ଏକ ନୂଆ ସଂପର୍କ ଗଢିବା ଏତେ ସଜହ ନୁହେଁ। ଯଦି ଗଢିହୋଇଯାଏ, ଏହାକୁ ସ୍ଥିର ରଖିବା ଆହୁରି କଷ୍ଟକର। ତେବେ ଏନେଇ ଅନେକ ଜିନିଷକୁ ଧ୍ୟାନରେ ରଖିବାକୁ ହୋଇଥାଏ। ସାମାନ୍ୟ ଭୁଲ୍ଟିଏ ମଧ୍ୟ ଏକ ଗଭୀର ସଂପର୍କକୁ ମୁହୂର୍ତ୍ତକରେ ଭାଙ୍ଗିଦେଇପାରେ।
ଏନେଇ ସଂପର୍କରେ କୌଣସି ବି ଟିକିଏ ଭୁଲ ବୁଝାମଣା ହେବା ଉଚିତ୍ ନୁହେଁ, କେହି ବି ଯେପରି କାହାକୁ ନେଇ କିଛି ଖରାପ ଭାବୁ କି ଶବ୍ଦକୁ ନେଇ କେହି ମନ ଉଣା କରୁ ସେ ବିଷୟରେ ଧ୍ୟାନ ଦେବା ଜରୁରୀ। ଏପରି ପରିସ୍ଥିତିରେ, ଯଦି ଆପଣ ନିଜର ସୁନ୍ଦର ସମ୍ପର୍କକୁ ଦୀର୍ଘସ୍ଥାୟୀ ରହିବାକୁ ଚାହୁଁଛନ୍ତି, ତେବେ ଡେଟିଂ ସମୟରେ ନିଶ୍ଚିତ ଭାବରେ କିଛି ଭୁଲ କରିବା ଠାରୁ ଦୂରେଇ ରହିବା ଜରୁରୀ।
ତେବେ ଦୁଇ ପ୍ରେମୀ ଯୁଗଳ ସାଧାରଣତଃ କେଉଁସବୁ ଭୁଲ୍ କରନ୍ତି ସେ ବିଷୟରେ ଜାଣିନେବା।
Also Read
ଆଲୋଚନା କରିବା:
ଅନେକ ଲୋକ ନିଜ ପାର୍ଟନର୍ଙ୍କ ସାମ୍ନାରେ ନିଜର ଭଲ ଭାବନା ସୃଷ୍ଟି କରିବାକୁ ସବୁ ପ୍ରକାର ଆଲୋଚନା କରନ୍ତି। କିନ୍ତୁ ଏହା ଆପଣଙ୍କ ସମ୍ପର୍କ ମଧ୍ୟରେ ଥିବା ଭାବପ୍ରବଣତାର ବଣ୍ଡିଂକୁ ବଜାୟ ରଖିବା ପରିବର୍ତ୍ତେ ଏହାକୁ ହ୍ରାସ କରିପାରେ। ତେଣୁ, ଯଥାସମ୍ଭବ ଏହା କରିବା ଠାରୁ ଦୂରେଇ ରୁହନ୍ତୁ।
ଯୋଜନା ପରିବର୍ତ୍ତନ କରିବା:
ବେଳେବେଳେ ଏମିତି କିଛି ଆବଶ୍ୟକତା ପଡେ ଏବଂ ଏହି କାରଣରୁ ଯୋଜନାକୁ ପରିବର୍ତ୍ତନ କରିବାକୁ ପଡେ। ଏହା ଏକ ସାଧାରଣ କଥା। କିନ୍ତୁ ଯେତେବେଳେ ସମ୍ପର୍କକୁ ସ୍ଥାୟୀ କରିବାର କଥା ଉଠେ ତେବେ ଏହା ବହୁତ ଗୁରୁତ୍ୱପୂର୍ଣ୍ଣ। ଯଦି ଆପଣ ଶେଷ ସମୟରେ ପ୍ରସ୍ତୁତ ହୋଇଥିବା କୌଣସି ଯୋଜନାକୁ ବାତିଲ୍ କିମ୍ବା ପରିବର୍ତ୍ତନ କରନ୍ତି, ତେବେ ଏହା କରିବା ପୂର୍ବରୁ ୧୦ ଥର ଚିନ୍ତା କରନ୍ତୁ। କାରଣ ଏହା ଆପଣଙ୍କ ପାର୍ଟନର୍ଙ୍କୁ ଅନୁଭବ କରେଇପାରେ ଯେ ସେ ଆପଣଙ୍କ ପାଇଁ ସେ ଗୁରୁତ୍ୱପୂର୍ଣ୍ଣ ନୁହଁନ୍ତି।
ଭାବନା ଶେୟାର ନ କରିବା:
ଯଦି ଆପଣ ଏକ ଭଲ ସଂପର୍କରେ ଅଛନ୍ତି, କିନ୍ତୁ ନିଜର ଭାବନା ଶେୟାର କରିବାକୁ ଦ୍ୱିଧା ଅନୁଭବ କରୁଛନ୍ତି ତେବେ ଏହା ଆପଣ ଦୁହିଁଙ୍କ ପାଇଁ କଷ୍ଟକର ହୋଇପାରେ। ତେଣୁ ନିଜ ପାର୍ଟନର ସହିତ ନିଜର ମତ ପ୍ରକାଶ କରିବା, ନିଜର ଭାବନା ଏବଂ ଚିନ୍ତାଧାରାକୁ ଶେୟାର କରିବା ଉଚିତ।
ସୋସିଆଲ ମିଡିଆ ପୋଷ୍ଟ:
ଲୋକମାନେ ସୋସିଆଲ ମିଡିଆରେ ସବୁ ପ୍ରକାରର ଜିନିଷ ଶେୟାର କରନ୍ତି। କିନ୍ତୁ ଯଦି ଆପଣ ନିଜ ସମ୍ପର୍କ ସହିତ ଜଡିତ ସବୁ କିଛିକୁ ଆଲୋଚନା ନ କରି ଶେୟାର କରନ୍ତି ତେବେ ଏହା ଆପଣଙ୍କ ସମ୍ପର୍କରେ ଏକ ଫାଟ ସୃଷ୍ଟି କରିପାରେ। ଏହି କାରଣରୁ ଆପଣଙ୍କ ପାର୍ଟନର ନିଜକୁ ଅସୁରକ୍ଷିତ ମନେକରିପାରନ୍ତି ଏବଂ ସବୁକିଛି ଶେୟାର କରିବାକୁ ନେଇ ଲଜ୍ଜିତ ହୋଇପାରନ୍ତି।
ଅତୀତ କଥା ଶେୟାର କରିବା:
ଆମ ସମସ୍ତଙ୍କ ପଛରେ କିଛି ନା କିଛି କାହାଣୀ ଅଛି। କିନ୍ତୁ ଆପଣ ନିଜ ପାର୍ଟନର୍ ସାମ୍ନାରେ ନିଜ ଅତୀତ କିମ୍ବା ଅନୁଭୂତି ବିଷୟରେ ବାରମ୍ବାର କଥାବାର୍ତ୍ତା କରୁଛନ୍ତି, ତେବେ ଏହି ଭୁଲ କରନ୍ତୁ ନାହିଁ। ଏହା ଆପଣଙ୍କର ନୂଆ ସମ୍ପର୍କ ପାଇଁ ବିପଜ୍ଜନକ ପ୍ରମାଣିତ ହୋଇପାରେ।
କ୍ଷମା ନ ମାଗିବା:
ଆପଣ ଯଦି ଆପଣଙ୍କର ଭୁଲକୁ ସ୍ୱୀକାର କରନ୍ତି ନାହିଁ କିମ୍ବା କିଛି ଜିନିଷକୁ ନେଇ ଜିଦ୍ ଧରନ୍ତି ତେବେ ଏହା ଆପଣଙ୍କ ପାର୍ଟନର୍ଙ୍କୁ ଖରାପ ଲାଗିପାରେ। ତେଣୁ, ଯଦି ଆପଣଙ୍କ କଥା କାହାକୁ ଆଘାତ କରେ, ତୁରନ୍ତ କ୍ଷମା ମାଗିବା ଶିଖନ୍ତୁ।