Career Tips: ସାକ୍ଷାତକାର ଦେବା ସମୟରେ ଏହି ୩ ଭୁଲ୍ କେବେ ବି କରନ୍ତୁ ନାହିଁ

ବର୍ତ୍ତମାନ ପ୍ରତ୍ୟେକ କ୍ଷେତ୍ରରେ ପ୍ରତିଯୋଗିତାର ସ୍ତର ବୃଦ୍ଧି ପାଉଛି। ଏପରି ପରିସ୍ଥିତିରେ କ୍ୟାରିୟର୍‌ରେ ଅଭିବୃଦ୍ଧି ହାସଲ କରିବା ଅତ୍ୟନ୍ତ କଷ୍ଟକର ହୋଇଯାଏ। ଯଦି ଆପଣ ନିଜର ବର୍ତ୍ତମାନର ଚାକିରି ପ୍ରୋଫାଇଲ୍‌ରେ ସନ୍ତୁଷ୍ଟ ନୁହନ୍ତି, ତେବେ ଆଉ ଏକ ନୂଆ ଚାକିରି ଖୋଜିବାକୁ ଚେଷ୍ଟା କରିବା ଜରୁରୀ। ତେବେ ନୂଆ ଚାକିରି ପାଇବା ମଧ୍ୟ ସହଜ ନୁହେଁ।

ସାକ୍ଷାତକାର ଦେବାକୁ ହେଲେ କିପରି ପ୍ରସ୍ତୁତ ହେବାକୁ ହୁଏ ଏହାକୁ ନେଇ ଇଣ୍ଟର୍‌ନେଟ୍‌ରେ ଅନେକ କିଛି ରହିଛି। ସାକ୍ଷାତକାରରେ କ’ଣ ପିନ୍ଧିବାକୁ ହେବ, ଷ୍ଟାଇଲ୍ କିପରି ହେବ, କେଉଁ ପ୍ରଶ୍ନ ପାଇଁ କିପରି ପ୍ରସ୍ତୁତ ହେବାକୁ ହେବ... ଅନେକ ପ୍ରଶ୍ନର ଉତ୍ତର ଅତି ସହଜରେ ଇଣ୍ଟର୍‌ନେଟ୍‌ରୁ ମିଳିଯିବ। କିନ୍ତୁ ଆପଣ ଜାଣନ୍ତି କି ଚାକିରି ସାକ୍ଷାତକାର ସମୟରେ କ’ଣ ସବୁ ଏଡ଼ାଇବାକୁ ହେବ? ଦେଖନ୍ତୁ…

ଅଧିକ ପଢ଼ନ୍ତୁ: ଦ୍ୱାଦଶ ପରେ କ୍ୟାରିଅର୍‌କୁ ନେଇ ଚିନ୍ତାରେ ଅଛନ୍ତି କି? ଆପଣଙ୍କ ପାଇଁ ଟିପ୍ସ

ସିନିୟର୍ସ କିମ୍ବା କମ୍ପାନୀ ବିଷୟରେ ଭୁଲ କୁହନ୍ତୁ ନାହିଁ:

ସାକ୍ଷାତକାର ସମୟରେ ନିଜର ବର୍ତ୍ତମନର କମ୍ପାନୀ କିମ୍ବା ବସ୍ / ସିନିୟର ଇତ୍ୟାଦିଙ୍କ ବିଷୟରେ କିଛି ଭୁଲ କୁହନ୍ତୁ ନାହିଁ। ଆପଣ ବର୍ତ୍ତମାନର ଜବ୍ ପ୍ରୋଫାଇଲ୍‌କୁ ନେଇ ଅସନ୍ତୁଷ୍ଟ୍ ଥାଇପାରନ୍ତି ସତ କିନ୍ତୁ ସାକ୍ଷାତକାର ସମୟରେ ସେହି ପ୍ରସଙ୍ଗ ଉଠାଇବାର ଭୁଲ କରନ୍ତୁ ନାହିଁ। ସାକ୍ଷାତକାରରେ ସବୁବେଳେ ସକାରାତ୍ମକ ହେବାକୁ ଚେଷ୍ଟା କରନ୍ତୁ। ଏହା ସାମ୍ନାରେ ଥିବା ବ୍ୟକ୍ତିଙ୍କ ଉପରେ ଏକ ଭଲ ପ୍ରଭାବ ପକାଇଥାଏ ଏବଂ ଚାକିରି ପାଇବାର ଗ୍ୟାରେଣ୍ଟି ବଢିଯାଏ।

ଅଧିକ ପଢ଼ନ୍ତୁ: ଦଶମ ପରେ ଇଞ୍ଜିନିୟର ହେବାକୁ ଚାହୁଁଛନ୍ତି କି? ଦେଖନ୍ତୁ କେତେକ ଟିପ୍ସ

ମଝିରେ କହିବାର ଭୁଲ କରନ୍ତୁ ନାହିଁ:

ସାକ୍ଷାତକାରଙ୍କ ପୂରା କଥା ଶୁଣନ୍ତୁ। ଏମିତି ହେବା ଉଚିତ ନୁହେଁ ଯେ ତାଙ୍କର ପ୍ରଶ୍ନ ସମାପ୍ତ ହୋଇ ନଥିବ କିନ୍ତୁ ଆପଣ ନିଜ କଥା କହିବା ଆରମ୍ଭ କରିଦେବେ। ଏହି କାରଣରୁ, ସାମ୍ନାରେ ଥିବା ବ୍ୟକ୍ତିଙ୍କ ଆପଣଙ୍କ ଉପରେ ଭାବନା ବିଗିଯିବା ସମ୍ଭାବନା ଥାଏ। ଏଥିରୁ ଜଣାଯାଏ ଯେ ଆପଣ ଜଣେ ଭଲ ଟିମ୍ ପ୍ଲେୟାର୍ ନୁହଁନ୍ତି ଏବଂ ଆପଣ କାହା କଥା ଶୁଣିବାକୁ ପ୍ରସ୍ତୁତ ନୁହନ୍ତି। ପ୍ରଶ୍ନ ମଝିରେ ନିଜ ମତ ଦେବା ଠାରୁ ଦୂରେଇ ରୁହନ୍ତୁ। ସାକ୍ଷାତକାର ସମୟରେ ଜଣେ ଭଲ ଶ୍ରୋତା ହେବା ଜରୁରୀ।

ନିଜର ପ୍ରଶଂସା କରନ୍ତୁ ନାହିଁ:

କିଛି ଲୋକ ନିଜକୁ ସର୍ବଦା ପ୍ରଶଂସା କରିବାକୁ ବହୁତ ପସନ୍ଦ କରନ୍ତି। ସାକ୍ଷାତକାର ସମୟରେ ଏହା କରିବା ଠାରୁ ଦୂରେଇ ରୁହନ୍ତୁ। ଯାହା ଆବଶ୍ୟକ ବା ଯେତିକି ପଚରାଯାଉଛି ତାହା କହିବା ଠିକ। କିନ୍ତୁ ପୂରା ସାକ୍ଷାତକାର ସମୟରେ କେବଳ ନିଜର ଗୁଣଗାନ କରନ୍ତୁ ନାହିଁ। ତୁମର ଦକ୍ଷତା ବିଷୟରେ ହିଁ କୁହନ୍ତୁ। ଏଥିସହ, ଆପଣ କିପରି କମ୍ପାନୀ ପାଇଁ ଏକ ଭଲ ଆସେଟ୍ ହୋଇପାରିବେ ତାହା କୁହନ୍ତୁ।