ଅନେକ ଥର ଆପଣ କାମ କରିବା ସମୟରେ ଆପଣଙ୍କୁ ହାଉ ମାରିଥାଏ। ସାଧାରଣତଃ ଏହା ଥକ୍କା କିମ୍ବା ନିଦ ଆସିବାର ଲକ୍ଷଣ ଭାବରେ ବିବେଚନା କରାଯାଏ ଯାହାକୁ ଆମେ ଅଣଦେଖା କରୁ। କିନ୍ତୁ ଯଦି ଆପଣଙ୍କୁ ଏମିତି ହାଇ ମାରେ, ତେବେ ଆପଣଙ୍କୁ କିଛି ପରିସ୍ଥିତିରେ ସତର୍କ ରହିବାକୁ ପଡିବ, ଏହା ମଧ୍ୟ କିଛି ଗୁରୁତର ରୋଗର ସଙ୍କେତ ହୋଇପାରେ।
ଅଧିକ ପଢ଼ନ୍ତୁ: Health Tips: ଶାକାହାରୀ ବ୍ୟକ୍ତି କିପରି ପାଇବେ ଭିଟାମିନ୍ B12; ଏହିସବୁ ଖାଦ୍ୟ ଦେବ ଲାଭ
Also Read
ହାଇ ହେଉଛି ଏକ ପ୍ରାକୃତିକ ପ୍ରତିକ୍ରିୟା ଯେଉଁଥିରେ ଆମେ ପାଟି ଖୋଲି ନିଶ୍ୱାସ ନେଇଥାଉ। ସ୍ୱାସ୍ଥ୍ୟ ବିଶେଷଜ୍ଞମାନେ କହିଛନ୍ତି ଯେ ଯଦିଓ ହାଇ ଆସିବାର ଏମିତି କୌଣସି ସଠିକ କାରଣ ନାହିଁ, ଏହା ପ୍ରାୟତଃ ଥକାପଣର ପ୍ରାକୃତିକ ପ୍ରତିକ୍ରିୟା ଭାବରେ ଦେଖାଯାଏ।
ଯେତେବେଳେ କେହି କାମ କରି ବହୁତ କ୍ଳାନ୍ତ ହୋଇଯାଅ କିମ୍ବା ଥକ୍କିପଡେ, ସେତେବେଳେ ହାଇ ଆସିବା ଏକ ସ୍ୱାଭାବିକ ପ୍ରକ୍ରିୟା। ତେବେ ଏହା ଯଦି ଅତ୍ୟଧିକ ହୁଏ ବେଳେବେଳେ ରୋଗର ଲକ୍ଷଣ ହୋଇପାରେ।
ହାଇ କାହିଁକି ଆସେ:
ସ୍ୱାସ୍ଥ୍ୟ ବିଶେଷଜ୍ଞଙ୍କ ମତରେ ଅତ୍ୟଧିକ ହାଇ ଆସିବାର ପ୍ରକୃତ କାରଣ ଜଣା ନାହିଁ। ତଥାପି, କିଛି କାରଣ ଅଛି ଯାହା ଏହାକୁ ବଢାଇପାରେ। ଆସନ୍ତୁ ସେସବୁ ଜାଣିବା।
- କ୍ଳାନ୍ତ କିମ୍ବା ଥକାପଣ ହେତୁ ହାଇ ଆସେ
- ଅନିଦ୍ରା, ଚାପ କିମ୍ବା ଶିଫ୍ଟ କାମ ଯୋଗୁଁ ନିଦର ଅଭାବ ହେଲେ
- ନିଦ୍ରା ବ୍ୟାଘାତ, ଯେପରିକି ନିଦ୍ରା ଆପ୍ନିଆ କିମ୍ବା ନାର୍କୋଲେପ୍ସୀ
- ଅବଦାଦ କିମ୍ବା ଚିନ୍ତା ପାଇଁ ଔଷଧର ପାର୍ଶ୍ୱ ପ୍ରତିକ୍ରିୟା ହେତୁ ଏହିପରି ସମସ୍ୟା ମଧ୍ୟ ହୋଇପାରେ
ଅଧିକ ପଢ଼ନ୍ତୁ: Health Tips: ଭାରି ଉପକାରୀ ସାରୁ; ରକ୍ତଚାପକୁ ନିୟନ୍ତ୍ରଣ କରେ, ହୃଦରୋଗକୁ ରୋକେ
ଆପଣଙ୍କ ସ୍ଲିପ୍ ଆପ୍ନିଆ ଅଛି କି:
ଅତ୍ୟଧିକ ହାଇ ମଧ୍ୟ ଏକ ନିଦ୍ରା ବ୍ୟାଧିର ଲକ୍ଷଣ ହୋଇପାରେ, ଯେପରି ଅବଷ୍ଟ୍ରକ୍ଟିଭ୍ ସ୍ଲିପ୍ ଆପ୍ନିଆ। ଏହି ସମସ୍ୟାରେ, ଅତ୍ୟଧିକ ନିଦ ଆସେ ଏବଂ ରାତିରେ ଶୋଇବା ବେଳେ ଅନେକ ସମସ୍ୟାର ସାମ୍ନା କରିବାକୁ ପଡେ, ଯେଉଁ କାରଣରୁ ଶୋଇବା ଠିକ୍ ହୋଇ ନଥାଏ ଏବଂ ପରଦିନ ଜଣେ ଅତ୍ୟଧିକ କ୍ଲାନ୍ତ ଅନୁଭବ କରେ।
ଏହା ବ୍ୟତୀତ, କେତେକ କ୍ଷେତ୍ରରେ ମେଟାବୋଲିଜିମ୍ ସମ୍ବନ୍ଧୀୟ ରୋଗ ହେତୁ ଅତ୍ୟଧିକ ହାଇ ମଧ୍ୟ ଆସିପାରେ। ରକ୍ତରେ ଗ୍ଲୁକୋଜର ମାତ୍ରା କମିବା କାରଣରୁ ହାଇ ଆସେ।
ନାର୍କୋଲେପ୍ସୀ ମଧ୍ୟ ଏକ ନିଦ ସମ୍ବନ୍ଧୀୟ ସମସ୍ୟା। ଏଥିରେ ଜଣେ ବ୍ୟକ୍ତି ଯେକୌଣସି ସମୟରେ ଏବଂ ଯେକୌଣସି ସ୍ଥାନରେ ହଠାତ୍ ଶୋଇପଡେ। ଏହି ରୋଗରେ ରୋଗୀ ଦିନସାରା ଅନେକ ଥର ନିଦ୍ରା ଅନୁଭବ କରେ, ଯେଉଁଥିପାଇଁ ସେ ଅତ୍ୟଧିକ ହାଇ ମାରେ। ଇନ୍ସୋମନିଆ କାରଣରୁ ରାତିରେ ସଠିକ୍ ନିଦ ହୁଏ ନାହିଁ। ଥରେ ଉଠିବା ପରେ, ପୁଣି ଶୋଇବା ବହୁତ କଷ୍ଟକର ହୋଇଯାଏ।
କ’ଣ କୁହନ୍ତି ବିଶେଷଜ୍ଞ:
ବିଶେଷଜ୍ଞଙ୍କ ମତରେ ଯେ ଥକାପଣ ହେତୁ ହାଇ ଆସିବା ସ୍ୱଭାବିକ। କିନ୍ତୁ ଯଦି ଏହି ସମସ୍ୟା ଦୀର୍ଘ ଦିନ ଧରି ରୁହେ ତେବେ ଏହାକୁ ଅଣଦେଖା କରିବା ଉଚିତ ନୁହେଁ ଏବଂ ତୁରନ୍ତ ଡାକ୍ତରଙ୍କ ସହିତ ପରାମର୍ଶ କରିବା ଜରୁରୀ।
ସ୍ଲିପ୍ ଆପ୍ନିଆ କିମ୍ବା ଅନିଦ୍ରା ଭଳି ସମସ୍ୟାଗୁଡିକ ଠିକ୍ ସମୟରେ ଚିକିତ୍ସା ଆବଶ୍ୟକ କରେ, ତେଣୁ ଯଦି ଆପଣ ଅନେକ ଦିନ ଧରି ବାରମ୍ବାର ଏଭଳି ଅସୁବିଧାର ସମ୍ମୁଖିନ ହେଉଛନ୍ତି ତେବେ ନିଶ୍ଚିତ ଭାବରେ ଏ ବିଷୟରେ ଡାକ୍ତରଙ୍କ ସହିତ ପରାମର୍ଶ କରନ୍ତୁ।