ପର କରିଦେଲେ ପୁଅ-ବୋହୂ : ବୃଦ୍ଧାଶ୍ରମରୁ ପିଲାଙ୍କୁ ଆଶୀର୍ବାଦ ଦେଉଛନ୍ତି ବାପା

ଚେୟାର ଉପରେ ବୃଦ୍ଧମାନେ ବସିଥିଲେ....ଫୁଲ, ଚନ୍ଦନ, ଧୂପ ସହିତ ଦୀପ ଦେଇ ସେମାନଙ୍କର କରାଯାଉଥିଲା ପୂଜାର୍ଚ୍ଚନା । ପୁଣି ମୁଣ୍ଡିଆ ମାରି ସେମାନଙ୍କ ଆଶୀର୍ବାଦ ନେଥିଲେ ଅନେକ । ଖାଲି ଏତିକି ନୁହେଁ ବରଂ କେକ୍‌ କଟାଯାଇଥିଲା ...ପୁଣି ଭାତ ସହିତ ନାନା ତିଅଣ ଖାଇବାକୁ ଦିଆଯାଉଥିଲା । ଏମିତି ସବୁ ଦୃଶ୍ୟ ଦେଖିବା ପରେ ହଠାତ୍‌ କେହି କିଛି ବୁଝିପାରୁନଥିବେ । ଭାବୁଥିବେ କାହାର ଜେଜେ ବାପା କି ଅଜାଙ୍କର ବୋଧହୁଏ ଜନ୍ମଦିନ ତେଣୁ ଘରେ କେକ୍‌ କଟାଯାଉଛି ଲୋକଙ୍କୁ ଖାଇବାକୁ ଦିଆଯାଉଛି । ନା..କାହା ଘରର ନୁହେଁ ବରଂ ଗୋଟିଏ ବୃଦ୍ଧାଶ୍ରମରେ ଦେଖିବାକୁ ମିଳିଛି ଏଇ ଦୃଶ୍ୟ । 

ଯାଜପୁର ପାଣିକୋଇଲି ଠାରେ ଥିବା ଶେଷ ପରିଚୟ ବୁଦ୍ଧାଶ୍ରମରେ ଦେଖିବାରୁ ମିଳିଛି ନିଆରା ଦୃଶ୍ୟ । ସେହି ବୃଦ୍ଧାଶ୍ରମରେ ଏକାଧିକ ବୃଦ୍ଧ ରହୁଛନ୍ତି । ନିଜ ଇଚ୍ଛାରେ ନୁହେଁ ବରଂ ସମୟର ଦାସ ହୋଇ ପିଲା-ଛୁଆ ଓ ପରିବାରଙ୍କଠୁ ଦୂରେଇ ଆଶ୍ରମ ହିଁ ସେମାନଙ୍କର ଠିକଣା । ଆଶ୍ରମକୁ ଆସିବା ପୂର୍ବରୁ ସେମାନଙ୍କର ବି ଘର ଥିଲା...ପରିବାର ଥିଲା । ହେଲେ ପିଲାଙ୍କ ନିର୍ଯ।ତନା ଏତେ ବଢିଯାଇଥିଲା ଯେ ଘରଦ୍ୱାର ସବୁ କିଛି ଛାଡି ଏବେ ଆଶ୍ରମରେ ବିତାଉଛନ୍ତି ଶେଷ ସମୟ ।

ସଜସଜ ବିଶ୍ୱ ପିତୃ ଦିବସ ପାଳନ ହୋଇଛି । ଘରେ ଘରେ ବାପାଙ୍କ ପାଇଁ କେତେ କଣ ଆୟୋଜନ କରିଥିଲେ ପିଲା । ହେଲେ ଏମାନେ ସେହି ପିଲାଙ୍କ ଲାଗି ତ ଏଇ ଆଶ୍ରମରେ ରହିଛନ୍ତି । ତେଣୁ ଏମାନଙ୍କୁ ସେ ଆନନ୍ଦ ମିଳିବ ବା କେଉଁଠୁ ? ହେଲେ ଦର୍ଶକବନ୍ଧୁ ଏମାନେ ଆଶ୍ରମରେ ରହୁଛନ୍ତି ସତ କିନ୍ତୁ ଏଇ ଅନୁଷ୍ଠାନର ସଦସ୍ୟମାନେ ନିଜ ବାପା-ମାଆ ଭାବନ୍ତି ଏଇମାନଙ୍କୁ । ସେଇଥି ପାଇଁ ତ ସକାଳୁ ସଂଜ ପର୍ଯ୍ୟନ୍ତ ସେବା କରନ୍ତି । ଆଉ ସଦସ୍ୟଙ୍କର ସେବାରେ ଏମାନେ ସନ୍ତୁଷ୍ଟ ହୋଇ ଆଶୀର୍ବାଦ ଦିଅନ୍ତି ।

କାହାର ଦୁଇ ପୁଅ ତ ଆଉ କାହାର ପୁଅ-ବୋହୂଙ୍କ ସହ ଝିଅ ଅଛନ୍ତି । ହେଲେ ବୟସ ହେବାରୁ ବୁଢା ବାପାଙ୍କୁ ପର କରିଦେଲେ ପିଲା । ଜୀବନଟା ଯାକ ପିଲାଙ୍କ ପାଇଁ ପରିଶ୍ରମ କରିକରି ଥକି ପଡିଲେ...ଭାବିଥିଲେ ଶେଷ ସମୟରେ ପିଲା ସେମାନଙ୍କର ସେବା କରିବେ ବୋଲି । ହେଲେ ସବୁ ଆଶା ସବୁ ସ୍ୱପ୍ନ ସ୍ୱପ୍ନରେ ରହିଗଲା । ଏତେ କଷ୍ଟରେ ଥିବା ପରେ ବି ପିଲାଙ୍କ ବିପକ୍ଷରେ ପଦେ କହିନାହାନ୍ତି ଭଦ୍ରକର ସନାତନ ମୁଦୁଲି ।

ଆମେ ଅନେକ ସମୟରେ ଦେଖୁଛନ୍ତି ବୁଢା ବାପା-ମାଆଙ୍କ ସେବା ଯତ୍ନ କରିବା ବଦଳରେ ତାଙ୍କୁ ପର କରିଦେଉଛନ୍ତି ପୁଅ-ବୋହୂ । ହେଲେ ପାଣିକୋଇଲିର ଏଇ ବୃଦ୍ଧାଶ୍ରମ ଏବେ ଏମାନଙ୍କ ମୁହଁରେ ଭରି ଦେଇଛି ଖୁସି । ଯାହାକୁ ନେଇ ଆଶ୍ରମର ଅନ୍ତେବାସୀ ଭାରି ଖୁସି । ସତରେ ଏଇ ବୃଦ୍ଧାଙ୍କର ଯେଉଁମାନେ ସକାଳୁ ସଂଜ ଯାଏଁ ସେବା କରୁଛନ୍ତି ତାଙ୍କୁ ସତସତ ନମନ୍‌ ।