Health Tips: ବର୍ଷା ଦିନ ଆସିଲେ ଅନେକଙ୍କ ଆଖି ସଂକ୍ରମଣ ହୋଇଥାଏ; ଯୋଗ ଦ୍ୱାରା ହୋଇପାରିବ ସମାଧାନ

ମୌସୁମୀ ଆସିବା ମାତ୍ରେ ବାୟୁମଣ୍ଡଳରେ ଆର୍ଦ୍ରତା ବୃଦ୍ଧି ପାଇଥାଏ। ଆର୍ଦ୍ରତା ହେତୁ ମଇଳା ସ୍ଥାନଗୁଡିକରେ ଜୀବାଣୁ, ଭୂତାଣୁ ଏବଂ କବକମାନେ ବଢିବା ପାଇଁ ସର୍ବୋତ୍ତମ ସମୟ ପାଇଥାନ୍ତି। ଏମାନଙ୍କ ସଂଖ୍ୟା ଶୀଘ୍ର ବଢିବା ମାତ୍ରେ ସେମାନେ ମଣିଷକୁ ଅସୁବିଧାରେ ପକାଇବା ଆରମ୍ଭ କରନ୍ତି।

ବର୍ଷା ଆସିବା ମାତ୍ରେ ଥଣ୍ଡା ଏବଂ କାଶ ଭଳି ସମସ୍ୟା କେବଳ ବଢିଯାଏ ନାହିଁ ବରଂ ଅନ୍ୟାନ୍ୟ ସମସ୍ୟା ସହ ଆଖି ସଂକ୍ରମଣ ମଧ୍ୟ ଆରମ୍ଭ ହୁଏ। ଆଖି ଆମ ପାଇଁ ଏକ ଅତି ସୂକ୍ଷ୍ମ ଅଙ୍ଗ। ଏହାକୁ ସୁରକ୍ଷିତ ରଖିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ। କିନ୍ତୁ ପ୍ରାୟତଃ ଆମେ ଏହାକୁ ଅଣଦେଖା କରିଥାଉ।

ଅଧିକ ପଢ଼ନ୍ତୁ: Health Tips: ବର୍ଷାଦିନ ଆସିଯାଇଛି; ଥଣ୍ଡା-କାଶ-ଜ୍ୱରର ଭୟ ବଢିଯାଇଛି; ଏଥିରୁ ମୁକ୍ତି ପାଇଁ କ’ଣ କୁହନ୍ତି ସଦ୍‌ଗୁରୁ

ଅନେକ ସମୟରେ ଆଖିରେ ହେଉଥିବା ଛୋଟମୋଟ ସଂକ୍ରମଣ ଆପେ ଆପେ ଭଲ ହୋଇଯାଏ, କିନ୍ତୁ ଯଦି ଆମେ ଏସବୁକୁ ଅଣଦେଖା କରୁ, ତେବେ ଏହାର ପରିଣାମ ଭୋଗିବାକୁ ମଧ୍ୟ ପଡେ। ତେବେ ଅନେକ ପ୍ରକାର ଆଖି ସଂକ୍ରମଣ ଥିବା ବେଳେ ଆସନ୍ତୁ ୫ଟି ସାଧାରଣ ଆଖି ସଂକ୍ରମଣ ଓ ଏହାର ସମାଧାନ ବିଷୟରେ ଜାଣିବା।

୫ଟି ସାଧାରଣ ଆଖି ସଂକ୍ରମଣ:

ଭାଇରାଲ୍ କଞ୍ଜେକ୍ଟିଭାଇଟିସ୍-

ଏହାକୁ ଗୋଲାପୀ ଆଖି ମଧ୍ୟ କୁହାଯାଏ। ଏହା ଅତି ଶୀଘ୍ର ବ୍ୟାପିଥାଏ। ଏଥିରେ ଆଖି ଲାଲ ହୋଇଯାଏ ଏବଂ ଆଖିରୁ ଅତ୍ୟଧିକ ପାଣି ବାହାରେ ଏବଂ ଆଖି ଖେଞ୍ଚିହେବା ଆରମ୍ଭ କରେ। ଯଦି ସଂକ୍ରମିତ ବ୍ୟକ୍ତି କୌଣସି ସ୍ଥାନକୁ ଛୁଇଁଦିଏ, ତେବେ ଏହା ଦ୍ୱାରା ଏହି ରୋଗ ଅନ୍ୟମାନଙ୍କ ପାଖକୁ ସଂକ୍ରମଣ ହୁଏ।

ବ୍ୟାକ୍ଟେରିଆଲ୍ କଞ୍ଜେକ୍ଟିଭାଇଟିସ୍-

ଏହାର ଭାଇରାଲ୍ କଞ୍ଜେକ୍ଟିଭାଇଟିସ୍ ଭଳି ଲକ୍ଷଣ ଥାଏ କିନ୍ତୁ ଏହା ବ୍ୟାକ୍ଟେରିଆ ଦ୍ୱାରା ହୋଇଥାଏ। ଏଥିରେ ଆଖିରୁ ହଳଦିଆ ପାଣି ବାହାରେ। ଏଥିପାଇଁ ଆଣ୍ଟିବାୟୋଟିକ୍ ନେବା ଆବଶ୍ୟକ ହୁଏ।

ଆଲୁଅ-

ଏହି ସଂକ୍ରମଣ ପରେ ଆଖିରେ ପ୍ରବଳ ଯନ୍ତ୍ରଣା ଦେଇଥାଏ। ଏହା ଦ୍ୱାରା ଆଖିରେ ଲାଲ୍ ଦାନା ଭଳି ଫଳିଯାଏ। ଏହା ତୈଳ ଗ୍ରନ୍ଥିରେ ବ୍ୟାକ୍ଟେରିଆଲ୍ ସଂକ୍ରମଣ ହେତୁ ହୁଏ। ଏଥିରେ ଆଖି ଫୁଲିଯାଏ ଏବଂ ଦୃଷ୍ଟିଶକ୍ତି ମଧ୍ୟ କମ୍ ହୋଇଯାଏ।

ଅଧିକ ପଢ଼ନ୍ତୁ: Tips And Tricks: ବର୍ଷାଦିନ ଆସିଛି, ସାପ ଭୟ ରହିଛି; ଲଗାନ୍ତୁ ଏହି ୫ ଗଛ, ଘରେ ପଶିବେନି ସାପ

ଫଙ୍ଗଲ୍ କିରାଟାଇଟିସ୍-

ଏହି ସଂକ୍ରମଣ ସିଧାସଳଖ ଆଖିର ସ୍ୱଚ୍ଛ ପଟଳକୁ ଟାର୍ଗେଟ୍ କରେ। ଏହି ସଂକ୍ରମଣ ଫଙ୍ଗସ୍ ଦ୍ୱାରା ହୋଇଥାଏ। ଏଥିରେ ମଧ୍ୟ ଆଖି ଯନ୍ତ୍ରଣା, ଲାଲ ପଡିବା ଏବଂ ଧୂସରିଆ ଦେଖାଯାଏ। ଏହା ଦ୍ୱାରା ଆଖିରେ ଲାଇଟ୍ ପଡିଲେ ସମସ୍ୟା ଦେଖାଦିଏ।

ଶୁଖିଲା ଆଖି-

ଏହା ଏକ ସଂକ୍ରମଣ ନୁହେଁ କିନ୍ତୁ ସଂକ୍ରମଣ ପରି ଲକ୍ଷଣ ଦେଖାଯାଏ। ମୌସୁମୀ ସମୟରେ ଆର୍ଦ୍ରତା ବୃଦ୍ଧି ହେଲେ ଆଖି ଶୁଖିଯିବା ଆରମ୍ଭ କରେ। ଏଥିରେ ଥିବା ଆର୍ଦ୍ରତା ଲୁହ ଗ୍ରନ୍ଥିରୁ ଜଳ ବାଷ୍ପୀଭୂତ ହେବାକୁ ଦିଏ ନାହିଁ। ଏହି କାରଣରୁ ଆଖିରୁ ପାଣି ବାହାରେ। କିନ୍ତୁ ଆଖି ଶୁଖିବା ଭଳି ଲାଗେ।

କିପରି ମିଳିବ ରକ୍ଷା:

ସବୁବେଳେ ହାତକୁ ଭଲଭାବେ ଧୋଇବା ଉଚିତ। ନିଜର ଟାୱେଲ, ରୁମାଲ କିମ୍ବା ପୋଷାକ କାହାକୁ ଶେୟାର କରନ୍ତୁ ନାହିଁ। ସ୍ୱଚ୍ଛତା ପ୍ରତି ବିଶେଷ ଧ୍ୟାନ ଦେବା ଜରୁରୀ। ସର୍ବଦା ନିଜ ଫୋନକୁ ସାନିଟାଇଜ୍ କରନ୍ତୁ। ଯଦି ଆପଣ ଲେନ୍ସ ପିନ୍ଧୁଥାନ୍ତି, ତାହାକୁ ମଧ୍ୟ ସଫା କରନ୍ତୁ। ପ୍ରୋଟେକ୍ଟିଭ୍ ଆଇୱ୍ୱିୟର୍ ବ୍ୟବହାର କରନ୍ତୁ।

ଏହା ସହିତ ଆଖିର ବିଭିନ୍ନ ପ୍ରକାର ଯୋଗ କରି ଏହିସବୁ ସମସ୍ୟାକୁ ମଧ୍ୟ ଦୂର କରାଯାଇପାରେ। ତେବେ ଏସବୁ କରିବାକୁ ହେଲେ ଦକ୍ଷ ଯୋଗ ପ୍ରଶିକ୍ଷକଙ୍କ ସହ ପରାମର୍ଶ କରିବା ଜରୁରୀ।

ଅଧିକ ପଢ଼ନ୍ତୁ: Health Tips: ବୟସ ଅନୁସାରେ ଦିନକୁ କେତେ ଲୁଣ ଖାଇବା ଜରୁରୀ ଆସନ୍ତୁ ଜାଣିବା