Relationship Tips: ଏଭଳି ସଂପର୍କ କେବଳ ଫ୍ଲର୍ଟିଂ ଆଉ ଟାଇମ୍ ପାସ୍; ଜାଣିବା ପାଇଁ ଟିପ୍ସ

ଆଜିର ଯୁଗରେ, ଟେକ୍ସଟେସନ୍‌ସିପ୍(Textationship) ଧାରା ବହୁତ ବୃଦ୍ଧି ପାଇଛି। ଅନେକ ଯୋଡି ପରସ୍ପର ସହ କଥାବାର୍ତ୍ତା କରିବା କିମ୍ବା ଏକାଠି ସମୟ ବିତାଇବା ପରିବର୍ତ୍ତେ ଟେକ୍ସଟ୍ ଉପରେ ସମ୍ପର୍କ ବଜାୟ ରଖିବା ଆରମ୍ଭ କରିଛନ୍ତି। ଏହାକୁ “ଟେକ୍ସଟେସନ୍‌ସିପ୍” କୁହାଯାଏ। ଏହିପରି ସଂପର୍କରେ, ଲୋକମାନେ କଥାବାର୍ତ୍ତା କିମ୍ବା ସାକ୍ଷାତ ପରିବର୍ତ୍ତେ ବାର୍ତ୍ତା ମାଧ୍ୟମରେ ପରସ୍ପର ସହିତ ସଂପର୍କ ରଖନ୍ତି।

ଯଦି ଆପଣ ମଧ୍ୟ ଏଭଳି ପରିସ୍ଥିତିର ସମ୍ମୁଖିନ ହେଉଛନ୍ତି ତେବେ ଏହା ସମ୍ଭବ ଯେ ଆପଣଙ୍କ ସମ୍ପର୍କ ମେସେଜ୍ ସହିତ ଜଡିତ। ଏହିପରି ସମ୍ପର୍କ ପ୍ରାୟତଃ ଏକ ଭ୍ରମ ପରି, ଯେଉଁଥିରେ ଆପଣ ଅନୁଭବ କରନ୍ତି ଯେ ଆପଣଙ୍କ ନିକଟରେ କେହି ଜଣେ ଅଛନ୍ତି କିନ୍ତୁ ଯେତେବେଳେ ଆପଣ ବାସ୍ତବ ଜୀବନରେ ସେମାନଙ୍କର ଆବଶ୍ୟକତା ଅନୁଭବ କରନ୍ତି, ସେତେବେଳେ ଆପଣ ନିଜକୁ ଏକାକୀ ପାଇଥା’ନ୍ତି।

ଏପରି ପରିସ୍ଥିତିରେ, ଲୋକମାନେ ପ୍ରାୟତଃ ଭାବପ୍ରବଣ ହୋଇ ଫସି ରହିଥିବାର ଅନୁଭବ କରନ୍ତି। ଆସନ୍ତୁ ଏହାର ଲକ୍ଷଣଗୁଡିକ ଜାଣିବା।

କେବଳ ଟେକ୍ସଟ୍ ମାଧ୍ୟରେ ବାର୍ତ୍ତାଳାପ:

ଯଦି ଆପଣ ଏବଂ ଆପଣଙ୍କ ପାର୍ଟନର୍ କେବଳ ଟେକ୍ସଟ୍ ବାର୍ତ୍ତା ମାଧ୍ୟମରେ ଯୋଗାଯୋଗ କରନ୍ତି ଏବଂ ସାକ୍ଷାତର ନାଁ ଧରନ୍ତି କରନ୍ତି ନାହିଁ, ତେବେ ବୁଝନ୍ତୁ ଯେ ଆପଣ Textationship ର ଶିକାର ହୋଇଛନ୍ତି।

କୌଣସି ଭାବପ୍ରବଣତା ନାହିଁ:

ମେସେଜ୍ ମାଧ୍ୟମରେ କେବଳ ଏକ ଡିଜିଟାଲ୍ ସଂଯୋଗ ଗଠନ ହୁଏ, ଯେଉଁଥିରେ ପ୍ରକୃତ ସମ୍ପର୍କ କିମ୍ବା ସହାନୁଭୂତିର ଅଭାବ ଥାଏ।

ପ୍ରୋଫାଇଲରେ ପ୍ରଦର୍ଶନ:

ଯଦି ଆପଣ ସବୁବେଳେ ପରଫେକ୍ଟ ଦେଖାଯାଉଥିବା ଫଟୋ ଶେୟାର କରନ୍ତି ଏବଂ ସୋସିଆଲ ମିଡିଆରେ ପରସ୍ପରଙ୍କ ପୋଷ୍ଟକୁ ପସନ୍ଦ କରନ୍ତି ଏବଂ ମନ୍ତବ୍ୟ ରଖନ୍ତି, କିନ୍ତୁ ବାସ୍ତବ ଜୀବନରେ ପରସ୍ପରକୁ ଭେଟିବାକୁ ଚାହୁଁନାହାନ୍ତି, ତେବେ ଏହା ହେଉଛି Textationshipର ବଡ ସଂକେତ।

ପ୍ରତିବଦ୍ଧତାର ଅଭାବ:

Textationship ରେ ପାର୍ଟନର୍‌ମାନଙ୍କ ପରସ୍ପର ମଧ୍ୟରେ କୌଣସି ପ୍ରକାରର ପ୍ରତିବଦ୍ଧତା ନ ଥାଏ, ଏହି ସମ୍ପର୍କ କେବଳ ଫ୍ଲର୍ଟିଂ କିମ୍ବା ଟାଇମ୍ ପାସ୍ ଉପରେ ରହିଥାଏ।

ବିଶ୍ୱାସ ଏବଂ ଭରସାର ଅଭାବ:

ଉଭୟ ପାର୍ଟନର୍ ଯଦି ପରସ୍ପରଙ୍କୁ ସମ୍ପୂର୍ଣ୍ଣ ଭାବେ ବିଶ୍ୱାସ କରିବାକୁ ଅସମର୍ଥ ଏବଂ ମୁହାଁମୁହିଁ ଯୋଗାଯୋଗର ଅଭାବ ହେତୁ ସେମାନଙ୍କର ସମ୍ପର୍କ କଦାପି ଦୃଢ ହୁଏ ନାହିଁ। ଏହିପରି ସମ୍ପର୍କଗୁଡିକରେ ସ୍ୱଚ୍ଛତା ଏବଂ ସ୍ଥିରତାର ଅଭାବ ଥାଏ, ଯେଉଁ କାରଣରୁ ସେମାନେ ନିଜକୁ ଅସୁରକ୍ଷିତ ମନେ କରିପାରନ୍ତି।

ଏଭଳି ସମ୍ପର୍କରେ ପ୍ରାୟତଃ ସମୟ ଏବଂ ଶକ୍ତିର ଅପଚୟ ହୋଇଯାଏ।

Textationship ରୁ କିପରି ବାହାରିବେ:

• ନିଜର ପାର୍ଟନରଙ୍କ ସହିତ ଆପଣଙ୍କ ଭାବନାକୁ ଖୋଲାଖୋଲି ଭାବରେ ଶେୟାର କରନ୍ତୁ। ତାଙ୍କୁ ଜଣାପଡିବ ଯେ ସେ ସମ୍ପର୍କକୁ କିପରି ଦେଖନ୍ତି।
• ଟେକ୍ସଟ୍‌ରୁ ଆଗକୁ ଯାଇ ବାସ୍ତବ ଜୀବନରେ ସାକ୍ଷାତ କରିବାକୁ ଏବଂ ମୁହାଁମୁହିଁ କଥା ହେବାକୁ ଯୋଜନା ପ୍ରସ୍ତୁତ କରନ୍ତୁ। ଏହା ଆପଣଙ୍କୁ ଜଣାଇଦେବ ଯେ ନିଜର ସମ୍ପର୍କ କେତେ ଶକ୍ତିଶାଳୀ।
• ଯଦି ଏହି ସମ୍ପର୍କ କେବଳ ଟେକ୍ସଟ୍‌ରେ ସୀମିତ, ତେବେ ବୁଝିବାରେ ବିଳମ୍ବ କରନ୍ତୁ ନାହିଁ ଯେ ଆପଣଙ୍କ ସମ୍ପର୍କ ସତ ନୁହେଁ।