Parenting Tips: ଆପଣଙ୍କ ପିଲାର ଉଚ୍ଚତା ବଢୁନି କି… ସେମାନଙ୍କୁ କରାନ୍ତୁ ଏହି ୩ ଆସନ, ଶୀଘ୍ର ବଢିବ ଉଚ୍ଚତା

ଯଦି ଆପଣ ପ୍ରତିଦିନ ଯୋଗ ଅଭ୍ୟାସ କରନ୍ତି, ତେବେ ଅନେକ ସମସ୍ୟାରୁ ମୁକ୍ତି ମିଳିଥାଏ, ଏହା ପ୍ରାୟ ସମସ୍ତେ ଜାଣନ୍ତି। କେବଳ ଏତିକି ନୁହେଁ, ଶାରୀରିକ ଏବଂ ମାନସିକ ସ୍ୱାସ୍ଥ୍ୟକୁ ଉନ୍ନତ ରଖିବା ସହିତ ଯୋଗ ମଧ୍ୟ ବଢୁଥିବା ପିଲାମାନଙ୍କର ବୃଦ୍ଧି ପାଇଁ ବହୁତ ଲାଭଦାୟକ ହୋଇଥାଏ।

ପ୍ରାୟ ସବୁ ବାପାମାଆ ପିଲାମାନଙ୍କ ଉଚ୍ଚତାକୁ ନେଇ ଚିନ୍ତାରେ ଥାଆନ୍ତି, ବିଶେଷ କରି ଯେଉଁ ପିଲାମାନଙ୍କର ଉଚ୍ଚତା ବଢିବାରେ ମନ୍ଥରତା ଦେଖାଯାଏ। ଏଭଳି ପରିସ୍ଥିତିରେ ଅନେକ ବିଭିନ୍ନ ପ୍ରକାର ଉପାୟକୁ ଆପଣାନ୍ତି। ସେମାନେ ନିଜ ପିଲାମାନଙ୍କୁ ବଜାରରେ ମିଳୁଥିବା ବିଭିନ୍ନ ପ୍ରକାର ଖାଦ୍ୟ ଦେଇ ଖର୍ଚ୍ଚାନ୍ତ ହୁଅନ୍ତି।

ଅଧିକ ପଢ଼ନ୍ତୁ: Parenting Tips: ପିଲାମାନଙ୍କୁ ସମୟ ଦେବା ନେଇ ଚିନ୍ତିତ କି; ଘରେ ସେମାନଙ୍କ ସହ ଏମିତି କାଟନ୍ତୁ କ୍ୱାଲିଟି ଟାଇମ୍

ତେବେ ଆପଣ କିଛି ବିଶେଷ ଯୋଗାସନ ସାହାଯ୍ୟରେ ପିଲାମାନଙ୍କ ଉଚ୍ଚତାକୁ ଶୀଘ୍ର ବୃଦ୍ଧି କରିପାରିବେ, ତାହା ପୁଣି ବିନା ଖର୍ଚ୍ଚରେ। ତେବେ ଆସନ୍ତୁ ଜାଣିବା ଯଦି ବୟସ ଅନୁଯାୟୀ ଆପଣଙ୍କ ପିଲାର ଉଚ୍ଚତା କମ୍ ଥାଏ, କେଉଁ ଯୋଗ ଦ୍ୱାରା ସେମାନଙ୍କ ଉଚ୍ଚତାକୁ ଦ୍ରୁତ ଗତିରେ ବୃଦ୍ଧି କରିପାରିବେ।

ତାଡାସନ:

ଉଚ୍ଚତା ବଢାଇବା ପାଇଁ ତାଡାସନ ଏକ ଉତ୍କୃଷ୍ଟ ଯୋଗାସନ। ଏହା ଶରୀରର ମାଂସପେଶୀକୁ ବିସ୍ତାର କରିଥାଏ ଏବଂ ଶରୀରକୁ ନମନୀୟ କରିଥାଏ। ଏହି ଉପାୟରେ ଏହା ଉଚ୍ଚତା ବୃଦ୍ଧି କରିବାରେ ସାହାଯ୍ୟ କରେ। ଏହା କରିବା ପାଇଁ, ଏକ ସମତଳ ପୃଷ୍ଠରେ ଠିଆ ହୁଅନ୍ତୁ ଏବଂ ଦୁଇ ହାତର ଆଙ୍ଗୁଠିକୁ ଛନ୍ଦି ମୁଣ୍ଡ ଉପରକୁ ଉଠାନ୍ତୁ। ଦୀର୍ଘ ଶ୍ୱାସ ନେଇ ଗୋଡ ଆଙ୍ଗୁଠିରେ ଠିଆ ହୁଅନ୍ତୁ ଏବଂ ଶରୀରକୁ ଉପରକୁ ଭିଡନ୍ତୁ। କିଛି ସମୟ ରଖିବା ପରେ ମୂଳ ଅବସ୍ଥାକୁ ଆସନ୍ତୁ। ଏହାକୁ ୫ ରୁ ୧୦ ଥର କରନ୍ତୁ।

ବୃକ୍ଷାସନ:

ଏକ ସମତଳ ସ୍ଥାନରେ ଛିଡା ହୁଅନ୍ତୁ ଏବଂ ସନ୍ତୁଳନ କରିବା ସହ ଗୋଟିଏ ପାଦକୁ ଅନ୍ୟ ପାଦର ଆଣ୍ଠୁ ଉପରକୁ ଉଠାଇ ଜଙ୍ଘ ଉପରେ ରଖନ୍ତୁ। ବର୍ତ୍ତମାନ ନମସ୍କାର ଅବସ୍ଥାରେ ଦୁଇ ହାତକୁ ଧୀରେ ଧୀରେ ମୁଣ୍ଡ ଉପରକୁ ନିଅନ୍ତୁ। ଏହିପରି ଅବସ୍ଥାରେ କିଛି ସମୟ ରଖନ୍ତୁ ଏବଂ ତା’ପରେ ଗୋଡ ତଳକୁ କରି ଆରାମ କରନ୍ତୁ। ଏହାକୁ ୫ ରୁ ୧୦ ଚକ୍ର କରନ୍ତୁ।

ଅଧିକ ପଢ଼ନ୍ତୁ: Parenting Tips: ଏହି ୬ଟି ଉପାୟରେ ଜାଣନ୍ତୁ ଆପଣଙ୍କ ପିଲା ଚଷମା ବ୍ୟବହାର କରିବା ଉଚିତ କି ନାହିଁ

ଅଦ୍ଧୋମୁଖଶ୍ୱାନାସନ:

ସର୍ବପ୍ରଥମେ ମ୍ୟାଟ ପକେଇ ଆଣ୍ଠୁ ଏବଂ ପାପୁଲିକୁ ରଖି ମାର୍ଜାରୀ ଆସନାରେ ବସନ୍ତୁ। ଏବେ ଧୀରେ ଧୀରେ ଆଣ୍ଠୁକୁ ଉପରକୁ ଉଠାନ୍ତୁ ଏବଂ ପର୍ବତାସନକୁ ଆସନ୍ତୁ। ଏହି ଅବସ୍ଥାରେ ପିଚା ଉପରକୁ ଉଠିବ ଏବଂ ସମ୍ପୂର୍ଣ୍ଣ ପାଦ ଭୂମିରେ ରହିବ। ବାହୁକୁ ସିଧା ରଖନ୍ତୁ। ଏହିପରି ଶରୀରର ଅନେକ ସ୍ଥାନରେ ପ୍ରସାରିତ ହେବ। ବର୍ତ୍ତମାନ ମୂଳ ଅବସ୍ଥାକୁ ଆସନ୍ତୁ। ଏହି ଆସନକୁ ୫ ରୁ ୧୦ ଥର କରନ୍ତୁ।