ହେଲ୍ଥ ଡ୍ରିଙ୍କସ୍ ନୁହେଁ ବର୍ଣ୍ଣଭିଟା, ତୁରନ୍ତ ତାଲିକାରୁ ହଟାଇବାକୁ କେନ୍ଦ୍ର ସରକାରଙ୍କ ନିର୍ଦ୍ଦେଶ

ଆମେ ସୁସ୍ଥ ରହିବା ପାଇଁ ଅନେକ କସରତ କରୁ। ବେଳେ ବେଳେ ଜିମ୍ ବି ଯାଉ। କିଛି ଲୋକ ସୁଷମ ଖାଦ୍ୟର ଚାଟରେ ଏନର୍ଜି ଡ୍ରିଙ୍କ ବି ପିଅନ୍ତି। ତେବେ ଏହି ହେଲ୍ଥ ଡ୍ରିଙ୍କସ୍ ତାଲିକାରୁ ଏବେ ହଟିଛି ବର୍ଣ୍ଣଭିଟା। ଏନେଇ ବାଣିଜ୍ୟ ଏବଂ ଉଦ୍ୟୋଗ ମନ୍ତ୍ରଣାଳୟ ପକ୍ଷରୁ ସମସ୍ତ ଇ-କମର୍ସ କମ୍ପାନୀ ସମେତ ବର୍ଣ୍ଣଭିଟାକୁ ନିର୍ଦ୍ଦେଶ ଦେଇଛି।

ବର୍ଣ୍ଣଭିଟା ହେଲ୍ଥ ଡ୍ରିଙ୍କସ୍ ତାଲିକାଭୁକ୍ତ ହୋଇପାରିବ ନାହିଁ। ଏନେଇ ଏକ ବି‍ଜ୍ଞପ୍ତି ଜାରି କରାଯାଇଛି। ଏଥିରେ ଉଲ୍ଲେଖ ଅଛି ଯେ, ସମସ୍ତ ଇ-କମର୍ସ ୱେବସାଇଟ୍ ନିଜ ନିଜର ପ୍ଲାଟଫର୍ମରୁ ବର୍ଣ୍ଣଭିଟା ସହ ଅନ୍ୟ ସମସ୍ତ ପାନୀକୁ ହେଲ୍ଥ ଡ୍ରିଙ୍କସ୍ ଶ୍ରେଣୀରୁ ତୁରନ୍ତ ହଟାଇ ଦିଅନ୍ତୁ।

ବି‍ଜ୍ଞପ୍ତି ଅନୁଯାୟୀ, ଶିଶୁ ଅଧିକାର ଅଧିକାରର ଜାତୀୟ ଆୟୋଗ, ଶିଶୁ ଅଧିକାର ଅଧିକାର ଆୟୋଗ (ସିପିସିଆର) ଅଧିନିୟମ, ୨୦୦୫ର ଧାରା (୩) ଅନୁଯାୟୀ ଗଠିତ ଏକ ସଂସ୍ଥା ଏନେଇ ଯାଞ୍ଚ କରିଥିଲା। ଏହି ଯାଞ୍ଚ ପରେ ଜଣାପଡିଲା ଯେ ହେଲ୍ଥ ଡ୍ରିଙ୍କସର ସେପରି କୌଣସି ସଂ‌ଜ୍ଞା ନାହିଁ। ହେଲ୍ଥ ଡ୍ରିଙ୍କକୁ ଖାଦ୍ୟ ସୁରକ୍ଷା ପ୍ରଣାଳୀ (FSS)ଅଧିନିୟମ ୨୦୦୬ ଅନୁଯାୟୀ ପରିଭାଷିତ କରାଯାଇଛି।

FSSAI, ଏପ୍ରିଲ ୨ରେ ସମସ୍ତ ଇ-କମର୍ସ କମ୍ପାନୀଗୁଡ଼ିକୁ ସେମାନଙ୍କ ୱେବସାଇଟରେ ବିକ୍ରି ହେଉଥିବା ଖାଦ୍ୟ ପଦାର୍ଥର ଉପଯୁକ୍ତ ବର୍ଗୀକରଣ କରିବାକୁ ନିର୍ଦ୍ଦେଶ ଦେଇଥିଲା। କାରଣ ଏହି ହେଲ୍ଥଡ୍ରିଙ୍କସ ଶବ୍ଦ କୌଣସି ସ୍ଥାନରେ ବ୍ୟାଖ୍ୟା କରାଯାଇ ନାହିଁ।"ତେଣୁ, FSSAI ସମସ୍ତ ଇ-କମର୍ସ କମ୍ପାନୀଗୁଡିକୁ ଏହି ୱେବସାଇଟରେ ଏନର୍ଜି ଡ୍ରିଙ୍କ ବା ହେଲ୍ଥ ଡ୍ରିଙ୍କସ ଶ୍ରେଣୀରୁ ଏହିପରି ପାନୀୟକୁ ଅପସାରଣ କିମ୍ବା ଡି-ଲିଙ୍କ୍ କରି ତୁରନ୍ତ ସଂଶୋଧନ କରିବାକୁ ପରାମର୍ଶ ଦେଇଛି ।