ଗ୍ରାମୀଣ ଡାକ ସେବକ ଭାବେ ନିଯୁକ୍ତି ପାଇବେ ୪୩୮୪ ପ୍ରାର୍ଥୀ

ଭାରତୀୟ ଡାକ ବିଭାଗ ଗ୍ରାମୀଣ ଡାକ ସେବକ ନିଯୁକ୍ତି ପାଇଁ ପୁନର୍ବାର ଆବେଦନ ପ୍ରକ୍ରିୟା ଆରମ୍ଭ କରିଛି। ମେଘାଳୟ ସିକ୍କିମ୍, ତ୍ରିପୁରା ଏବଂ ମଣିପୁର ପାଇଁ ଗ୍ରାମୀଣ ଡାକ ସେବା (ଜିଡିଏସ୍), ଶାଖା ପୋଷ୍ଟ୍‌ମାଷ୍ଟର୍‌ (ବିପିଏମ୍) / ଆସିଷ୍ଟାଣ୍ଟ ଶାଖା ପୋଷ୍ଟ୍‌ମାଷ୍ଟର (ଏବିପିଏମ୍) / ଡାକ ସେବା) ପଦବୀରେ ନିଯୁକ୍ତି ପାଇଁ ଇଣ୍ଡିଆ ପୋଷ୍ଟ୍‌ ଅନଲାଇନ୍ ଆବେଦନ ୱିଣ୍ଡୋ ଖୋଲିଛି।

ଆଗ୍ରହୀ ଏବଂ ଯୋଗ୍ୟ ପ୍ରାର୍ଥୀମାନେ ଏହାର ସୁଯୋଗ ନେଇପାରିବେ। ପ୍ରାର୍ଥୀମାନେ ଏହାର ଅଫିସିଆଲ୍ ୱେବ୍‌ସାଇଟ୍ indiapostgdsonline.gov.in କୁ ଯାଇ ଏହି ବିଭାଗରେ ଥିବା ପଦବୀ ପାଇଁ ଆବେଦନ କରିପାରିବେ।

ଗୁରୁତ୍ୱପୂର୍ଣ୍ଣ ତାରିଖ:

• ଅନ୍‌ଲାଇନ୍ ଆବେଦନ ପୁନଃ ଆରମ୍ଭ: ୧୬ ଜୁନ୍ ୨୦୨୩
• ଅନ୍‌ଲାଇନ୍ ଆବେଦନ ଶେଷ: ୨୩ ଜୁନ୍
• ଆବେଦନ ସଂଶୋଧନ ୱିଣ୍ଡୋ ଖୋଲିବ: ୨୪ ଜୁନ୍
• ଆବେଦନ ସଂଶୋଧନ ୱିଣ୍ଡୋର ବନ୍ଦ ହେବ: ୨୬ ଜୁନ୍

ଖାଲି ପଦବୀ:

• ସମୁଦାୟ ୪୩୮୪ଟି ପୋଷ୍ଟ୍ ପୂରଣ ହେବ
• ଶାଖା ପୋଷ୍ଟ୍‌ମାଷ୍ଟର ଏବଂ ଆସିଷ୍ଟାଣ୍ଟ୍‌ ଶାଖା ପୋଷ୍ଟ୍‌ମାଷ୍ଟର ପଦବୀ ପୂରଣ ହେବ

ବୟସ ସୀମା:

• ସର୍ବନିମ୍ନ ବୟସ - ୧୮ ବର୍ଷ
• ସର୍ବାଧିକ ବୟସ - ୪୦ ବର୍ଷ
• ସଂରକ୍ଷିତ ବର୍ଗର ପ୍ରାର୍ଥୀଙ୍କ ପାଇଁ ସରକାରୀ ନିୟମ ଅନୁଯାୟୀ ବୟସ କୋହଳ କରାଯିବ

ଯୋଗ୍ୟତା:

• ଏକ ସ୍ୱୀକୃତିପ୍ରାପ୍ତ ବିଦ୍ୟାଳୟ ଶିକ୍ଷା ବୋର୍ଡରୁ ଦଶମ ଶ୍ରେଣୀ ପରୀକ୍ଷାରେ ଉତ୍ତୀର୍ଣ୍ଣ
• ଦଶମ ଶ୍ରେଣୀରେ ଗଣିତ କିମ୍ବା ଇଂରାଜୀ ନିଶ୍ଚିତ ଭାବରେ ଏକ ବାଧ୍ୟତାମୂଳକ ବା ଚୟନକାରୀ ବିଷୟ ଭାବରେ ଥିବ
• ପ୍ରାର୍ଥୀ କମ୍ପ୍ୟୁଟର ଜ୍ଞାନ ସହିତ ସାଇକେଲ ଚଲାଇବା ଜାଣିଥିବେ

ଆବେଦନ ଶୁଳ୍କ:

• ପ୍ରାର୍ଥୀଙ୍କୁ ଆବେଦନ ଶୁଳ୍କ ଭାବେ ୧୦୦ ଟଙ୍କା ଦେବାକୁ ପଡିବ
• ମହିଳା, ଏସ୍‌ସି / ଏସ୍‌ଟି, ପିଡବ୍ଲ୍ୟୁଡି ଏବଂ ଟ୍ରାନ୍ସଓମ୍ୟାନ୍ - ଦେୟ ମୁକ୍ତ