Success Story: ଭାଗ୍ୟ ଦେଲା ସାଥ୍: ଦିନେ ଥିଲେ ହୋଟେଲ୍ କ୍ଲିନର୍, ଏବେ IAS ଅଫିସର୍

UPSC ପରୀକ୍ଷାରେ ପାଶ୍ କରି IAS ହେବା ସହଜ କଥା। ଏ ବିଷୟରେ ଆପଣ ସଂଘର୍ଷର ଅନେକ କାହାଣୀ ଶୁଣିଥିବେ। ଏସବୁ ନିଶ୍ଚିତ ଭାବରେ ଆପଣଙ୍କୁ କିଛି କରିବାକୁ ପ୍ରେରଣା ଦେଇଥିବ। କିନ୍ତୁ ଆଜି ଆମେ ଆପଣଙ୍କ ପାଇଁ ଏମିତି ଜଣେ ବ୍ୟକ୍ତିତ୍ୱର ସଫଳତାର କାହାଣୀ ଆଣିଛୁ, ଯାହାଙ୍କ ସଂଗ୍ରାମର କାହାଣୀ ଜାଣିଲା ପରେ ଆପଣ ତାଙ୍କୁ ସାଲ୍ୟୁଟ୍ କରିବାକୁ ବାଧ୍ୟ ହେବେ।

ଏହି କାହାଣୀ IAS ଅଧିକାରୀ ଅବଦୁଲ ବି ନାସରଙ୍କ ବିଷୟରେ, ଯିଏ ଦୀର୍ଘ ୧୩ ବର୍ଷ ଧରି କେରଳର ଏକ ଅନାଥ ଆଶ୍ରମରେ ରହୁଥିଲେ ଏବଂ ପାଠ ପଢୁଥିଲେ। ଏଭଳି ପରିସ୍ଥିତିରେ ବି ସେ ସଫଳତା ପାଇ ଏହି ପଦବୀ ହାସଲ କରିଛନ୍ତି।

ବି ଅବଦୁଲ ନାସରଙ୍କୁ ଯେତେବେଳେ ମାତ୍ର ୫ ବର୍ଷ ହୋଇଥିଲା ସେ ତାଙ୍କ ବାପାଙ୍କୁ ହରାଇଥିଲେ। ବାପାଙ୍କ ମୃତ୍ୟୁ ପରେ ଅବଦୁଲ ଏବଂ ତାଙ୍କ ପରିବାରର ଜୀବନ ଅତ୍ୟନ୍ତ କଷ୍ଟସାଧ୍ୟ ହୋଇଗଲା। ସେ ଏବଂ ତାଙ୍କ ଭାଇମାନେ ଏକ ଅନାଥ ଆଶ୍ରମରେ ଥିବାବେଳେ ତାଙ୍କ ମା’ ଜଣେ କାମବାଲୀ ଭାବରେ କାମ କରୁଥିଲେ। ନାସର ୧୩ ବର୍ଷ ପର୍ଯ୍ୟନ୍ତ ଅନାଥ ଆଶ୍ରମରେ ରହି ତାଙ୍କର ବିଦ୍ୟାଳୟ ଶିକ୍ଷା ଶେଷ କରିଥିଲେ।

୧୦ ବର୍ଷ ବୟସରେ ହୋଟେଲ କ୍ଲିନର୍:

ଅବଦୁଲ ନାସରଙ୍କୁ ଯେତେବେଳେ ମାତ୍ର ୧୦ ବର୍ଷ ହୋଇଥିଲା ସେ ଜଣେ ହୋଟେଲ କ୍ଲିନର୍ ଭାବରେ କାମ କରିଥିଲେ। ସେ ଅନେକ ଥର ଅନାଥ ଆଶ୍ରମରୁ ପଳାଇ ଯାଇଛନ୍ତି କିନ୍ତୁ ପାଠପଢା ଶେଷ କରିବାକୁ ଫେରିଛନ୍ତି। ଅତ୍ୟଧିକ ଦାରିଦ୍ର୍ୟର ଅବସ୍ଥା ସତ୍ତ୍ୱେ ସେ କୌଣସି ପ୍ରକାରେ ତାଙ୍କର ଦ୍ୱାଦଶ ପଢା ଶେଷ କରିଥିଲେ ଏବଂ ପରେ ସରକାରୀ କଲେଜ, ଥାଲାସେରୀରୁ ସ୍ନାତକ ଡିଗ୍ରୀ ହାସଲ କରିଥିଲେ। ଏହାପରେ ନାସର ଟ୍ୟୁସନ କରିଥିଲେ, ଫୋନ୍ ଅପରେଟର ଭାବରେ କାମ କରିବା ସହିତ ଖବରକାଗଜ ବାଣ୍ଟିଥିଲେ।

ପ୍ରଥମ ଚାକିରି:

ଗ୍ରାଜୁଏସନ୍ ପରେ ୧୯୯୪ରେ ଅବଦୁଲ ନାସର କେରଳର ସ୍ୱାସ୍ଥ୍ୟ ବିଭାଗରେ ଅଧିକାରୀ ଭାବରେ ତାଙ୍କର ପ୍ରଥମ ଚାକିରି ପାଇଲେ। ସେ କିନ୍ତୁ ଏହି ଚାକିରିରେ ସନ୍ତୁଷ୍ଟ ନଥିଲେ। ୨୦୦୬ ମସିହାରେ, ରାଜ୍ୟ ସିଭିଲ ସର୍ଭିସେସ୍ ପରୀକ୍ଷାରେ ଉତ୍ତୀର୍ଣ୍ଣ ହେବା ପରେ ସେ ଡେପୁଟି କଲେକ୍ଟର ହୋଇଥିଲେ। ତାଙ୍କୁ ୨୦୧୫ ମସିହାରେ କେରଳର ଶ୍ରେଷ୍ଠ ଡେପୁଟି କଲେକ୍ଟର ଭାବରେ ପୁରସ୍କୃତ କରାଯାଇଥିଲା।

IAS ଅଧିକାରୀ:

ବି ଅବଦୁଲ ନାସରଙ୍କୁ ୨୦୧୭ରେ IAS ଅଧିକାରୀ ଭାବରେ ପଦୋନ୍ନତି ଦିଆଯାଇଥିଲା। ୨୦୧୯ ମସିହାରେ ସେ କୋଲ୍ଲମ ଜିଲ୍ଲାର କଲେକ୍ଟର ହୋଇଥିଲେ। ତେବେ ଏହାପୂର୍ବରୁ ସେ ସରକାରରେ ଗୃହ କମିଶନର ପଦରେ ମଧ୍ୟ କାର୍ଯ୍ୟ କରିଥିଲେ। ଏହିପରି ଅବଦୁଲ ନାସର ତାଙ୍କ କଠିନ ପରିଶ୍ରମର ଶକ୍ତି ଉପରେ ଅନାଥ ଆଶ୍ରମରୁ IAS ହେବାର ଯାତ୍ରା କରିଛନ୍ତି।