Navratri 2024: ନବରାତ୍ରୀରେ ଉପବାସ କରୁଛନ୍ତି କି ? ନବରାତ୍ରୀରେ ଉପବାସ କଲେ କଣ ହୁଏ ? ନବରାତ୍ରୀରେ ଉପବାସ କରିବା ଠିକ୍ କି ? ଉପବାସ ପଛରେ ରହିଛି କି ବୈଜ୍ଞାନିକ କାରଣ ? ଆଜି ଆମେ ଆପଣଙ୍କ ଏସବୁ ଦ୍ୱନ୍ଦ୍ୱ ଦୂର କରିବୁ । ତେବେ ଓଡ଼ିଆ ପରମ୍ପରାରେ ଅନେକ ଓଷାବାର ରହିଛି । କଥାରେ ଅଛି ୧୨ ମାସରେ ୧୩ ପର୍ବ । ବର୍ତ୍ତମାନ ଚୈତ୍ର ନବରାତ୍ରୀ ଚାଲିଛି । ନବରାତ୍ରୀରେ ଦେବୀ ମା’ଙ୍କ ନଅଟି ରୂପ ପୂଜା କରାଯାଇଥାଏ । ଏହି ସମୟରେ ଅନେକ ଲୋକେ ନବରାତ୍ରୀର ବ୍ରତ ରଖି ନିଜ ମନସ୍କାମନାର ସିଦ୍ଧି କରିଥାନ୍ତି । ତେବେ ଏହି ବ୍ରତକୁ ଧାର୍ମିକ ମାନ୍ୟତା ଦିଆଯାଇଥିଲେ ମଧ୍ୟ ଏହା ପଛରେ ବୈଜ୍ଞାନିକ କାରଣ ମଧ୍ୟ ରହୁଛି । ଆସନ୍ତୁ ଜାଣିବା ନବରାତ୍ରୀରେ ଉପବାସ ରଖିବା ପଛରେ ବୈଜ୍ଞାନିକ କାରଣ କ’ଣ ରହିଛି।
Also Read
ଓଜନକୁ କରିପାରିବେ ନିୟନ୍ତ୍ରଣ...
ଯଦି ଆପଣ ନିଜର ବଢୁଥିବା ଓଜନକୁ ନିୟନ୍ତ୍ରଣ କରିବାକୁ ଚାହୁଁଛନ୍ତି, ତେବେ ଆପଣ ସପ୍ତାହରେ ଗୋଟିଏ ଦିନ ଉପବାସ କରିବା ଉଚିତ୍ । ଶରୀରରେ ଇମ୍ୟୁନ୍ ସିଷ୍ଟମ୍ ମଜବୁତ କରିବା ପାଇଁ ମଧ୍ୟ ଆମକୁ ଉପବାସ କରିବା ଉଚିତ । ଏହା ବ୍ୟତୀତ ଉପବାସ ଆପଣଙ୍କ ଶରୀରରେ ଥିବା ବିଷାକ୍ତ ପଦାର୍ଥକୁ ବାହାର କରିବାରେ ସାହାଯ୍ୟ କରିଥାଏ । ଆପଣ ରେଗୁଲାର୍ ଉପବାସ କରିବା ଦ୍ୱାରା ଆପଣ ନିଜର ହାର୍ଟ ହେଲ୍ଥକୁ ମଧ୍ୟ ବହୁ ପରିମାଣରେ ଉନ୍ନତ କରିପାରିବେ ।
ପେଟ ସମନ୍ଧୀୟ ସମସ୍ୟାରୁ ମିଳିବ ମୁକ୍ତି...
ଯଦି ଆପଣ ନିଜର ଅନ୍ତନଳୀ ସ୍ୱାସ୍ଥ୍ୟରେ ଉନ୍ନତି ଆଣିବାକୁ ଚାହୁଁଛନ୍ତି ତେବେ ଉପବାସ କରିବା ଆରମ୍ଭ କରନ୍ତୁ । ଅତି କମ୍ରେ ସପ୍ତାହରେ ଥରେ କିମ୍ବା ଦୁଇଥର ଉପବାସ କରିବା ଦ୍ୱାରା ଆପଣ ପେଟ ସମନ୍ଧୀୟ ସମସ୍ୟାରୁ ମୁକ୍ତି ପାଇପାରିବେ । ଆପଣଙ୍କ ପାଚନ ତନ୍ତ୍ରକୁ ସୁସ୍ଥ ରଖିବା ପାଇଁ ଉପବାସ କରିବା ଏକ ଭଲ ଅଭ୍ୟାସ । ସପ୍ତାହରେ ଅନ୍ତତଃ ଗୋଟିଏ ଦିନ ଉପବାସ କରିବା ଦ୍ୱାରା ପାଚନ ତନ୍ତ୍ରକୁ ଆରାମ୍ ମିଳିଥାଏ । ନବରାତ୍ରୀ ସମାୟରେ ଉପବାସ କରିବା ଦ୍ୱାରା ଆପଣଙ୍କ ସ୍ୱାସ୍ଥ୍ୟ ସମସ୍ୟା ଏବଂ ମାନସିକ ସ୍ୱାସ୍ଥ୍ୟ ସମସ୍ୟା ମଧ୍ୟ ଦୂର ହୋଇପାରିବ । ଯଦି ଆପଣ ଶରୀରକୁ ସୁସ୍ଥ ରଖିବାକୁ ଚାହୁଁଛନ୍ତି, ତେବେ ଉପବାସ କରିବା ଆବଶ୍ୟକ ।
ମିଳିବ ମାନସିକ ଶାନ୍ତି...
ନବରାତ୍ରି ସମୟରେ ଆପଣ ଉପବାସ କରି ମାନସିକ ଶାନ୍ତି ଅନୁଭବ କରିପାରିବେ । ଏହି ନବରାତ୍ରିରେ ଉପବାସ ସହିତ ମା’ଙ୍କ ଭକ୍ତି ଆପଣଙ୍କ ମାନସିକ ସ୍ୱାସ୍ଥ୍ୟ ଉପରେ ସକରାତ୍ମକ ପ୍ରଭାବ ପକାଇବ । ଆପଣ ଦିନସାରା ସକରାତ୍ମକ ବିଚାର ଦ୍ୱାରା ଘେରି ରହି ଆପଣଙ୍କର ଚାପକୁ ବହୁ ପରିମାଣରେ କମ୍ କରିପାରିବେ । ଭଗବାନଙ୍କ ପ୍ରତି ଭକ୍ତି ଲୋକଙ୍କ ମନକୁ ରିଲାକ୍ସ କରିବାରେ ମଧ୍ୟ ପ୍ରଭାବଶାଳୀ ହୋଇପାରେ ।