ଜୀବନଶୈଳୀରେ ବ୍ୟତୀକ୍ରମ ଓ ସୁସ୍ତିଆ ଜୀବନ ଯୋଗୁଁ ଲୋକମାନଙ୍କ ଅନେକ ସମସ୍ୟା ବଢିଯାଇଛି। ଅଣ୍ଟା, ମେରୁଦଣ୍ଡ, ବେକ ଯନ୍ତ୍ରଣା ଆଦି ଅତି ସାଧାରଣ। ଖାଲି ଏତିକି ନୁହେଁ ବୟସଜନୀତ ସମସ୍ୟା ମଧ୍ୟ ଆଜିକାଲି ଯୁବକମାନଙ୍କ କ୍ଷେତ୍ରରେ ଦେଖାଗଲାଣି। ତେବେ ଏସବୁରୁ ରକ୍ଷା ପାଇବା ପାଇଁ ଯୋଗ-ବ୍ୟାୟାମ ନିହାତି ଜରୁରୀ ବୋଲି ସ୍ୱାସ୍ଥ୍ୟ ବିଶେଷଜ୍ଞମାନେ ମତ ଦିଅନ୍ତି।
ଯେଉଁମାନେ ନିୟମିତ ଭାବରେ ଯୋଗ ଅଭ୍ୟାସ କରନ୍ତି, ସେମାନଙ୍କର ଯନ୍ତ୍ରଣାଜନିତ ସମସ୍ୟା ହେବାର କମ୍ ଆଶଙ୍କା ଥାଏ, ଏବଂ ଏହି ଅଭ୍ୟାସ ଫିଟ୍ନେସ୍ ପାଇଁ ମଧ୍ୟ ବହୁତ ସହାୟକ ହୋଇଥାଏ। ଯୋଗ ବିଶେଷଜ୍ଞମାନେ ଏହି ସମସ୍ୟାରୁ ରକ୍ଷା ପାଇବା ପାଇଁ ଭୁଜଙ୍ଗାସନକୁ ନିତ୍ୟକର୍ମରେ ଅନ୍ତର୍ଭୁକ୍ତ କରିବାକୁ ପରାମର୍ଶ ଦିଅନ୍ତି। ଭୁଜଙ୍ଗାସନର ନିୟମିତ ଅଭ୍ୟାସ ଉଭୟ ଶାରୀରିକ ଏବଂ ମାନସିକ ସ୍ୱାସ୍ଥ୍ୟ ବଜାୟ ରଖିବାରେ ବହୁତ ସହାୟକ ହୋଇପାରେ।
ପିଠି ଏବଂ ବେକ ଯନ୍ତ୍ରଣାରେ ଭୁଜଙ୍ଗାସନର ପ୍ରଭାବ:
ପିଠି ଏବଂ ବେକ ଯନ୍ତ୍ରଣାଜନିତ ସମସ୍ୟାକୁ ଏଡାଇବା ପାଇଁ ଭୁଜଙ୍ଗାସନର ନିୟମିତ ଅଭ୍ୟାସ ବିଶେଷ ଲାଭଦାୟକ ହୋଇଥାଏ। ଏହି ଅଭ୍ୟାସ ଆପଣଙ୍କ ପେଟ, ଛାତି ଏବଂ କାନ୍ଧର ଉତ୍ତମ ପ୍ରସାରଣରେ ବହୁତ ସହାୟକ ହୋଇଥାଏ। ଏହି ଆସନ ଅଭ୍ୟାସ କରିବା ଦ୍ୱାରା ମେରୁଦଣ୍ଡ ମଧ୍ୟ ମଜବୁତ ହୋଇଥାଏ ଏବଂ ସାଇକାଟିକାର ସମସ୍ୟାକୁ ହ୍ରାସ ପାଏ।
ଭୁଜଙ୍ଗାସନ କିପରି କରିବେ:
ଭୁଜଙ୍ଗାସନ ଅଭ୍ୟାସ କରିବା ଅତ୍ୟନ୍ତ ସହଜ ଏବଂ ଏହାର ଲାଭ ପ୍ରାୟ ସମସ୍ତ ବର୍ଗର ଲୋକେ ନେଇପାରିବେ। ତେବେ ଆରମ୍ଭରେ ଜଣେ ବିଶେଷଜ୍ଞଙ୍କ ଠାରୁ ଏହି ଆସନ ବିଷୟରେ ତାଲିମ ନେବା ଆବଶ୍ୟକ।
- ଭୁଜଙ୍ଗସାନା ଯୋଗ କରିବା ପାଇଁ ପ୍ରଥମେ ପେଟମାରି ଶୋଇପଡନ୍ତୁ
- ପାପୁଲିକୁ କାନ୍ଧ ଚଉଡାରେ ଚଟାଣ ଉପରେ ରଖନ୍ତୁ
- ଶରୀରକୁ ଭୂମିରେ ରଖି ଶ୍ୱାସ ନେବା ସହ ଛାତି ଚଟାଣରୁ ଉଠାଇ ଉପରକୁ ଦେଖନ୍ତୁ
- ଶ୍ୱାସ ଛାଡି ଶରୀରକୁ ତଳକୁ ଆଣନ୍ତୁ
ଫଳାଫଳ:
- ଛାତି ଏବଂ ଫୁସ୍ଫୁସ୍, କାନ୍ଧ ଏବଂ ପେଟର ଅଙ୍ଗ ବିସ୍ତାର କରିବାରେ ସାହାଯ୍ୟ କରେ
- ଚାପ ଏବଂ ଥକାପଣରୁ ମୁକ୍ତି ଦିଏ
- ଆଜ୍ମା ରୋଗୀଙ୍କ ଜଟିଳତା କମ୍ ହୁଏ
- ପ୍ରଜନନ ପ୍ରଣାଳୀରେ ଉନ୍ନତି ଆସେ
- ଅନିୟମିତ ଋତୁସ୍ରାବର ସମସ୍ୟା ମଧ୍ୟ ଦୂର ହୁଏ
- ରକ୍ତ ସଞ୍ଚାଳନକୁ ବଢାଇବାରେ ସହଯୋଗ କରେ