RRB Annual Calendar 2024: ରେଳବାଇରେ ଅନେକ ପଦବୀରେ ହେବ ଦମଦାର ନିଯୁକ୍ତି, ଜାଣନ୍ତୁ କେବେ ହେବ ଆରମ୍ଭ

ଯେଉଁମାନେ ରେଳବାଇରେ ଚାକିରି ଚାହୁଁଛନ୍ତି ସେମାନଙ୍କ ପାଇଁ ଏହା ଏକ ଭଲ ସୁଯୋଗ। ଏଥିପାଇଁ ରେଳବାଇ ନିଯୁକ୍ତି ବୋର୍ଡ (RRB) ନିଯୁକ୍ତି ପାଇଁ RRB 2024 ବାର୍ଷିକ କ୍ୟାଲେଣ୍ଡର ପ୍ରକାଶ କରିଛି।

ALP, ଟେକ୍ନିସିଆନ୍, ଅଣ ଟେକ୍ନିସିଆନ୍, JE ଏବଂ ଅନ୍ୟାନ୍ୟ ପଦବୀ ପାଇଁ RRBର ନିଯୁକ୍ତି ବାର୍ଷିକ କ୍ୟାଲେଣ୍ଡର ପ୍ରକାଶ ପାଇଛି।

ଏହି ନିଯୁକ୍ତି ପାଇଁ ଉତ୍ସାହର ସହିତ ଅପେକ୍ଷା କରିଥିବା ପ୍ରାର୍ଥୀମାନେ ରେଳବାଇ ନିଯୁକ୍ତି ବୋର୍ଡ (RRB) ର ଅଫିସିଆଲ୍ ୱେବସାଇଟ୍ rrbajmer.gov.in ପରିଦର୍ଶନ କରି ଯାଞ୍ଚ କରିପାରିବେ। ଯେଉଁମାନେ ଏହାର ବିଜ୍ଞପ୍ତି ଦେଖିବାକୁ ଚାହାନ୍ତି ସେମାନେ ଏହି ଲିଙ୍କ୍ RRB Annual Calendar 2024 Notification ଉପରେ କ୍ଲିକ୍ କରି ଦେଖିପାରିବେ।

ଅଧିକ ପଢ଼ନ୍ତୁ: ୟୁନିଅନ୍ ବ୍ୟାଙ୍କରେ ପୂରଣ ହେବେ ୬୦୬ ସ୍ପେଶାଲିଷ୍ଟ ଅଫିସର୍‌

RRB ନିଯୁକ୍ତି ବାର୍ଷିକ କ୍ୟାଲେଣ୍ଡର ଅନୁଯାୟୀ, ALP ପୋଷ୍ଟ୍‌ ପାଇଁ ନିଯୁକ୍ତି ପ୍ରକ୍ରିୟା ଜାନୁୟାରୀରୁ ମାର୍ଚ୍ଚ ୨୦୨୪ ପର୍ଯ୍ୟନ୍ତ କରାଯିବ। ଟେକ୍ନିସିଆନମାନଙ୍କର ନିଯୁକ୍ତି ପ୍ରକ୍ରିୟା ଏପ୍ରିଲରୁ ଜୁନ୍ ପର୍ଯ୍ୟନ୍ତ କରାଯିବ। ନନ୍-ଟେକ୍ନିସିଆନ ପପୁଲାର୍ କ୍ୟାଟେଗୋରୀ – ଗ୍ରାଜୁଏଟ୍ (ସ୍ତର ୪, ୫ ଏବଂ ୬), ନନ୍-ଟେକ୍ନିସିଆନ ପପୁଲାର୍ କ୍ୟାଟେଗୋରୀ – ଅଣ୍ଡର୍ ଗ୍ରାଜୁଏଟ୍ (ସ୍ତର ୨, ୩), ଜୁନିୟର ଇଞ୍ଜିନିୟର ଏବଂ ପାରାମେଡିକାଲ୍ ବର୍ଗ ନିଯୁକ୍ତି ପ୍ରକ୍ରିୟା ଜୁଲାଇରୁ ସେପ୍ଟେମ୍ବର ୨୦୨୪ ପର୍ଯ୍ୟନ୍ତ କରାଯିବ। ଲେବଲ-୧ ଏବଂ ମିନିଷ୍ଟ୍ରୀଆଲ୍ ଏବଂ ଆଇସୋଲେଟେଡ୍ ବର୍ଗ ଅକ୍ଟୋବରରୁ ଡିସେମ୍ବର ମଧ୍ୟରେ ଅନୁଷ୍ଠିତ ହେବ।

RRB ALP ପୋଷ୍ଟ CBT ପରୀକ୍ଷା ଜୁନ୍‌ରୁ ଅଗଷ୍ଟ ୨୦୨୪ ମଧ୍ୟରେ ଅନୁଷ୍ଠିତ ହେବ। ଦ୍ୱିତୀୟ ପର୍ଯ୍ୟାୟ (ସିବିଟି ୨) ପରୀକ୍ଷା ସେପ୍ଟେମ୍ବର ୨୦୨୪ରେ ଅନୁଷ୍ଠିତ ହେବାକୁ ଯାଉଛି। ଦକ୍ଷତା ପରୀକ୍ଷା (CBAT) ନଭେମ୍ବର ୨୦୨୪ରେ ଧାର୍ଯ୍ୟ କରାଯାଇଛି। ଦକ୍ଷତା ପରୀକ୍ଷଣ ପରେ, ନଭେମ୍ବର / ଡିସେମ୍ବର ୨୦୨୪ରେ ଡକ୍ୟୁମେଣ୍ଟ ଯାଞ୍ଚ ପାଇଁ ପ୍ରାର୍ଥୀଙ୍କ ସର୍ଟଲିଷ୍ଟ ପ୍ରକାଶ ପାଇବ।

ପ୍ରକାଶଥାଉ ଯେ ୯୦୦୦ ପୋଷ୍ଟ ପାଇଁ RRBର ଟେକ୍ନିକାଲ୍ ନିଯୁକ୍ତି ପ୍ରକ୍ରିୟା ଶୀଘ୍ର ଆରମ୍ଭ ହେବାକୁ ଯାଉଛି। ଫେବୃଆରୀ ୨୦୨୪ରେ ଏମ୍ପ୍ଲୟମେଣ୍ଟ୍ ନ୍ୟୁଜ୍‌ରେ ଏହା ପାଇଁ ବିଜ୍ଞପ୍ତି ପ୍ରକାଶ ପାଇବ ଏବଂ ମାର୍ଚ୍ଚରେ ଅନ୍‌ଲାଇନ୍ ଆବେଦନ ଆରମ୍ଭ ହେବ। ପ୍ରାର୍ଥୀମାନେ ଏହି ପଦବୀ ପାଇଁ ଏପ୍ରିଲ୍ ୨୦୨୪ ପର୍ଯ୍ୟନ୍ତ ଅନ୍‌ଲାଇନ୍‌ରେ ଆବେଦନ କରିପାରିବେ। ଏହା ବ୍ୟତୀତ, ପ୍ରାର୍ଥୀମାନେ ଏହି ସମ୍ବନ୍ଧୀୟ ଅଧିକ ବିବରଣୀ ପାଇଁ RRB ର ଅଫିସିଆଲ୍ ୱେବସାଇଟ୍ ଯାଞ୍ଚ କରିପାରିବେ।