ଆଜିକାଲି ଶାହରୁଖ ଖାନ ତାଙ୍କର ‘ଜବାନ’ର ସଫଳତାକୁ ଉପଭୋଗ କରୁଛନ୍ତି। ନିକଟରେ ଏହି ଫିଲ୍ମର ସଫଳତାକୁ ନେଇ ମୁମ୍ବାଇରେ ଏକ କାର୍ଯ୍ୟକ୍ରମ ଆୟୋଜିତ ହୋଇଥିଲା, ଯେଉଁଠାରେ ‘ଜବାନ’ର ଟିମ୍ ପହଞ୍ଚିଥିଲା। ଏଠାରେ ଦୀପିକା ପାଦୁକୋନ କିଙ୍ଗ୍ ଖାନଙ୍କ ସହ ଜବାନ ଗୀତରେ ନାଚିଥିଲେ ଏବଂ ତାଙ୍କ ଗାଲରେ ଚୁମ୍ବନ ମଧ୍ୟ ଦେଇଥିଲେ। ଏହା ପରେ ଦୀପିକା ପାଦୁକୋନଙ୍କ ସ୍ୱାମୀ ରଣବୀର ସିଂହଙ୍କ ପ୍ରତିକ୍ରିୟା ଆସିଥିଲା ଯେଉଁଥିରେ ସେ ପ୍ରେମ ଆଉ ଭଲପାଇବାର କେଇ ଧାଡ଼ି ଲେଖିଛନ୍ତି।
ଦୀପିକା ପାଦୁକୋନ୍ ମଧ୍ୟ ‘ଜବାନ’ର ଏକ ଅଂଶ, ଯିଏ ଏଟଲୀଙ୍କ ନିର୍ଦ୍ଦେଶିତ ଚଳଚ୍ଚିତ୍ରରେ ଏକ ଛୋଟ ଭୂମିକାରେ ଅଛନ୍ତି। ଚଳଚ୍ଚିତ୍ରର ସଫଳତା ପରେ ଦୀପିକା ତାଙ୍କ ଇନଷ୍ଟାଗ୍ରାମ ହ୍ୟାଣ୍ଡେଲରେ ଅନେକ ଫଟୋ ମଧ୍ୟ ପୋଷ୍ଟ କରିଛନ୍ତି ଯେଉଁଥିରେ ସେ କଳା, ସିକ୍ୱିନ୍ ବର୍ଡର ଥିବା ଧଳା ଚିଫନ୍ ଶାଢି ଏବଂ ଏକ ହଲ୍ଟର ନେକ୍ ବ୍ଲାଉଜ୍ ସହିତ ତାଙ୍କର ଆକର୍ଷଣୀୟ ଲୁକ୍କୁ ଦେଖେଇଥିଲେ।
ତେବେ ‘ଜବାନ’ର ସଫଳତା କାର୍ଯ୍ୟକ୍ରମରେ ଲୋକଙ୍କ ଧ୍ୟାନ ଦୀପିକାଙ୍କ ଗ୍ଲାମରସ ଷ୍ଟାଇଲ୍ ଉପରେ ନୁହେଁ ବରଂ ଶାହରୁଖ ଖାନଙ୍କ ସହିତ ତାଙ୍କ କେମେଷ୍ଟ୍ରି ଉପରେ ଥିଲା। ଏହି ସମୟରେ, ଯାହା ଶେଷରେ ସମସ୍ତଙ୍କ ଦୃଷ୍ଟି ଆକର୍ଷଣ କଲା ତାହା ହେଉଛି ତାଙ୍କ ପୋଷ୍ଟ୍ର ଶେଷ ଫଟୋ ଯେଉଁଥିରେ ସେ ଶାହରୁଖଙ୍କ ଗାଲରେ ଚୁମ୍ବନ ଦେଉଥିବାର ଦେଖାଯାଇଥିଲା।
Also Read
ଏକ ଭିଡିଓ ମଧ୍ୟ ଭାଇରାଲ୍ ହୋଇଥିଲା ଯେଉଁଥିରେ ଦୀପିକା ପାଦୁକୋନ ଶାହରୁଖ ଖାନଙ୍କ ଗାଲରେ ଚୁମ୍ବନ ଦେଉଥିବାର ନଜର ଆସିଥିଲେ। କହିବା ବାହୁଲ୍ୟ ଯେ ଏହା ସବୁଠୁ ସୁନ୍ଦର ଫଟୋ ମଧ୍ୟରୁ ଗୋଟିଏ। ଯେତେବେଳେ ଦୀପିକାଙ୍କ ଷ୍ଟାର୍ ସ୍ୱାମୀ ରଣବୀର ସିଂହ ଏହି ଫଟୋ ଦେଖିଲେ, ସେତେବେଳେ ସେ ତାଙ୍କୁ କିଛି ନ କହି ରହିପାରିଲେ ନାହିଁ।
ତେଣୁ, କିଙ୍ଗ ଖାନ ଏବଂ ତାଙ୍କ ପତ୍ନୀଙ୍କ ମଧ୍ୟରେ ହୋଇଥିବା ଏହି ଭାଇରାଲ୍ ଚୁମ୍ବନ ଉପରେ ଏକ ମନ୍ତବ୍ୟରେ ସେ ‘ଜବାନ’ର ଗୀତ 'ଚଲେୟା'ରୁ ଏକ ଲାଇନ୍ ଲେଖିଛନ୍ତି ଯେଉଁଥିରେ ସେ କହିଛନ୍ତି,' ଇଶ୍କ୍ ମେଁ ଦିଲ୍ ବନା ହେ, ଇସ୍କ୍ ମେନ୍ ଦିଲ୍ ଫନା ହେ...'।
ରଣବୀରଙ୍କ ଏହି ମନ୍ତବ୍ୟ ପଢିବା ପରେ ଜଣେ ଲେଖିଛନ୍ତି, 'ଆରେ ୟାର୍ ତୁମର ପତ୍ନୀ ଅନ୍ୟ କାହାକୁ ଚୁମ୍ବନ ଦେଉଛନ୍ତି ଏବଂ ତୁମେ ଖୁସିରେ ମତ ଦେଉଛ, ତୁମକୁ ତ @iamsunnydeol ହେଇଯିବାର ଥିଲା।'
ଏହା ପରେ ସେ ଏକ ମଜ୍ଜାଳିଆ ଇମୋଜି ମଧ୍ୟ ଯୋଡିଥିଲେ। ରଣବୀର ସିଂହଙ୍କୁ ଟ୍ୟାଗ୍ କରି ଆଉ ଜଣେ ଲେଖିଛନ୍ତି, 'ଶେଷ ସ୍ଲାଇଡ୍ ଉପରେ ବିଚାର କ’ଣ?' ଏହା ଉପରେ ଜଣେ ଲେଖିଛନ୍ତି, 'ଶାହରୁଖ ମଜା ନେଇଗଲେ ଏବଂ ରଣବୀର କହିଲେ ପ୍ରେମ...'
‘ଜବାନ’ରେ ଦୀପିକା ଏକ କେମିୟୋ ଭୂମିକାରେ ଥିବା ବେଳେ ଦକ୍ଷିଣର ଲେଡିଷ୍ଟାର ନୟନତାରା ମୁଖ୍ୟ ଭୂମିକାରେ ଅଛନ୍ତି। ତାଙ୍କୁ କିନ୍ତୁ ‘ଜବାନ’ର ସଫଳତା ଇଭେଣ୍ଟରେ ଦେଖିବାକୁ ମିଳି ନଥିଲା କି ପୁରା ଫିଲ୍ମରେ କିଙ୍ଗ ଖାନଙ୍କ ସହ ତାଙ୍କ କୌଣସି ରୋମାଣ୍ଟିକ ସିନ୍ ନାହିଁ।
ଫିଲ୍ମ ରିଲିଜ ହେବା ପୂର୍ବରୁ କୁହାଯାଇଥିଲା ଯେ ଦକ୍ଷିଣ ଅଭିନେତ୍ରୀ ଏହି ଫିଲ୍ମରେ ବିକିନି ପିନ୍ଧିବେ ଏବଂ କିଙ୍ଗ ଖାନଙ୍କ ସହ ରୋମାଣ୍ଟିକ ଦୃଶ୍ୟ ମଧ୍ୟ କରିବେ। କିନ୍ତୁ ତାହା ଦେଖିବାକୁ ମିଳି ନଥିଲା। 'ଜବାନ'ରେ ଦକ୍ଷିଣ ତାରକା ବିଜୟ ସେତୁପତି ଏବଂ ସଞ୍ଜୟ ଦତ୍ତ ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକାରେ ନଜର ଆସନ୍ତି। ଏହି ଫିଲ୍ମ ଏପର୍ଯ୍ୟନ୍ତ ୬୬୦ କୋଟିରୁ ଅଧିକ ଟଙ୍କା ରୋଜଗାର କରିସାରିଲାଣି।