ଆଜିକାଲି ପ୍ରତ୍ୟେକ ଖାଦ୍ୟ ପଦାର୍ଥରେ ଭେଜାଲ ସମସ୍ୟା ବଢୁଛି। ସେ ଘିଅ ହେଉ କି ତେଲ ବା ମିଠା କିମ୍ବା ଗୁଡ ହେଉ ସବୁଥିରେ ଭେଜାଲ୍। ଅଧିକ ଲାଭ ପାଇବା ଲୋଭରେ ଦୋକାନୀମାନେ ଏହି ସବୁ ଜିନିଷକୁ ଭେଜାଲ କରୁଛନ୍ତି।
ସାଧାରଣତଃ, ଗୁଡ଼ ଆମ ସ୍ୱାସ୍ଥ୍ୟ ପାଇଁ ଉପକାରୀ ବୋଲି ଭାବି ଏହାକୁ ଆମ ଖାଦ୍ୟରେ ସାମିଲ କରୁ। କିନ୍ତୁ ଭେଜାଲ ଗୁଡ ସ୍ୱାସ୍ଥ୍ୟ ପାଇଁ ବିପଜ୍ଜନକ ପ୍ରମାଣିତ ହୋଇପାରେ।
Also Read
ବାସ୍ତବରେ, ବଜାରରେ ବିକ୍ରି ହେଉଥିବା ଗୁଡ ପ୍ରାୟତଃ ରାସାୟନିକ ପଦାର୍ଥ କିମ୍ବା ଶସ୍ତା ଚିନିରେ ପ୍ରସ୍ତୁତ ହୋଇଥାଏ, ଯାହା ଏହାକୁ ସ୍ୱାଦରେ ମିଠା କରିଥାଏ ସତ, କିନ୍ତୁ ଏହାର ଶୁଦ୍ଧତା ଉପରେ ପ୍ରଶ୍ନ ଉଠିଥାଏ। ତେଣୁ, ଗୁଡ କିଣିବା ପୂର୍ବରୁ ଏହାର ଶୁଦ୍ଧତା ଯାଞ୍ଚ କରିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ।
ଏଠାରେ ଆମେ ଆପଣଙ୍କୁ କେତେକ ସହଜ ଉପାୟ କହିବୁ ଯାହା ଦ୍ୱାରା ଆପଣ କିଣୁଥିବା ଗୁଡ ଭେଜାଲ କି ନାହିଁ ଜାଣିପାରିବେ। ଏହି ଉପାୟଗୁଡିକ ଜାଣିଦେଲେ ଭେଜାଲ୍ ଗୁଡ ନ କିଣି ଯାଞ୍ଚ କରି ଭଲ ଗୁଡ କିଣି ବିଭିନ୍ନ ରୋଗରୁ ଦୂରେଇ ରହିପାରିବେ।
ପାଣିରେ ପରୀକ୍ଷା:
ସର୍ବପ୍ରଥମେ, ଏକ ଗ୍ଲାସରେ ପାଣି ନିଅନ୍ତୁ ଏବଂ ସେଥିରେ ଏକ ଛୋଟ ଖଣ୍ଡ ଗୁଡ ପକାନ୍ତୁ। ଶୁଦ୍ଧ ଗୁଡ ପାଣିରେ ସଂପୂର୍ଣ୍ଣ ଭାବେ ତରଳି ଯିବ, କିନ୍ତୁ ଭେଜାଲ୍ ଗୁଡ ତଳେ ବସିଯିବ।
ରଙ୍ଗ ଦ୍ୱାରା ଚିହ୍ନଟ:
ଶୁଦ୍ଧ ଗୁଡର ରଙ୍ଗ ଗାଢ ବାଦାମୀ କିମ୍ବା ହାଲୁକା ହଳଦିଆ ହୋଇଥାଏ। କିନ୍ତୁ ଭେଜାଲ୍ ଗୁଡର ରଙ୍ଗ ଚକଚକିଆ ଏବଂ ଗାଢ ହଳଦିଆ ହୋଇପାରେ। ତେଣୁ, ଯଦି ଗୁଡର ରଙ୍ଗ ଅତ୍ୟନ୍ତ ଉଜ୍ଜ୍ୱଳ ଦେଖାଯାଉଥାଏ ତେବେ ଏହାକୁ ସତର୍କତାର ସହିତ କିଣନ୍ତୁ।
ସ୍ୱାଦ ଦ୍ୱାରା ଚିହ୍ନଟ:
ଶୁଦ୍ଧ ଗୁଡର ସ୍ୱାଦ ମିଠା ଏବଂ ପ୍ରାକୃତିକ ହୋଇଥାଏ। କିନ୍ତୁ ଭେଜାଲ ଗୁଡର ସ୍ୱାଦ ସ୍ୱାଦ ବେଳେବେଳେ ବହୁତ କଡା କିମ୍ବା ଅଜବ ହୋଇପାରେ। ତେଣୁ, କିଣିବା ପୂର୍ବରୁ ପ୍ରଥମେ ଏହାକୁ ଚାଖନ୍ତୁ, ଯଦି ଏହା ଅଜବ ଲାଗେ ତେବେ କିଣିବା ଠାରୁ ଦୂରେଇ ରୁହନ୍ତୁ।
ଅବସ୍ଥାରୁ ଚିହ୍ନଟ:
କାଦୁଆ କିମ୍ବା ଅତ୍ୟଧିକ ଓଦାଳିଆ ଗୁଡ ଭେଜାଲ୍ ହେବାର ଅଧିକ ସମ୍ଭାବନା ଥାଏ। ତେଣୁ, ଯଦି ଆପଣ କେବଳ କଠିନ ଗୁଡ କିଣନ୍ତି ତେବେ ଏହା ଭଲ ହେବ।
ଏହି ସହଜ ପଦ୍ଧତିଗୁଡ଼ିକ ସହିତ ଆପଣ ଘରେ ବ୍ୟବହାର କରୁଥିବା ଗୁଡ ଭେଜାଲ୍ କି ଭଲ ଜାଣିପାରିବେ।