ବଢୁଥିବା ପିଲାମାନଙ୍କ ପାଇଁ ବାହାର ଖେଳକୁଦ ଅତ୍ୟନ୍ତ ଜରୁରୀ ହୋଇଥାଏ। ଯଦି ସେମାନେ ୨୪ ଘଣ୍ଟା ମଧ୍ୟରେ ଏକ ଘଣ୍ଟା ପାଇଁ ସମ୍ପୂର୍ଣ୍ଣ ଶରୀରର ବ୍ୟାୟାମ କରନ୍ତି, ଏହା ସେମାନଙ୍କ ପାଇଁ ଅତ୍ୟନ୍ତ ଲାଭଦାୟକ ହୋଇପାରେ। ତଥାପି, ଅନୁସନ୍ଧାନରୁ ଜଣାପଡିଛି ଯେ କେବଳ ୪ ଜଣ ପିଲାଙ୍କ ମଧ୍ୟରୁ କେବଳ ଜଣେ ୨୪ ଘଣ୍ଟା ମଧ୍ୟରେ ୬୦ ମିନିଟ୍ ପର୍ଯ୍ୟନ୍ତ ଶାରୀରିକ ଭାବରେ ସକ୍ରିୟ ରହୁଛନ୍ତି।
ବାସ୍ତବରେ, ଯେତେବେଳେ ପିଲାମାନେ ବଢିବା ସହିତ ପାଠ ପଢାପଢି ଏବଂ ଅନ୍ୟାନ୍ୟ କାମ ହେତୁ ସେମାନଙ୍କର ଶାରିରୀକ କାର୍ଯ୍ୟକଳାପ କମିଯାଏ। ଏହା ସେମାନଙ୍କର ଶାରିରୀକ ବୃଦ୍ଧି ଉପରେ ବହୁତ ପ୍ରଭାବ ପକାଇଥାଏ। ଯଦି ଆପଣ ନିଜ ପିଲାକୁ ଶକ୍ତିଶାଳୀ ଏବଂ ଫିଟ୍ କରିବାକୁ ଚାହୁଁଛନ୍ତି, ତେବେ କିଛି ଜିନିଷ ପ୍ରତି ନିହାତି ଧ୍ୟାନ ଦେବା ଜରୁରୀ।
ଆପଣଙ୍କ ପିଲାକୁ ଶକ୍ତିଶାଳୀ ଆଉ ସ୍ୱାସ୍ଥ୍ୟବାନ ରଖିବା କ’ଣ କରିବାକୁ ହେବା ଆସନ୍ତୁ ଜାଣିବା।
Also Read
ଡାକ୍ତରଙ୍କ ସହ ପରାମର୍ଶ:
ସ୍ୱାସ୍ଥ୍ୟ ବିଶେଷଜ୍ଞଙ୍କ ମତରେ ପିଲାର ବିକାଶ ପାଇଁ କ’ଣ ଆବଶ୍ୟକ ତାହା ଡାକ୍ତରମାନେ ଆପଣଙ୍କୁ ପରାମର୍ଶ ଦେଇପାରିବେ। ପିଲା କ’ଣ ଖାଇବ କ’ଣ ନ ଖାଇବ ସେ ବିଷୟରେ ଡାକ୍ତର କହିପାରିବେ। ତେଣୁ ନିୟମିତ ଭାବେ ସେମାନଙ୍କ ଯୋଗାଯୋଗରେ ରୁହନ୍ତୁ।
ଖେଳ କୁଦ:
ପିଲାମାନଙ୍କୁ ସାଇକେଲ ଚଲାଇବା, ପହଁରିବା ଭଳି ମଜାଳିଆ କାର୍ଯ୍ୟରେ ଜଡିତ କରନ୍ତୁ। ଏହିପରି ସେମାନଙ୍କର ମାଂସପେଶୀ ଅଧିକ ଶକ୍ତିଶାଳୀ ହେବ ଏବଂ ଷ୍ଟାମିନା ମଧ୍ୟ ବୃଦ୍ଧି ପାଇବ। ଫୁଟବଲ୍, ସ୍କେଟିଂ, ରେସ୍, ବାସ୍କେଟ୍ବଲ୍ ଇତ୍ୟାଦି ଟିମ୍ ଖେଳରେ ପିଲାମାନଙ୍କୁ ମଧ୍ୟ ଜଡିତ କରିପାରିବେ।
ଘର କାମରେ ସାହାଯ୍ୟ:
ଆପଣ ପିଲାମାନଙ୍କୁ ଘର କାମରେ ମଧ୍ୟ ଜଡିତ କରିବା ଉଚିତ। ଯଦି କିଛି ଜିନିଷକୁ ଗୋଟିଏ ସ୍ଥାନରୁ ଅନ୍ୟ ସ୍ଥାନକୁ ନେବାକୁ ହେଲେ, ବଗିଚା କାମରେ, ସଫା କରିବାରେ ପିଲାମାନଙ୍କର ସାହାଯ୍ୟ ନିଅନ୍ତୁ ଏବଂ ସେମାନଙ୍କର ଦୈନନ୍ଦିନ କାମରେ ଏସବୁକୁ ସାମିଲ୍ କରନ୍ତୁ।
ରୋଲ୍ ମଡେଲ୍ ହେବା:
ଯେତେବେଳେ ପିଲାମାନେ ସେମାନଙ୍କର ବାପାମାଆଙ୍କୁ କ୍ରୀଡ଼ାରେ ଅଂଶଗ୍ରହଣ କରୁଥିବା କିମ୍ବା ବ୍ୟାୟାମ୍ କରୁଥିବା ଦେଖନ୍ତି, ସେମାନେ ମଧ୍ୟ ପ୍ରେରଣା ପାଆନ୍ତି। ଫଳରେ ସେମାନେ ନିଜେ ମଧ୍ୟ ଏହିପରି କାର୍ଯ୍ୟକଳାପରେ ଅଂଶଗ୍ରହଣ କରନ୍ତି।
ଖାଦ୍ୟରେ ବିଶେଷ ଯତ୍ନ:
ପ୍ରୋଟିନ୍, ଗୁଡ୍ ଫ୍ୟାଟ୍, ଭିଟାମିନ୍ ଏବଂ ମିନେରାଲ୍ସରେ ଭରପୂର ଜିନିଷ ପିଲାମାନଙ୍କ ଖାଦ୍ୟରେ ସାମିଲ୍ କରିବା ଜରୁରୀ। ଏସବୁ ସେମାନଙ୍କ ଶରୀରକୁ ସକ୍ରିୟ କରିବାକୁ ଶକ୍ତି ଦିଏ ଏବଂ ଚର୍ବି ପରିବର୍ତ୍ତେ ମାଂସପେଶୀ ତିଆରି ହୁଏ। ଅନେକ ଲୋକ ପିଲାମାନଙ୍କୁ ଶକ୍ତିଶାଳୀ କରିବା ପରିବର୍ତ୍ତେ ମୋଟା କରିଦିଅନ୍ତି। ଏପରି ଭୁଲ କରନ୍ତୁ ନାହିଁ ଏବଂ ସେମାନଙ୍କୁ ସୁସ୍ଥ ଖାଦ୍ୟରେ ଅଭ୍ୟାସ କରନ୍ତୁ। ନଚେତ ପରବର୍ତ୍ତି ସମୟରେ ପିଲାମାନେ ଅନେକ ରୋଗର ଶିକାର ହୋଇପାରନ୍ତି।