ତାଲିବାନ୍ ଶାସନରେ ସୁରକ୍ଷିତ ନୁହେଁ ଲୋକଙ୍କ ଜୀବନ; ସାଙ୍ଘାତିକ ରିପୋର୍ଟ ଦେଲା ଜାତିସଂଘ

ଆଫ୍‌ଗାନ୍‌ରେ ତାଲିବାନ୍‌ ଦାଖଲ ପରେ ପ୍ରାୟ ୪୦୦ ନାଗରିକଙ୍କମୃତ୍ୟୁ ହୋଇଛି । ଏମାନଙ୍କ ମଧ୍ୟରୁ ୮୦ ପ୍ରତିଶତରୁ ଅଧିକ ଲୋକଙ୍କୁ ଇସ୍‌ଲାମିକ୍‌ ଷ୍ଟେଟ୍‌ ସଦସ୍ୟଙ୍କ ଦ୍ୱାରା ହତ୍ୟା କରାଯାଇଛି । ଜାତିସଂଘର ଏକ ରିପୋର୍ଟରେ ଏହି ସୂଚନା ଦିଆଯାଇଛି ।

ତେବେ ଏହି ରିପୋର୍ଟରୁ ସ୍ପଷ୍ଟ ଜଣାପଡୁଛି ଯେ, ତାଲିବାନ୍‌ ଦଖଲ ପରେ ଆଫ୍‌ଗାନ୍‌ରେ ସାଧାରଣ ଲୋକଙ୍କ ଉପରେ ଅତ୍ୟାଚାର ବଢ଼ିବାକୁ ଲାଗିଛି । ଏମିତିକି ଦେଶରେ ରହୁଥିବା ମହିଳା, ସାମ୍ୱାଦିକ ଭଳି ଅନେକ ଗୋଷ୍ଠିର ଲୋକଙ୍କ ଉପରେ ଅତ୍ୟାଚାର ବଢ଼ିବାରେ ଲାଗିଥିଲା । ଯାହା ଦ୍ୱାରା ସେମାନେ ଦେଶରେ ରହିବା ସ୍ଥିତିରେ ମଧ୍ୟ ନାଥିଲେ । ଫଳରେ ଅନେକ ଲୋକ ଦେଶ ଛାଡି ପଳାୟନ କରୁଥିଲେ ।

ସୂଚନା ଅନୁସାରେ, ରିପୋର୍ଟରେ ୨୦୨୧ ଅଗଷ୍ଟ ମାସରୁ ଫେବୃଆରୀର ଶେଷ ପର୍ଯ୍ୟନ୍ତ ମୃତ୍ୟୁ ହୋଇଥିବା ବ୍ୟକ୍ତି ତାଲିକା ସଂଗ୍ରହ କରାଯାଇଛି ।

ISIS ଆକ୍ରମଣରେ ୩୯୭ ନାଗରିକଙ୍କ ମୃତ୍ୟୁ

ଜାତିସଂଘର ଏକ ରିପୋର୍ଟ ଅନୁସାରେ, କେବଳ ଇସ୍‌ଲାମିକ୍‌ ଷ୍ଟେଟ୍ ଆକ୍ରମଣ ଦ୍ୱାରା ହିଁ ୩୯୭ ଜଣ ନାଗରିକଙ୍କ ମୃତ୍ୟୁ ହୋଇଛି । ଏହାସହ ଆତଙ୍କବାଦୀଙ୍କ ମିଶିଥିବା ସନ୍ଦେହରେ ପ୍ରାୟ ୫୦ ଜଣ ଲୋକଙ୍କ ହତ୍ୟା କରାଯାଇଛି । ଏମାନଙ୍କ ମଧ୍ୟରୁ କିଛି ଲୋକଙ୍କୁ ମାନସିକ ନିର୍ଯାତନା , ଅନ୍ୟ କିଛି ଲୋକଙ୍କ ମୁଣ୍ଡ କାଟିବାସହ ବାକିଙ୍କୁ ଚଳନ୍ତା ଗିଡିରୁ ରାସ୍ତା କଡକୁ ଫିଙ୍ଗି ଦିଆଗଲା ଯାହା ଦ୍ୱାରା ସେମାନଙ୍କ ମୃତ୍ୟୁ ହୋଇଥିଲା ।

ଜାତୀୟ ଗଣମାଧ୍ୟମ ଅନୁସାରେ, ମାନବ ଅଧିକାରୀ କହିଛନ୍ତି ଯେ, ‘ଅନେକ ଆଫଗାନ୍‌ବାସୀଙ୍କ ପାଇଁ ମାନବ ଅଧିକାର ସ୍ଥିତି ବିଗିଡିଲାଣି, ଯାହା ଆମ ପାଇଁ ଚିନ୍ତାର ବିଷୟ ପାଲଟିଲାଣି ’ । ୨୦୧୪ରେ ପ୍ରଥମ ଥର ପାଇଁ ଆଇଏସ୍‌ଆଇକୁ ଆଫଗାନ୍‌ର ପୂର୍ବ ଭାଗରେ ଦେଖିବାକୁ ମିଳିଥିଲା ।

ଆଫ୍‌ଗାନ୍‌ ଦଖଲ ପରେ ତାଲିବାନ୍‌ର ଶକ୍ତି ଦ୍ୱିଗୁଣିତ ହେବା ସହ ଆତ୍ମଘାତି ଆକ୍ରମଣ ସଂଖ୍ୟା ମଧ୍ୟ ବୃଦ୍ଧି ପାଇଛି । ଏମିତିକି ଗତ ଅଗଷ୍ଟରେ ହୋଇଥିବା ବିମାନବନ୍ଦର ଆକ୍ରମଣ ମଧ୍ୟ ଏଥିରେ ଅନ୍ତର୍ଭୁକ୍ତ । ତାଲିବାନ୍‌ କବଳରୁ ରକ୍ଷା ପାଇବା ପାଇଁ ଶହ ଶହ ସାଧାରଣ ନାଗରିକମାନେ ବିମାନବନ୍ଦରକୁ ଯାଇଥିଲେ । ସେହି ସମୟରେ ଏହି ଆତ୍ମଘାତୀ ଆକ୍ରମଣ ହୋଇଥିଲା । ଯେଉଁଥିରେ ୧୩ ଜଣ ଆମେରିକୀୟ ସୈନ୍ୟଙ୍କ ସହ ଶତାଧିକ ସାଧାରଣ ଲୋକ ନିଜ ପ୍ରାଣ ହରାଇଥିଲେ ।