କୁହାଯାଏ ଯେ ଅସୁବିଧା ସମୟରେ ପ୍ରଥମେ ପଡୋଶୀ ହିଁ କାମରେ ଆସିଥାନ୍ତି। କିନ୍ତୁ ଏହା ସେତେବେଳେ ହିଁ ସମ୍ଭବ ହେବ ଯେତେବେଳେ ଆପଣଙ୍କର ମଧ୍ୟ ଏକ ଭଲ ଏବଂ ଆନ୍ତରିକ ସମ୍ପର୍କ ଥିବ। ତେଣୁ ନିଜ ପଡୋଶୀମାନଙ୍କ ସହିତ ସବୁବେଳେ ଭଲ ସଂପର୍କ ରଖିବା ଜରୁରୀ।
ପଡ଼ୋଶୀମାନଙ୍କ ମଧ୍ୟରେ କିଛି ବାଦ-ବିବାଦ ଏକ ସ୍ୱାଭାବିକ ପ୍ରକ୍ରିୟା, କିନ୍ତୁ ଯେତେ ଶୀଘ୍ର ଏହାର ସମାଧାନ ହେବ, ସମ୍ପର୍କ ଭଲ ରହିବ । ଯଦି ଆପଣ ନିଜ ପଡ଼ୋଶୀମାନଙ୍କ ସହିତ ଭଲ ସମ୍ପର୍କ ବଜାୟ ରଖିବାକୁ ଚାହୁଁଛନ୍ତି କିମ୍ବା ଭୁଲ ବୁଝାମଣା ହୋଇଗଲେ ବି ସମାଧାନ ଚାହୁଁଛନ୍ତି, ତେବେ କିଛି ଜିନିଷ ଉପରେ ଧ୍ୟାନ ରଖିବା ଜରୁରୀ।
Also Read
ଅଧିକ ପଢ଼ନ୍ତୁ: Relationship Tips: ବୈବାହିକ ଜୀବନକୁ ମଜବୁତ ରଖିଥାଏ ଏହି ଉପାୟ; ନଚେତ ଭାଙ୍ଗିଯାଏ ସଂପର୍କ
ଶାନ୍ତ ଭାବରେ କଥାବାର୍ତ୍ତା:
କଥାବାର୍ତ୍ତାର ଶୈଳୀ ହିଁ ଏକ ଉତ୍ତମ ସଂପର୍କ ବଜାୟ ରଖିବାରେ ସର୍ବୋତ୍ତମ ଉପାୟ। ଯଦି କୌଣସି କଥାକୁ ନେଇ ଆପଣଙ୍କ ମଧ୍ୟରେ କିଛି ସମସ୍ୟା ଅଛି, ତେବେ କ୍ରୋଧ ନ କରି ଶାନ୍ତିପୂର୍ଣ୍ଣ ଭାବରେ ଆଲୋଚନା କରନ୍ତୁ ଏବଂ ସମସ୍ୟାର ସମାଧାନ କରିବାକୁ ଚେଷ୍ଟା କରନ୍ତୁ। ସେମାନେ ଯାହା କହୁଛନ୍ତି ତାହା ଭଲ ଭାବରେ ଶୁଣନ୍ତୁ ଏବଂ ଖୋଲାଖୋଲି ଭାବରେ ନିଜର ମତ ପ୍ରକାଶ କରନ୍ତୁ। ଏହି ଉପାୟରେ ଭୁଲ ବୁଝାମଣା ସହଜରେ ଦୂର ହୋଇଥାଏ।
କିଛି ଜିନିଷକୁ ଅଣଦେଖା:
ପ୍ରତ୍ୟେକ ଛୋଟ ଛୋଟ କଥା ନେଇ ପ୍ରତିକ୍ରିୟା କରିବା ପରିବର୍ତ୍ତେ କିଛି ଜିନିଷକୁ ଅଣଦେଖା କରିବା ଶିଖନ୍ତୁ। ବେଳେବେଳେ ଆମର ପଡ଼ୋଶୀମାନେ ଅଜାଣତରେ ଏପରି କିଛି କରନ୍ତି ଯାହା ଆମକୁ ବିବ୍ରତ କରେ, କିନ୍ତୁ ଏହାକୁ ଧରନ୍ତୁ ନାହିଁ। ସହନଶୀଳତା ଦେଖାଇବା ଜଣେ ଭଲ ପଡ଼ୋଶୀ ହେବାର ଚାବି ହୋଇପାରେ।
ପ୍ରାଇଭେସୀ ଦିଅନ୍ତୁ:
ଯଦି ଆପଣ ନିଜ ପଡ଼ୋଶୀଙ୍କ ଘରକୁ ବାରମ୍ବାର ଯାଆନ୍ତି କିମ୍ବା ସେମାନଙ୍କ ଘରକୁ କିଏ ଆସୁଛନ୍ତି ଆଉ ଯାଉଛନ୍ତି ତାହା ନଜର ରଖନ୍ତି, ତେବେ ଏପରି କାର୍ଯ୍ୟକଳାପରୁ ଦୂରେଇ ରୁହନ୍ତୁ। ସେମାନଙ୍କୁ ଯଥାସମ୍ଭବ ପ୍ରାଇଭେସୀ ଦିଅନ୍ତୁ। ନଚେତ ଏହା ପାରସ୍ପରିକ ମତଭେଦର କାରଣ ହୋଇପାରେ।
ଅଧିକ ପଢ଼ନ୍ତୁ: Relationship Tips: ଜଣେ ପ୍ରତାରଣା କରିବାକୁ ଚାହିଁଲେ କହିଥାଏ ଏମିତି; ଜାଣନ୍ତୁ ବାହାନାର ୭ଟି କଥା
ସାହାଯ୍ୟର ହାତ ବଢାନ୍ତୁ:
ପାରସ୍ପରିକ ସହଯୋଗ ମାଧ୍ୟମରେ ସମ୍ପର୍କ ମଜବୁତ ହୋଇପାରେ। ତେଣୁ, ଯଦି ଆପଣଙ୍କର ପଡ଼ୋଶୀ ସାହାଯ୍ୟ ଆବଶ୍ୟକ କରନ୍ତି, ତେବେ ଆପଣ ଆଗକୁ ଆସିବା ଉଚିତ। ଏହା ଅସୁସ୍ଥ ବ୍ୟକ୍ତିଙ୍କୁ ଖାଦ୍ୟ ଯୋଗାଇବା ହେଉ କିମ୍ବା ଛୋଟ ଛୋଟ ଘର କାମ କିମ୍ବା ସପିଂରେ ସାହାଯ୍ୟ କରିବା ହେଉ।
ଏକତ୍ର ସମାଧାନ ଖୋଜ:
ଯଦି ସୋସାଇଟି କିମ୍ବା ସ୍ଥାନୀୟ ଅଞ୍ଚଳରେ କୌଣସି ପ୍ରକାରର ସମସ୍ୟା ଥାଏ, ତେବେ ପାରସ୍ପରିକ ଆଲୋଚନା ପରେ ହିଁ ସମାଧାନ ବାହାର କରନ୍ତୁ। ଏହା କରିବା ଦ୍ୱାରା ମନରେ ଖରାପ ଭାବନା ସୃଷ୍ଟି ହେବ ନାହିଁ ଏବଂ ସମାଧାନ ମଧ୍ୟ ସମସ୍ତଙ୍କ ଇଚ୍ଛା ଅନୁଯାୟୀ ହେବ।