Health Tips: କେବେ ବି ଖାଆନ୍ତୁ ନାହିଁ ଏହିସବୁ ଖାଦ୍ୟର ମିଶ୍ରଣ; ହଜମ ପ୍ରକ୍ରିୟା ହୋଇପାରେ ଦୁର୍ବଳ

କିଛି ଖାଦ୍ୟ ଅଛି ଯାହାକୁ ଆମେ ସମସ୍ତେ ଅଜାଣତରେ ଏକାଠି ଖାଇଥାଉ, କିନ୍ତୁ ଆମ ସ୍ୱାସ୍ଥ୍ୟ ପାଇଁ ଏହା ଲାଭ ପ୍ରଦାନ କରିବା ପରିବର୍ତ୍ତେ, କ୍ଷତି କରିଥାଏ। ଭୁଲ କିମ୍ବା ବିପରୀତ ଖାଦ୍ୟ ମିଶ୍ରଣକୁ ଆୟୁର୍ବେଦରେ ବିରୁଦ୍ଧ ଆହାର କୁହାଯାଏ। ଏଥିରେ ଅନେକ ପ୍ରକାରର ଖାଦ୍ୟ ସାମଗ୍ରୀ ଯେପରିକି କ୍ଷୀର ଏବଂ ମାଛ, ଦହୀ ଏବଂ କଦଳୀ, ମହୁ ଏବଂ ଘି ଇତ୍ୟାଦି ରହିଛି।

ବିଭିନ୍ନ ଖାଦ୍ୟର ପ୍ରକୃତି ଭିନ୍ନ ହୋଇଥାଏ। କିଛି ଖାଦ୍ୟ ଥଣ୍ଡା ପ୍ରକୃତିର ହୋଇଥିବା ବେଳେ କିଛି ଗରମ ପ୍ରକୃତିର ହୋଇଥାଏ। ଏପରି ପରିସ୍ଥିତିରେ ଥଣ୍ଡା ଏବଂ ଗରମ ଖାଦ୍ୟକୁ ଏକାଠି ଖାଇବା ଲାଭଦାୟକ ନୁହେଁ। ଆୟୁର୍ବେଦ ମତରେ ବିପରୀତ ଖାଦ୍ୟର ମିଶ୍ରଣ ସ୍ୱାସ୍ଥ୍ୟ ପାଇଁ ଅନେକ ହାନୀକାରକ।

ଏ ବିଷୟରେ ଆୟୁର୍ବେଦ ଡାକ୍ତର ଦୀକ୍ଷା ଭାବସର୍ ନିଜ ଇନଷ୍ଟାଗ୍ରାମ ଆକାଉଣ୍ଟରେ ଏକ ଗୁରୁତ୍ୱପୂର୍ଣ୍ଣ ଏବଂ ସୂଚନାପୂର୍ଣ୍ଣ ପୋଷ୍ଟ ଶେୟାର କରିଛନ୍ତି। ଏହି ପୋଷ୍ଟ ମାଧ୍ୟମରେ ଆପଣ ଜାଣିପାରିବେ କେଉଁ ଖାଦ୍ୟ ଏବଂ କେଉଁ ଜିନିଷ ସ୍ୱାସ୍ଥ୍ୟ ପାଇଁ ଖରାପ ଅଟେ। ତେବେ ଆସନ୍ତି ଏହି ବିରୁଦ୍ଧ ଖାଦ୍ୟ ବିଷୟରେ ଜାଣିବା-

ବିପରୀତ ଖାଦ୍ୟର ମିଶ୍ରଣ:

• କ୍ଷୀର ଏବଂ ମାଛର ବିପରୀତ ଗୁଣ ରହିଛି
• ଦୁଗ୍ଧ ଏବଂ ଫଳ ଏକାଠି ଖାଇବା ଦ୍ୱାରା ଟିସୁ ଉପରେ ପ୍ରତିକୂଳ ପ୍ରଭାବ ପଡିଥାଏ
• ଗରମ ମହୁ ଶରୀର ଉପରେ କିଛି ଅବାଞ୍ଛିତ ପ୍ରଭାବ ପକାଇପାରେ
• ଶୁଦ୍ଧ ମହୁ ଏବଂ ଘିଅର ମିଶ୍ରହ ଅବାଞ୍ଛିତ ପ୍ରଭାବ ପକାଇପାରେ
• ରାତିରେ କଦଳୀ ଖାଇବା ଶରୀର ଉପରେ ଅବାଞ୍ଛିତ ପ୍ରଭାବ ପକାଏ

ଏହି ବିରୁଦ୍ଧ ଖାଦ୍ୟରୁ ଦୂରେଇ ରହିବା:

କ୍ଷୀର ଏବଂ ମାଛ:

ଦୁଗ୍ଧ କେବେ ବି ମାଛ ସହିତ ଖାଇବା ଉଚିତ୍ ନୁହେଁ, କାରଣ ଉଭୟ ଖାଦ୍ୟ ସାମଗ୍ରୀ ପରସ୍ପର ବିପରୀତ। ସେମାନଙ୍କର ପ୍ରକୃତି ମଧ୍ୟ ଭିନ୍ନ। କ୍ଷୀର ଥଣ୍ଡା ଜାତୀୟ ହୋଇଥିବା ବେଳେ ଏବଂ ମାଛ ଗରମ ସ୍ୱଭାବର। ଏହି ଦୁଇଟିର ମିଶ୍ରଣ ରକ୍ତ ବ୍ୟାଧି ସୃଷ୍ଟି କରିପାରେ। ଶରୀରର ସ୍ନାୟୁରେ ଅବରୋଧ ହୋଇପାରେ। ଲୁଣ ଏବଂ କ୍ଷୀର ହେଉଛି ଅନ୍ୟ ଏକ ବିପରୀତ ଖାଦ୍ୟ ମିଶ୍ରଣ। ଏହି ଦୁଇଟିର ବିପରୀତ ଗୁଣ ଅଛି, ଏସବୁକୁ ଏକାଠି ଖାଇବା ଠାରୁ ଦୂରେଇ ରହିବା ଭଲ।

କଦଳୀ ଏବଂ କ୍ଷୀର, ଦହୀ, ଲହୁଣୀ:

କଦଳୀକୁ କ୍ଷୀର, ଦହୀ କିମ୍ବା ଲହୁଣୀ ସହିତ ଖାଇବା ଉଚିତ୍ ନୁହେଁ, କାରଣ ଏହି ମିଶ୍ରଣ ହଜମ ପ୍ରକ୍ରିୟାକୁ ଦୁର୍ବଳ କରିପାରେ। ଶରୀରରେ ବିଷାକ୍ତ ପଦାର୍ଥ ସୃଷ୍ଟି କରିପାରେ। ଏହି ମିଶ୍ରଣକୁ ଖାଇବା ଦ୍ୱାରା ଥଣ୍ଡା, କାଶ ଏବଂ ଆଲର୍ଜି ହୋଇପାରେ।

କେତେବେଳେ ଦହୀ ଖାଇବେ:

ଦହୀ, ଛେନା, ପନିର ଶୀତଦିନେ ଖାଇବା ପାଇଁ ସର୍ବୋତ୍ତମ ଖାଦ୍ୟ, କିନ୍ତୁ ରାତିରେ ଏହାକୁ ଅଧିକ ଖାଇବା ଠାରୁ ଦୂରେଇ ରହିବା ଉଚିତ। ମଧ୍ୟାହ୍ନ ଭୋଜନ ସମୟରେ ସର୍ବଦା କଦଳୀ ଖାଆନ୍ତୁ, କାରଣ ଏହି ସମୟରେ ହଜମ ପ୍ରକ୍ରିୟା ଅଧିକ ଶକ୍ତିଶାଳୀ ଥାଏ। ତେବେ ଯେଉଁମାନଙ୍କର ଆଲର୍ଜି କିମ୍ବା କୌଣସି ଅସୁବିଧା ଥାଏ, ସେମାନେ ଦହୀ ଖାଇବା ପାଇଁ ସର୍ବୋତ୍ତମ ସମୟ ଏବଂ ଏହାକୁ କିପରି ଖାଇବା ବିଷୟରେ ବିଶେଷଜ୍ଞଙ୍କ ପରାମର୍ଶ ନେବା ଉଚିତ।

ଦହି ରକ୍ତ, ପିତ୍ତ ଏବଂ କଫ ବଢାଇପାରେ। ପନୀର ହଜମ କରିବାକୁ ଅଧିକ ସମୟ ନେଇଥାଏ ଏବଂ କୋଷ୍ଠକାଠିନ୍ୟର କାରଣ ହୋଇପାରେ, ତେଣୁ ହଜମ ଦୁର୍ବଳ ଥିବା ବ୍ୟକ୍ତିମାନେ ଏସବୁ ଖାଇବା ଠାରୁ ଦୂରେଇ ରହିବା ଉଚିତ।

ଘିଅ ଏବଂ ମହୁ:

ମହୁ ଗରମ କରି ଖାଇବା ଦ୍ୱାରା ହଜମ ପ୍ରକ୍ରିୟାକୁ ସମର୍ଥନ କରୁଥିବା ଏନ୍‌ଜାଇମ୍ ନଷ୍ଟ ହୋଇଯାଏ। ତେଣୁ ଏହା ଖାଇବା ଦ୍ୱାରା ଶରୀରରେ ଅମା (ବିଷାକ୍ତ ପଦାର୍ଥ) ଉତ୍ପନ୍ନ ହୁଏ। ଘିଅ ଏବଂ ମହୁକୁ ସମାନ ପରିମାଣରେ ମିଶ୍ରଣ କରନ୍ତୁ ନାହିଁ, କାରଣ ଶରୀରରେ ଏହାର ବିପରୀତ ପ୍ରତିକ୍ରିୟା ସୃଷ୍ଟି କରେ। ମହୁରେ ଗରମ, ଶୁଷ୍କ ଗୁଣ ଥିବାବେଳେ ଘିଅରେ ଥଣ୍ଡା, ମଶ୍ଚରାଇଜିଂ ଗୁଣ ରହିଛି। ତେବେ ଯଦି ଘିଅ ଏବଂ ମହୁ ଏକାଠି ଖାଉଛନ୍ତି ତେବେ ସେଥିରୁ ଗୋଟିଏ ଅଧିକ ପରିମାଣରେ ମିଶାନ୍ତୁ।