ଅଜବ ପରମ୍ପରା; ଏମାନେ ଜୀବନରେ ଥରେ ଗାଧାନ୍ତି, ଜାଣନ୍ତୁ କେବେ?

ଗୋଟିଏ ପଟେ ଲୋକମାନେ ଯେତେବେଳେ ବିକାଶ ଏବଂ ଆଧୁନିକତାକୁ ଗ୍ରହଣ କରୁଛନ୍ତି ସେତେବେଳେ ସେମାନେ ନିଜ ନିଜ ପରମ୍ପରା ଓ ରୀତିନୀତି ଭୁଲିଯାଉଛନ୍ତି। କିନ୍ତୁ ଏହି ଆଦିବାସୀମାନେ ଆଜି ମଧ୍ୟ ସେମାନଙ୍କର ପରମ୍ପରା ଏବଂ ରୀତିନୀତିକୁ ଅନୁସରଣ କରନ୍ତି। ଆଫ୍ରିକୀ ମହାଦ୍ୱୀପରେ ଏହିପରି ଏକ ଆଦିବାସୀ ଜନଜାତି ବାସ କରୁଥିବା ଦେଖିବାକୁ ମିଳନ୍ତି। ସେମାନଙ୍କ ଏପରି କିଛି ପରମ୍ପରା ରହିଛି ଯାହାକୁ ଜାଣି ଆପଣ ଆଶ୍ଚର୍ଯ୍ୟ ହେବେ। ଆଫ୍ରିକାର ଏହି ଜନଜାତିର ନାମ ହିମ୍ବା ହୋଇଥିବା ବେଳେ ସେମାନେ ନାମିବିୟାରେ ବାସ କରନ୍ତି। ତେବେ ଆସନ୍ତୁ ଏହି ଅନନ୍ୟ ଆଦିବାସୀ ଜନଜାତିଙ୍କ ବିଷୟରେ ଜାଣିବା।

ଏଠାରେ ପିଲାମାନଙ୍କର ଜନ୍ମକୁ ନେଇ ଏକ ଆକର୍ଷଣୀୟ ପରମ୍ପରା ଥିବାରୁ ହିମ୍ବା ଜନଜାତି ଅତ୍ୟନ୍ତ ଅନନ୍ୟ। ସାଧାରଣତଃ ଶିଶୁଟି ଜନ୍ମ ହେବା ପରେ ତା’ର ଜନ୍ମ ତାରିଖକୁ ବିଚାରକୁ ନିଆଯାଏ। କିନ୍ତୁ ଏହି ଜନଜାତିରେ ଏହି ପରମ୍ପରା ବ୍ୟତୀକ୍ରମ। ଏଠାକାର ପରମ୍ପରା ଅନୁସାରେ ଯେବେଠାରୁ ମହିଳା ଜଣକ ଶିଶୁକୁ ନେଇ ଚିନ୍ତା କରିବା ଆରମ୍ଭ କରନ୍ତି ସେବେଠାରୁ ଶିଶୁର ଜନ୍ମତିଥିକୁ ବିଚାରକୁ ନିଆଯାଏ।

ପିଲାମାନଙ୍କ ପାଇଁ ବିଶେଷ ଗୀତ:

ମହିଳାମାନେ ପିଲାମାନଙ୍କୁ ଗୀତ ଶୁଣେଇବାକୁ ପରାମର୍ଶ ଦିଆଯାଏ। ସେବେଠାରୁ ସେ ଗଛ ମୂଳରେ ବସି ପିଲାମାନଙ୍କ ସହ ଜଡିତ ଗୀତ ଶୁଣିବାକୁ ଚେଷ୍ଟା କରନ୍ତି। ଏହା ପରେ ସେ ନିଜ ସାଥୀଙ୍କୁ ମଧ୍ୟ ଏହି ଗୀତ ଶୁଣାନ୍ତି। ଯେତେବେଳେ ଦୁହେଁ ସମ୍ପର୍କ ସ୍ଥାପନ କରନ୍ତି ଏହି ଗୀତ ବୋଲନ୍ତି। ଯେତେବେଳେ ମହିଳା ଗର୍ଭବତୀ ହୋଇଯାଆନ୍ତି, ସେମାନେ ଏହି ଗୀତକୁ ଜାତିର ଅନ୍ୟ ମହିଳାମାନଙ୍କୁ ଶିଖାନ୍ତି। ଯେତେବେଳେ ମହିଳା ଜଣଙ୍କ ଗର୍ଭବତୀ ହୁଅନ୍ତି, ତାଙ୍କ ଆଖପାଖରେ ଥିବା ସମସ୍ତେ ଏହି ଗୀତ ବୋଲନ୍ତି। ଏହି ଗୀତଟିକୁ ତାଙ୍କର ଶେଷ ନିଶ୍ୱାସ ପର୍ଯ୍ୟନ୍ତ ମଧ୍ୟ ଗାଇବାକୁ ହୁଏ।

ସ୍ନାନ କରିବାକୁ ନେଇ ପରମ୍ପରା:

ସବୁଠାରୁ ଆଶ୍ଚର୍ଯ୍ୟଜନକ କଥା ହେଉଛି ହିମ୍ବା ଜନଜାତିର ମହିଳାମାନେ ନିଜ ଜୀବନରେ କେବଳ ଥରେ ହିଁ ସ୍ନାନ କରନ୍ତି। ତାହା ପୁଣି ସେମାନଙ୍କ ବିବାହ ଦିନ। ଏହାଠାରୁ ଆହୁରି ଆଶ୍ଚର୍ଯ୍ୟଜନକ କଥା ହେଉଛି ଯେ ସେ ନିଜ ପୋଷାକ ଧୋଇବା ପାଇଁ ପାଣିରେ ବ୍ୟବହାର କରାଯାଇ ପାରିବ ନାହିଁ।

ନିଜକୁ ସଫା ରଖିବା ପାଇଁ ବିଶେଷ ଉପାୟ:

ଏହି ଜନଜାତିର ମହିଳାମାନେ ନିଜକୁ ସଫା ରଖିବା ପାଇଁ ଏକ ସ୍ୱତନ୍ତ୍ର ପଦ୍ଧତି ଗ୍ରହଣ କରନ୍ତି। ସେମାନେ ଏକ ପ୍ରକାର ସ୍ୱତନ୍ତ୍ର ଜଡିବୁଟିକୁ ପାଣିରେ ଫୁଟାନ୍ତି ଏବଂ ଏହାର ବାଷ୍ପରେ ନିଜକୁ ସଫା କରନ୍ତି। ଫଳରେ ଶରୀରରୁ ଦୁର୍ଗନ୍ଧ ବାହାରେ ନାହିଁ। ଏହା ସହିତ ଚର୍ମକୁ ସୂର୍ଯ୍ୟଙ୍କଠାରୁ ରକ୍ଷା କରିବା ପାଇଁ ସେମାନେ ସ୍ୱତନ୍ତ୍ର ଲୋସନ ମଧ୍ୟ ବ୍ୟବହାର କରନ୍ତି। ଏହା ପଶୁର ଚର୍ବି ଏବଂ ଲୁହା ପରି ଏକ ପ୍ରକାର ଖଣିଜ ପଦାର୍ଥ, ହେମାଟାଇଟ୍‌ରୁ ତିଆରି ହୋଇଥାଏ।