/odishatv-khabar/media/agency_attachments/2025/07/30/2025-07-30t051037428z-screenshot-2025-07-30-at-104031-am-2025-07-30-10-40-38.png)
/odishatv-khabar/media/member_avatars/uploadimage/library/16_9/16_9_1/IMAGE_1626676223.jpg )
Follow Us/odishatv-khabar/media/post_attachments/uploadimage/library/16_9/16_9_0/IMAGE_1710940468.jpg)
Ten easy way how to save your own water
ବିଶ୍ୱ ୭୦ ପ୍ରତିଶତ ଜଳ ଦ୍ୱାରା ଆଚ୍ଛାଦିତ ହୋଇଥିଲେ ମଧ୍ୟ ଏହାର ପ୍ରାୟ ତିନି ପ୍ରତିଶତ ଜଳ ପାନୀୟ ଉପଯୋଗୀ। ସମଗ୍ର ବିଶ୍ୱ ଏହି ତିନି ପ୍ରତିଶତ ଜଳ ଉପରେ ବଞ୍ଚିଛି। ଜଳ ସମ୍ପଦ ମନ୍ତ୍ରଣାଳୟ ଦ୍ୱାରା ପ୍ରକାଶିତ ତଥ୍ୟରୁ ଜଣାପଡିଛି ଯେ ଭାରତରେ ଗୋଟିଏ ବର୍ଷରେ ବ୍ୟବହୃତ ଜଳର ପରିମାଣ ୧,୧୨୧ ବିଲିୟନ ଘନ ମିଟର ବୋଲି ଆକଳନ କରାଯାଇଛି। ପାନୀୟ ଜଳର ଚାହିଦା ୨୦୨୫ ମସିହାରେ ୧୦୯୩ BCM କୁ ବୃଦ୍ଧି ପାଇ ୨୦୫୦ ସୁଦ୍ଧା ୧୪୪୭ BCMରେ ପହଞ୍ଚିପାରେ।
୧.୪ ବିଲିୟନରୁ ଅଧିକ ଜନସଂଖ୍ୟା ସତ୍ତ୍ୱେ ଭାରତରେ ବିଶ୍ୱର ମଧୁର ଜଳ ସମ୍ପଦର ମାତ୍ର ୪ ପ୍ରତିଶତ ରହିଛି। ମିଳିତ ଜାତିସଂଘର ରିପୋର୍ଟ ଅନୁଯାୟୀ ଭାରତରେ ଜଳ ସଙ୍କଟ କ୍ରମାଗତ ଭାବେ ଗଭୀର ହେବାରେ ଲାଗିଛି। ଅନେକ ରାଜ୍ୟ ଅଛି ଯାହାର ଭୂତଳ ଜଳ ହ୍ରାସର ଟପିଙ୍ଗ ପଏଣ୍ଟ ଅତିକ୍ରମ କରିଛି। ରିପୋର୍ଟ ଅନୁଯାୟୀ ୨୦୨୫ସୁଦ୍ଧା ଉତ୍ତର-ପଶ୍ଚିମ ଅଞ୍ଚଳରେ ଭୂତଳ ଜଳ ସଙ୍କଟ ଆହୁରି ଖରାପ ହୋଇପାରେ।
ତେବେ ପାଣିର ମହତ୍ୱକୁ ବୁଝିବା ଏବଂ ସ୍ୱଚ୍ଛ ପାଣି ଉପଲବ୍ଧ କରିବା ଉଦ୍ଦେଶ୍ୟରେ ପ୍ରତିବର୍ଷ ୨୨ ମାର୍ଚ୍ଚରେ ‘ବିଶ୍ୱ ଜଳ ଦିବସ ପାଳନ’ କରାଯାଏ। ବିଶ୍ୱ ଜଳ ଦିବସର ଉଦ୍ଦେଶ୍ୟ ହେଉଛି ବିଶ୍ୱର ସମସ୍ତ ଦେଶର ଲୋକଙ୍କୁ ବିଶୁଦ୍ଧ ଏବଂ ନିରାପଦ ଜଳ ଯୋଗାଇବା ସହିତ ଜଳ ସଂରକ୍ଷଣ ପ୍ରତି ଧ୍ୟାନ ଦେବା।
ଅଧିକ ପଢ଼ନ୍ତୁ: ପାଣି ନଷ୍ଟ କଲେ ଦେବେ ୫ ହଜାର ଫାଇନ୍; ଜଗିବେ ସ୍ୱତନ୍ତ୍ର ସୁରକ୍ଷାକର୍ମୀ...
ଚଳିତ ବର୍ଷର ଥିମ୍:
ପ୍ରତିବର୍ଷ ଜଳ ଦିବସକୁ ଏକ ସ୍ୱତନ୍ତ୍ର ଥିମ୍ ସହିତ ପାଳନ କରାଯାଏ। ଚଳିତ ବର୍ଷର ଥିମ୍ ହେଉଛି 'ଶାନ୍ତି ପାଇଁ ଜଳ ବ୍ୟବହାର'।
ଇତିହାସ:
- ୧୯୯୨ ମସିହାରେ ପ୍ରଥମ ଥର ପାଇଁ ବ୍ରାଜିଲ୍ର ରିଓ ଦି ଜେନେରିଓରେ ଆୟୋଜିତ ପରିବେଶ ଏବଂ ବିକାଶ ସମ୍ମିଳନୀ କାର୍ଯ୍ୟକ୍ରମରେ ବିଶ୍ୱ ଜଳ ଦିବସ ପାଳନ କରିବାର ପଦକ୍ଷେପ ନିଆଯାଇଥିଲା।
- ବିଶ୍ୱବ୍ୟାପୀ ଜଳ ଦିବସ ପାଳନ କରିବାର କଳ୍ପନା ୧୯୯୨ ମସିହାରେ ଉପସ୍ଥାପିତ ହୋଇଥିଲା।
- ମିଳିତ ଜାତିସଂଘର ସାଧାରଣ ସଭା ଦ୍ୱାରା ୧୯୯୨ ମସିହାରେ ଏକ ପ୍ରସ୍ତାବ ଗ୍ରହଣ କରାଯାଇଥିଲା ଯାହା ଦ୍ୱାରା ପ୍ରତିବର୍ଷ ୨୨ ମାର୍ଚ୍ଚରେ ‘ବିଶ୍ୱ ଜଳ ଦିବସ’ ପାଳନ କରିବାକୁ ଘୋଷଣା କରାଯାଇଥିଲା।
- ୧୯୯୩ ରେ ପ୍ରଥମ ଥର ପାଇଁ ବିଶ୍ୱ ଜଳ ଦିବସ ପାଳନ କରାଯାଇଥିଲା।
- ୧୯୯୩ ଠାରୁ ଜଳ ସଂରକ୍ଷଣ ଏବଂ ଏହାର ଗୁରୁତ୍ୱକୁ ବୁଝାଇବା ନେଇ ପ୍ରତିବର୍ଷ ଏହାକୁ ପାଳନ କରାଯାଉଛି।
ଭାରତରେ ପ୍ରାୟ ଅନେକଙ୍କ ଘରେ ଆବଶ୍ୟକତା ଠାରୁ ଅଧିକ ପାଣି ଖର୍ଚ୍ଚ ହୁଏ। ଅନେକ ସମୟରେ ଏହା ଜାଣତରେ ହେଉଥିବା ବେଳେ କେତେକ ସ୍ଥାନରେ ଏହା ଅଜାଣତରେ ମଧ୍ୟ ହୋଇଥାଏ। ତେବେ ନିଜ ଘରେ କିପରି କମ୍ ପାଣି ବ୍ୟବହାର କରିବେ ସେ ବିଷୟରେ ଆସନ୍ତୁ ଜାଣିବା।
- ଦାନ୍ତ ଘଷିବା ସମୟରେ ଟ୍ୟାପ୍ ବନ୍ଦ କରନ୍ତୁ
- ସବୁ ଲୋଡ ହେବା ପାରେ ୱାଶିଂ ମେସିନ୍ ଏବଂ ଡିସ୍ ୱାଶର୍ ଚଲାନ୍ତୁ
- କମ୍ ଫ୍ଲୋ ସାୱାର ହେଡ୍ ଏବଂ ପାଇପ୍ ବ୍ୟବହାର କରନ୍ତୁ
- ପାଇପ୍ ଲିକ୍ ଥିଲେ ତୁରନ୍ତ ଠିକ୍ କରନ୍ତୁ
- ଏକ ଡୁଆଲ୍ ଫ୍ଲାଶ୍ କିମ୍ବା କମ୍ ଫ୍ଲୋ ଟଏଲେଟ୍ ସ୍ଥାପନ କରନ୍ତୁ କିମ୍ବା ଆପଣଙ୍କର ପୂର୍ବରୁ ଥିବା ଶୌଚାଳୟରେ ଏକ ରୂପାନ୍ତର କିଟ୍ ଫିଟ୍ କରନ୍ତୁ
- ବଗିଚାରେ ଅଧିକ ଜଳ ଦିଅନ୍ତୁ ନାହିଁ ଏବଂ ଜଳସେଚନ ପ୍ରଣାଳୀରେ ବର୍ଷା ସେନ୍ସର ସ୍ଥାପନ କରନ୍ତୁ
ଅଧିକ ପଢ଼ନ୍ତୁ: ଆପଣ ପ୍ଲାଷ୍ଟିକ ବୋତଲରୁ ପାଣି ପିଉଛନ୍ତି କି, ହୋଇଯାଆନ୍ତୁ ସାବଧାନ ..
- ବର୍ଷା ଜଳ ସଂରକ୍ଷଣ ପାଇଁ ରେନ୍ ବ୍ୟାରେଲ ଲଗାନ୍ତୁ
- ଛାତ, ଡ୍ରାଇୱେ ଏବଂ ଅନ୍ୟାନ୍ୟ ସ୍ଥାନରୁ ବର୍ଷା ଜଳ ପ୍ରବାହକୁ ରୋକିବା ପାଇଁ ରେନ୍ ଗାର୍ଡେନ୍ କରନ୍ତୁ
- ପାଣି ବିଲ୍କୁ ନେଇ ପାଣି ବ୍ୟବହାର ଉପରେ ନଜର ରଖନ୍ତୁ ଏବଂ ଘର ଜଳ ଅଡିଟ୍ ବିଷୟରେ ସ୍ଥାନୀୟ ସରକାରଙ୍କ ଠାରୁ ବୁଝନ୍ତୁ
- ଜଳ ସଞ୍ଚୟ ବିଷୟରେ ଆପଣଙ୍କ ଜ୍ଞାନକୁ ପଡ଼ୋଶୀଙ୍କ ସହିତ ଶେୟାର କରନ୍ତୁ।