜିର ସମୟ ବଦଳିଯାଇଛି। ଆଜିକାଲି ଲୋକମାନେ ନିଜ ପିଲାମାନଙ୍କ ଉପରେ କଠୋର ହେବାକୁ ଚାହାଁନ୍ତି ନାହିଁ, ଯେଉଁ କାରଣରୁ ଅନେକ ସମୟରେ ପିଲାମାନେ ବହୁତ ଜିଦ୍‌ଖୋର ହୋଇଯାଆନ୍ତି।

ଏପରି ପରିସ୍ଥିତିରେ, ଯଦି ଆପଣ ଚାହୁଛନ୍ତି ଯେ ଆପଣଙ୍କ ପିଲା ଜିଦ୍‌ଖୋର ନ ହେଉ, ତେବେ ନିଶ୍ଚିତ ଭାବରେ ଆପଣଙ୍କ ପିଲାଙ୍କୁ ବର୍ତ୍ତମାନଠାରୁ କିଛି ଜିନିଷ ଶିଖାନ୍ତୁ। ନିଜର ଶାନ୍ତିପୂର୍ଣ୍ଣ ଜୀବନ ପାଇଁ, ପିଲାମାନକୁ ନୀତିଶିକ୍ଷା ଦେବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଏପରି ପରିସ୍ଥିତିରେ, ଯଦି ଆପଣଙ୍କର ପିଲାକୁ ୧୦ବର୍ଷ ହୋଇଯାଇଛି, ତେବେ ନିଶ୍ଚିତ ଭାବରେ ତାଙ୍କୁ ବର୍ତ୍ତମାନଠାରୁ କିଛି ଜିନିଷ ଶିଖାଇବା ଆରମ୍ଭ କରନ୍ତୁ।

ଯଦି ଏହି ଜିନିଷ ମନରେ ରହିଯାଏ, ତେବେ ଭବିଷ୍ୟତରେ ସେମାନଙ୍କୁ କୌଣସି ପ୍ରକାରର ସମସ୍ୟାର ସମ୍ମୁଖୀନ ହେବାକୁ ପଡ଼ିବ ନାହିଁ। ତେବେ ୧୦ ବର୍ଷର ପିଲାମାନଙ୍କୁ ଏଭଳି ଶିକ୍ଷା ଦେବାର କାରଣ ଏହି ବୟସରେ ସେମାନେ ଶୀଘ୍ର ଶିଖନ୍ତି ଏବଂ କଥାକୁ ମଧ୍ୟ ଭଲ ଭାବରେ ବୁଝନ୍ତି।

ସମସ୍ତଙ୍କୁ ସମ୍ମାନ ଦେବା:

କାହାକୁ ବି ଅସମ୍ମାନ ନ କରିବାକୁ ନିଜ ପିଲାଙ୍କୁ ଶିକ୍ଷାଦେବା ଜରୁରୀ। ସମସ୍ତଙ୍କୁ ସମ୍ମାନର ସହିତ କଥାବାର୍ତ୍ତା କରିବାକୁ ସେମାନଙ୍କୁ ଛୋଟ ବୟସରୁ ଶିକ୍ଷା ଦିଅନ୍ତୁ। ଏହା ଏପରି ଏକ ଅଭ୍ୟାସ, ଯାହା ଥରେ ଆଦତରେ ପଡିଗଲେ, ଶେଷ ନିଶ୍ୱାସ ପର୍ଯ୍ୟନ୍ତ ଚାଲିଥାଏ।

ନିଜ କାମ କରିବାକୁ ଶିଖାନ୍ତୁ:

ଛୋଟ ପିଲାମାନେ ପ୍ରାୟତଃ ସେମାନଙ୍କ ବାପାମାଆଙ୍କ ଉପରେ ନିର୍ଭରଶୀଳ ହୁଅନ୍ତି। ଏପରି ପରିସ୍ଥିତିରେ ସେମାନଙ୍କୁ ସେମାନଙ୍କର ଛୋଟ ଛୋଟ କାମ କରିବାକୁ ଶିଖାନ୍ତୁ। ଫଳରେ ସେମାନେ ବିଦ୍ୟାଳୟରେ କୌଣସି ପ୍ରକାରର ସମସ୍ୟାର ସମ୍ମୁଖୀନ ହେବେନି। ଯଦି ସେମାନେ ନିଜ କାମ ନିଜେ କରନ୍ତି ତେବେ ସେମାନେ କୌଣସି ସ୍ଥାନକୁ ଯିବାରେ କିଛି ଅସୁବିଧାର ସମ୍ମୁଖୀନ ହେବେ ନାହିଁ।

ଦାୟିତ୍ୱ ହସ୍ତାନ୍ତର କରନ୍ତୁ:

ନିଜ ପିଲାଙ୍କୁ ସଂସ୍କାରୀ କରିବା ପାଇଁ, ୧୦ ବର୍ଷ ବୟସରୁ ସେମାନଙ୍କୁ ଦାୟିତ୍ୱ ଦେବା ଆରମ୍ଭ କରନ୍ତୁ। ଉଦାହରଣ ସ୍ୱରୂପ, ଆପଣ ସେମାନଙ୍କୁ ଆପଣଙ୍କ ସହିତ ଗଛ ଲଗେଇବା, ଗଛରେ ପାଣି ଦେବା ପାଇଁ କହିପାରିବେ, କିମ୍ବା ଆପଣ ସେମାନଙ୍କୁ ଅନ୍ୟାନ୍ୟ ଛୋଟ ଛୋଟ କାମ କରିବାକୁ କହିପାରିବେ।

ଅର୍ଥର ମହତ୍ତ୍ୱ ଶିଖାନ୍ତୁ:

ଏହା ହେଉଛି ସବୁଠାରୁ ଗୁରୁତ୍ୱପୂର୍ଣ୍ଣ ଶିକ୍ଷା। ଟଙ୍କା କେତେ ଗୁରୁତ୍ୱପୂର୍ଣ୍ଣ ତାହା ନିଜ ପିଲାଙ୍କୁ ଅନୁଭବ କରାନ୍ତୁ। ଏହା ସହିତ, ସେମାନଙ୍କୁ ମଧ୍ୟ କୁହନ୍ତୁ ଯେ ଆପଣ କେତେ କଷ୍ଟ କରି ଟଙ୍କା ରୋଜଗାର କରୁଛନ୍ତି। ପିଲାଦିନରୁ ସେମାନଙ୍କ ହାତରେ କିଛି ଟଙ୍କା ଦିଅନ୍ତୁ, ଯାହାଫଳରେ ସେମାନେ ଟଙ୍କା ପରିଚାଳନା କରିବା ଶିଖିପାରିବେ।

ଅନୁଶାସନ ଶିଖାନ୍ତୁ:

ପିଲାଦିନରୁ ଅନୁଶାସନର ଶିକ୍ଷା ଦେବା ଜରୁରୀ। ଯେପରିକି ସେମାନଙ୍କୁ ଶୀଘ୍ର ଉଠିବାର ଲାଭ କହିବା, ଠିକ୍ ସମୟରେ ଶୋଇବାର ଅଭ୍ୟାସ କରେଇବା। ଏହା ସହିତ, ନିଜ ପିଲାକୁ ଦିନକୁ ଦୁଇଥର ବ୍ରଶ୍ କରିବା ଏବଂ ନିଜ ବାସନ ନିଜେ ଉଠେଇ ରଖିବା ଶିଖାନ୍ତୁ।