ହଠାତ କୌଣସି ନା କୌଣସି କାରଣରୁ ଯଦି ଚାକିରି ଚାଲିଯାଏ ତେବେ ନିଶ୍ଚିତ ଭାବରେ ଏକ ଦୁଃଖର କଥା। ଯଦି ଚାକିରି ସେତେ ବଡ ନ ହୋଇଥାଏ, ଦରମା ସେତେ ଅଧିକ ନ ଥାଏ ସେଭଳି ପରିସ୍ଥିତିରେ ଏହା ଏକ ଆହ୍ୱାନ ହୋଇଯାଏ।
ଏଭଳି ପରିସ୍ଥିତିରେ କେବଳ ଆର୍ଥିକ ସମସ୍ୟା ଉପୁଜେ ନାହିଁ, ବରଂ ବ୍ୟକ୍ତିର ଶାରୀରିକ ଏବଂ ମାନସିକ ସ୍ୱାସ୍ଥ୍ୟ ମଧ୍ୟ ବିଗିଡି ଯାଏ। ଚାପ ବଢିଯାଏ। ତଥାପି, ଯେଉଁମାନେ ଏହାକୁ ଏକ ବିପର୍ଯ୍ୟୟ ଭାବରେ ଦେଖନ୍ତି, ସେମାନେ ଅଧିକ ଚାପଗ୍ରସ୍ତ ହୁଅନ୍ତି।
Also Read
ଏହିପରି ଲୋକଙ୍କୁ ଅଧିକ ସଂଘର୍ଷ କରିବାକୁ ପଡେ। ଯଦି ଆପଣଙ୍କୁ ମଧ୍ୟ ଏହିପରି କୌଣସି ସମସ୍ୟାର ସମ୍ମୁଖୀନ ହେବାକୁ ପଡେ, ତେବେ ଚାକିରି ହରାଇବା ପରେ, ଆପଣ ଭୁଲ୍ ରାସ୍ତାକୁ ବାଛିବା ଅନୁଚିତ ଏବଂ ଜଣେ ପରିପକ୍ୱ ପ୍ରଫେସନାଲଙ୍କ ପରି ଆଚରଣ କରିବା ଉଚିତ।
ତେବେ ଏପରି ପରିସ୍ଥିତିରେ କ’ଣ କରିବେ ଆସନ୍ତୁ ଜାଣିବା।
ଅଧିକ ପଢ଼ନ୍ତୁ: ଚାକିରି ହୋଇଯିବ ପକ୍କା, ଯଦି ଏହି ଗୋଟିଏ ପ୍ରଶ୍ନର ଠିକ୍ ଉତ୍ତର ଦେଇଦେବେ
ଭାବନାକୁ ନିୟନ୍ତ୍ରଣ:
କିଛି ଲୋକ ଚାକିରି ହରାଇବାକୁ ଏକ ଅସ୍ଥାୟୀ ସମସ୍ୟା ଭାବରେ ଦେଖନ୍ତି ଏବଂ ଶାନ୍ତ ରୁହନ୍ତି। କିରନ୍ତୁ ଏମିତି ଅନେକ ବ୍ୟକ୍ତି ଅଛନ୍ତି ଯେଉଁମାନେ ଏହାକୁ ଏକ ବିପର୍ଯ୍ୟୟ ଭଳି ଦେଖନ୍ତି। ଏହା ଚାପ, ଉଦାସୀନତା କିମ୍ବା ନିଶା ଖାଇବାର ପ୍ରବୃତ୍ତି ବଢାଇଦେଇଥାଏ।
ଏପରି ପରିସ୍ଥିତିରେ ଅର୍ଥ ଅପେକ୍ଷା ସ୍ୱାସ୍ଥ୍ୟ ଉପରେ ଗଭୀର ପ୍ରଭାବ ପକାଏ। ତେଣୁ, ଏପରି ପରିସ୍ଥିତିରେ, ନିଜର ଭାବନାକୁ ନିୟନ୍ତ୍ରଣରେ ରଖିବାବେଳେ ଏକ ସକରାତ୍ମକ ମାନସିକତା ସହିତ ଆଗକୁ ବଢିବାର ଆବଶ୍ୟକତା ଅଛି।
ନିୟମିତ ବ୍ୟାୟାମ:
ଆର୍ଥିକ ସଂଘର୍ଷ ଉଭୟ ମାନସିକ ଏବଂ ଶାରୀରିକ ସ୍ୱାସ୍ଥ୍ୟ ଉପରେ ପ୍ରଭାବ ପକାଇଥାଏ। ସମସ୍ତ ବିଲ୍ ପୈଠ କରିବାରେ ସକ୍ଷମ ନହେବା ଚିନ୍ତାର କାରଣ ହୋଇଯାଏ। ଏହା କେବଳ ମାନସିକ ସମସ୍ୟା ନୁହେଁ, ଏହା ଶାରୀରିକ ପରିବର୍ତ୍ତନ ମଧ୍ୟ ସୃଷ୍ଟି କରିଥାଏ ଯାହାକି ଉଚ୍ଚ ରକ୍ତଚାପ (BP) ପରି ଦୀର୍ଘକାଳୀନ ସ୍ୱାସ୍ଥ୍ୟ ସମସ୍ୟା ସୃଷ୍ଟି କରିଥାଏ।
ଏହାକୁ ଏଡାଇବା ପାଇଁ, ଆପଣ ନିୟମିତ ବ୍ୟାୟାମ କରିବା ଉଚିତ ଯାହା ଦ୍ୱାରା ଚାପ ସହ ଜଡିତ ହରମୋନ୍ ହ୍ରାସ ହେବ। ପର୍ଯ୍ୟାପ୍ତ ପରିମାଣରେ ଶୋଇବା ମଧ୍ୟ ଏହାକୁ ଉନ୍ନତ କରିଥାଏ ଏବଂ ସାମାଜିକ ଭାବରେ ସଂଯୁକ୍ତ ରହିବା ଦ୍ୱାରା ଭାବନାକୁ ନିୟନ୍ତ୍ରଣରେ ରଖେ।
ଅନ୍ୟମାନଙ୍କ ସହ ସଂପର୍କ:
ଯେତେବେଳେ ଚାକିରି ଚାଲିଯାଏ, ଏହା ପରେ ଅନ୍ୟମାନଙ୍କ ନିକଟରେ ପହଞ୍ଚିବାକୁ ଚେଷ୍ଟା କରିବା ଜରୁରୀ। ଏହା ଦ୍ୱାରା ଆପଣଙ୍କ ବନ୍ଧୁ ଏବଂ ପ୍ରିୟଜନମାନେ ମାନସିକ ସ୍ତରରେ ଦୃଢ ରହିବାରେ ସାହାଯ୍ୟ କରିବେ। ଏହା ସହିତ ଆପଣ ନୂଆ ଚାକିରି ପାଇଁ ଆବେଦନ କଲାବେଳେ ନେଟ୍ୱାର୍କିଂରେ ସମୟ ବିତାନ୍ତୁ।
ପୂର୍ବତନ ସହକର୍ମୀମାନଙ୍କ ସହିତ ଯୋଗାଯୋଗରେ ରୁହନ୍ତୁ, ପ୍ରଫେସନାଲ୍ ଗ୍ରୁପ୍ ଏବଂ କ୍ୟାରିୟର ସହିତ ଜଡିତ ଇଭେଣ୍ଟରେ ଯୋଗ ଦିଅନ୍ତୁ।
ସମୟର ଉପଯୁକ୍ତ ବ୍ୟବହାର:
ଯଦି ଆପଣ ଚାକିରି ହରାଇଛନ୍ତି, ତେବେ ଏହା ନିଜର ଦକ୍ଷତା ବୃଦ୍ଧି ପାଇଁ ସର୍ବୋତ୍ତମ ସମୟ ହୋଇପାରେ ଏବଂ ଏକ ନୂଆ ଚାକିରି ପାଇବାରେ ମଧ୍ୟ ସହାୟକ ହୋଇପାରେ। ଆପଣ ଏହି ସମୟରେ କିଛି ପାର୍ଟ ଟାଇମ୍ କାମ ମଧ୍ୟ କରିପାରିବେ, ଯାହା ଆପଣଙ୍କର ଆର୍ଥିକ ସ୍ଥିତିକୁ କିଛି ପରିମାଣରେ ଉନ୍ନତ କରିବ।