ଭବିଷ୍ୟବାଣୀ କରୁଥିବା ଅନେକ ଲୋକଙ୍କ ବିଷୟରେ ଆପଣମାନେ ନିଶ୍ଚୟ ଶୁଣିଥିବେ। ଏମିତି ବି କିଛି ଲୋକ ଏହା ମାଧ୍ୟମରେ ଅନ୍ୟମାନଙ୍କୁ ଭଣ୍ଡାନ୍ତି। ଏମାନେ ଭବିଷ୍ୟତର ଭୟ ଦେଖାଇ ଲୋକଙ୍କଠାରୁ ଟଙ୍କା ଲୁଟନ୍ତି। କିନ୍ତୁ ଏମିତି ବି କିଛି ଲୋକ ଅଛନ୍ତି ଯେଉଁମାନେ ପ୍ରକୃତରେ ଭବିଷ୍ୟତକୁ ଦେଖିପାରନ୍ତି। ସେମାନଙ୍କ ପାଖରେ ଈଶ୍ୱରଙ୍କର ବରଦାନ ଥାଏ।
ଏପରି ଲୋକଙ୍କ ବିଷୟରେ ଅନେକ ଆଲୋଚନା ହୁଏ। ଭବିଷ୍ୟତକୁ ଦେଖିବା ବ୍ୟକ୍ତି ବିଷୟରେ ଯଦି ଆଲୋଚନା ହେବ ଏବଂ ଏଥିରେ ଯଦି ବାବା ଭଙ୍ଗାଙ୍କର ନାମ ନ ଥିବ, ଏମିତି ହୋଇ ପାରିବ ନାହିଁ। ଏମିତି ଅନେକ ଘଟଣା ଘଟିଛି ଯାହାକୁ ସେ ହେବା ପୂର୍ବରୁ ଦେଖି ନେଇଛନ୍ତି। ଏପର୍ଯ୍ୟନ୍ତ ତାଙ୍କର ଅନେକ ଭବିଷ୍ୟବାଣୀ ସତ ମଧ୍ୟ ହୋଇଛି।
୨୦୨୨ ବର୍ଷ ପାଇଁ ବାବା ଭଙ୍ଗା ମଧ୍ୟ ପୂର୍ବାନୁମାନ କରିଛନ୍ତି। ସେ ଚଳିତ ବର୍ଷ ପାଇଁ ମୋଟ ୬ଟି ଭବିଷ୍ୟବାଣୀ କରିଛନ୍ତି। ଏଥିମଧ୍ୟରୁ ଦୁଇଟି ଏପର୍ଯ୍ୟନ୍ତ ସତ ବୋଲି ପ୍ରମାଣିତ ହୋଇସାରିଛି। ଏଭଳି ପରିସ୍ଥିତିରେ, ବର୍ତ୍ତମାନ ଲୋକମାନେ ଭୟ କରୁଛନ୍ତି ଯେ ଅବଶିଷ୍ଟ ଚାରିଟି ସତ ହେଲେ କ’ଣ ହେବ? ତେବେ ଆସନ୍ତୁ ଜାଣିବା ଏହି ବର୍ଷ ପାଇଁ ବାବା ଭଙ୍ଗା ଦେଇଥିବା ଭବିଷ୍ୟବାଣୀଗୁଡିକ କ’ଣ ଓ ଏଥି ମଧ୍ୟରୁ କେଉଁ ଦୁଇଟି ସତ ହୋଇଛି।
ସତ ହୋଇଥିବା ଦୁଇ ଭବିଷ୍ୟବାଣୀ:
ବାବା ଭଙ୍ଗା ଚଳିତ ବର୍ଷ ପାଇଁ ୬ଟି ଭୟାନକ ପୂର୍ବାନୁମାନ କରିଥିଲେ। ସେଗୁଡିକ ମଧ୍ୟରୁ ଦୁଇଟି ଏପର୍ଯ୍ୟନ୍ତ ସତ ହୋଇସାରିଛି। ସେ କହିଥିଲେ ଯେ ୨୦୨୨ ମସିହାରେ ଅନେକ ଏସୀୟ ଦେଶ ଏବଂ ଅଷ୍ଟ୍ରେଲିଆରେ ପ୍ରବଳ ବନ୍ୟା ପରିସ୍ଥିତି ସୃଷ୍ଟି ହେବ। ସାମ୍ପ୍ରତିକ ପରିସ୍ଥିତିରେ, ଅଷ୍ଟ୍ରେଲିଆରେ ପ୍ରବଳ ବର୍ଷାଜନୀତ ବିନାଶକୁ ଲୋକେ ଦେଖିଛନ୍ତି।
ଏହା ବ୍ୟତୀତ ବାବା ଭଙ୍ଗା ମଧ୍ୟ ଅନେକ ସହରରେ ମରୁଡ଼ିର ପୂର୍ବାନୁମାନ କରିଥିଲେ। ବର୍ତ୍ତମାନ ୟୁରୋପର ଅନେକ ଅଞ୍ଚଳରେ ଭୟଙ୍କର ମରୁଡ଼ି ପରିସ୍ଥିତି ଦେଖାଦେଇଛି। ୧୯୫୦ ପରଠାରୁ ଇଟାଲୀ ସବୁଠାରୁ ଖରାପ ମରୁଡ଼ି ପରିସ୍ଥିତି ଦେଇ ଗତି କରୁଛି।
ବାକିଥିବା ୪ ଭବିଷ୍ୟବାଣୀ:
୨୦୨୨ ପାଇଁ ବାବା ଭଙ୍ଗାଙ୍କ ଆଉ ୪ଟି ଭବିଷ୍ୟବାଣୀ ବାକି ଅଛି। ଲୋକମାନେ ଭୟ କରୁଛନ୍ତି ଯେ ଡିସେମ୍ବର ସୁଦ୍ଧା ଏହା ମଧ୍ୟ ସତ ହୋଇଯିବ। ଏଥିରେ ସାଇବେରିୟାରୁ ଆଉ ଏକ ମାରାତ୍ମକ ଭାଇରସ୍ର ଆରମ୍ଭ ବିଷୟରେ କୁହାଯାଇଛି।
ଏହା ବ୍ୟତୀତ ୨୦୨୨ରେ ପୃଥିବୀ ଉପରେ ଏଲିଏନ୍ମାନେ ଆକ୍ରମଣ କରିବେ ବୋଲି କୁହାଯାଇଛି। ପଙ୍ଗପାଳ ନାମକ ଏକ ପୋକର ଆକ୍ରମଣ ଅନେକ କ୍ଷେତ୍ରରେ ଘଟିବ ଏବଂ ଶେଷରେ ଭର୍ଚୁଆଲ୍ ରିଏଲିଟି ବ୍ୟବହାର ବୃଦ୍ଧି ପାଇବ।
ପ୍ରକାଶଥାଉ ଯେ ବାବା ଭଙ୍ଗା ୧୯୧୧ରେ ଜନ୍ମ ହୋଇଥିଲେ ଏବଂ ୧୯୯୬ରେ ମୃତ୍ୟୁବରଣ କରିଥିଲେ। ମୃତ୍ୟୁ ପୂର୍ବରୁ ସେ ଅନେକ ଭବିଷ୍ୟବାଣୀ କରିଥିଲେ, ଯାହା ମଧ୍ୟରୁ ଅଧିକାଂଶ ସତ ହୋଇଛି। ଏଥିରେ ଆମେରିକା ଉପରେ ହୋଇଥିବା ବିମାନ ଆକ୍ରମଣ ଏବଂ ସୁନାମି ଭଳି ଦୁର୍ଘଟଣା ରହିଛି।