ଦେଶ ଏବେ ପାଳନ କରୁଛି ‘ଜାତୀୟ ପୋଷଣ ସପ୍ତାହ’। ଏହି କାର୍ଯ୍ୟକ୍ରମ ସେପ୍ଟେମ୍ବର ୧ ରୁ ଆରମ୍ଭ ହୋଇଥିବା ବେଳେ ଆଜି ଷଷ୍ଠ ଦିନରେ ପହଞ୍ଚିଛି। ଏହି ଅବସରରେ ଶରୀରକୁ ସୁସ୍ଥ ଆଉ ଫିଟ୍ ରଖିବାକୁ ହେଲେ କେଉଁସବୁ ଖାଦ୍ୟ ଖାଇବା ଜରୁରୀ ସେ ବିଷୟରେ ବିଭିନ୍ନ ସ୍ତରରେ ଲୋକଙ୍କୁ ବୁଝାଯାଉଛି।
ଆୟୁର୍ବେଦରେ ଅନେକ ଔଷଧ ଅଛି ଯାହା ମଧୁମେହକୁ ଭଲ କରିପାରେ। ଏହି ଔଷଧଗୁଡ଼ିକ ରୋଷେଇ ଘରେ ସହଜରେ ମିଳିଯାଏ। କିନ୍ତୁ ଏହି ଜିନିଷଗୁଡ଼ିକ ରକ୍ତ ଶର୍କରାକୁ ଶୀଘ୍ର ନିୟନ୍ତ୍ରଣ କରିବା ଆରମ୍ଭ କରନ୍ତି। ଏହିପରି ଅନେକ ଗବେଷଣା ସମଗ୍ର ବିଶ୍ୱରେ କରାଯାଇଛି ଯେଉଁଥିରେ ଏହି ଔଷଧୀୟ ଗୁଣଗୁଡିକ ଯାଞ୍ଚ କରାଯାଇଛି।
ଅଧିକ ପଢ଼ନ୍ତୁ: ହାର୍ଟଆଟାକ୍ରୁ ରକ୍ଷା ପାଇବା ପାଇଁ ଖାଦ୍ୟରେ ସାମିଲ୍ କରନ୍ତୁ ଏହି ୫ ଡାଲି
Also Read
ମଧୁମେହ ପ୍ରସଙ୍ଗରେ ଭାରତ ଅତ୍ୟନ୍ତ ସତର୍କ ହେବା ଆବଶ୍ୟକ କାରଣ ଭାରତକୁ ଏବେ ମଧୁମେହର ରାଜଧାନୀ କୁହାଯାଉଛି। WHO ଅନୁଯାୟୀ, ବିଶ୍ୱର ପ୍ରାୟ ୪୨.୨ କୋଟି ଲୋକ ମଧୁମେହରେ ପୀଡିତ। ସେଥିମଧ୍ୟରୁ ୮ କୋଟିରୁ ଅଧିକ ଲୋକ ଭାରତରେ ଅଛନ୍ତି। ପରିସଂଖ୍ୟାନ ଅନୁଯାୟୀ, ୨୦୪୫ ସୁଦ୍ଧା ଭାରତରେ ୧୩ କୋଟିରୁ ଅଧିକ ଲୋକ ମଧୁମେହରେ ଆକ୍ରାନ୍ତ ହେବେ।
ମଧୁମେହ ଏକ ଜୀବନଶୈଳୀ ସମ୍ବନ୍ଧୀୟ ରୋଗ। ମଧୁମେହର ପ୍ରକୃତ କାରଣ ଏପର୍ଯ୍ୟନ୍ତ ଜଣା ପଡିନାହିଁ, କିନ୍ତୁ ବିଶ୍ୱାସ କରାଯାଏ ଯେ ଯେତେବେଳେ ଶାରୀରିକ କାର୍ଯ୍ୟକଳାପ କମିଯାଏ ଏବଂ ଭୁଲ ଖାଦ୍ୟ ଅଭ୍ୟାସ ବଢିଯାଏ, ସେତେବେଳେ ଇନ୍ସୁଲିନ୍ ଉତ୍ପାଦନ କମିବା ଆରମ୍ଭ କରେ। ଏହି କାରଣରୁ, ସୁଗାର ବଢି ରକ୍ତରେ ପ୍ରବେଶ କରେ ଏବଂ ଶରୀରର ଅନେକ ସ୍ଥାନରେ ପହଞ୍ଚିଯାଏ। ଏହି କାରଣରୁ, କିଡ୍ନୀ, ହାର୍ଟ, ଆଖି ପରି ଗୁରୁତ୍ୱପୂର୍ଣ୍ଣ ଅଙ୍ଗରେ ରୋଗ ସୃଷ୍ଟି ହୁଏ।
ତେବେ ଘରୋଇ ଉପଚାର ଦ୍ୱାରା ଏହାକୁ କିପରି ନିୟନ୍ତ୍ରଣ କରାଯାଇ ପାରିବ ଆସନ୍ତୁ ଜାଣିବା।
ରସୁଣ:
ରସୁଣରେ ଆଲିସିନ୍ ଯୌଗିକ ରହିଥାଏ ଯାହା ଅତ୍ୟନ୍ତ ପ୍ରଭାବଶାଳୀ। ଏହି ଯୌଗିକ ହେତୁ ରସୁଣ ଅନେକ ରୋଗ ପାଇଁ ରାମବାଣ ଭଳି କାମ କରେ। ରସୁଣରେ ମଧ୍ୟ ମଧୁମେହ ବିରୋଧୀ ଗୁଣ ରହିଛି। ରସୁଣ ରକ୍ତରେ ଶର୍କରାକୁ ନିୟନ୍ତ୍ରଣ କରିଥାଏ।
ହଳଦୀ:
ଆୟୁର୍ବେଦରେ ହଳଦୀ ବହୁତ ଲାଭଦାୟକ। ଏଥିରେ ଅନେକ ପ୍ରକାରର ଜୌଗିକ ରହିଛି ଯାହା ଅନେକ ରୋଗ ପାଇଁ ଉପକାରୀ। ହଳଦୀ ମଧ୍ୟ ଆଣ୍ଟି-ଡାଇବେଟିସ୍ ଅଟେ ଯାହା ରକ୍ତରେ ସୁଗାରକୁ ସନ୍ତୁଳିତ କରିଥାଏ। ଏଥିରେ ଥିବା କର୍କ୍ୟୁ୍ମିନ୍ ଯୌଗିକ ରକ୍ତରେ ଗ୍ଲୁକୋଜର ପରିମାଣକୁ ହ୍ରାସ କରିଥାଏ।
ଅଧିକ ପଢ଼ନ୍ତୁ: ଦୀର୍ଘ ବର୍ଷ ବଞ୍ଚିବା ପାଇଁ ଖାଦ୍ୟରେ ସାମିଲ କରନ୍ତୁ ଏହି ୫ ଜିନିଷ
ଲବଙ୍ଗ:
ଲବଙ୍ଗ ଆଣ୍ଟିସେପ୍ଟିକ୍ ଏବଂ ଆଣ୍ଟିବ୍ୟାକ୍ଟେରିଆଲରେ ପରିପୂର୍ଣ୍ଣ। ଏହା ସହିତ ଲବଙ୍ଗ ମଧ୍ୟ ଆଣ୍ଟି-ଇନ୍ଫ୍ଲାମେଟୋରୀ, ଆନାଲେଜିକ୍ ଅଟେ। ଏକ ଅଧ୍ୟୟନ ଅନୁଯାୟୀ, ଲବଙ୍ଗ ଇନ୍ସୁଲିନ୍ ଉତ୍ପାଦନକୁ ସକ୍ରିୟ କରିଥାଏ। ଲବଙ୍ଗରେ ଥିବା ଯୌଗିକ ଅନ୍ତନଳୀକୁ କୋମଳ କରିଥାଏ ଯାହା ପରୋକ୍ଷରେ ଇନ୍ସୁଲିନ୍ ସକ୍ରିୟ କରିବାରେ ସାହାଯ୍ୟ କରିଥାଏ।
ଡାଲଚିନି:
ଆୟୁର୍ବେଦରେ କୁହାଯାଇଛି ଯେ ଡାଲଚିନି ପାଣି ପିଇବା ଦ୍ୱାରା ରକ୍ତରେ ଶର୍କରା ବୃଦ୍ଧି ହୁଏ ନାହିଁ। ଏହା ମଧ୍ୟ ଆଣ୍ଟି-ଡାଇବେଟିସ୍ ଅଟେ ଯେଉଁଥିରେ ସୁଗାର ନିୟନ୍ତ୍ରଣ କରିବାର କ୍ଷମତା ଅଛି। ଡାଲଚିନିରେ ଅନେକ ପ୍ରକାରର ଆଣ୍ଟିଅକ୍ସିଡାଣ୍ଟ ଥାଏ ଯାହା ଇନ୍ସୁଲିନ୍ ଉତ୍ପାଦନ ବୃଦ୍ଧିରେ ସାହାଯ୍ୟ କରିଥାଏ।