ଜ୍ୟାକ୍‌ଲିନ୍‌ଙ୍କୁ ସୋନା ମହାପାତ୍ରଙ୍କ ଟାର୍ଗେଟ୍; କହିଲେ ତାଙ୍କ ସହ ଜଡିତ କୌଣସି ଦ୍ରବ୍ୟ କିଣିବେ ନାହିଁ

ସୋସିଆଲ ମିଡିଆରେ ପ୍ରାୟ ପ୍ରତ୍ୟେକ ପ୍ରସଙ୍ଗକୁ ନେଇ ଖୋଲାଖୋଲି ଭାବେ ନିଜର ମତ ପ୍ରକାଶ କରୁଥିବା ଜଣାଶୁଣା ଗାୟିକା ସୋନା ମହାପାତ୍ର ପୁଣି ଥରେ ହେଡ୍‌ଲାଇନ୍‌ରେ। ସୋନା ସୋସିଆଲ ମିଡିଆରେ ବଲିଉଡ୍‌ ଅଭିନେତ୍ରୀ ଜ୍ୟାକ୍‌ଲିନ୍‌ ଫର୍ଣ୍ଣାଣ୍ଡିଜ୍‌ଙ୍କୁ ଟାର୍ଗେଟ୍ କରିଛନ୍ତି। ଟ୍ୱିଟର୍‌ରେ ଏହି ପୋଷ୍ଟ ଶେୟାର କରି ସୋନା ମହାପାତ୍ର ଅଭିନେତ୍ରୀଙ୍କ ବିରୋଧରେ ସିଧାସଳଖ ସାମ୍ନାସାମ୍ନି ହୋଇଛନ୍ତି। ଗାୟିକା ଏହି ପୋଷ୍ଟ୍‌କୁ ଶେୟାର କରିଛନ୍ତି ଏବଂ କହିଛନ୍ତି ଯେ ସେ ଆଉ ଜ୍ୟାକ୍‌ଲିନ୍‌ଙ୍କ ନାଁ ସହିତ ଜଡିତ କୌଣସି ଦ୍ରବ୍ୟ କିଣିବେ ନାହିଁ।

ଅଭିନେତ୍ରୀ ଟ୍ୱିଟର୍‌ରେ ଜ୍ୟାକ୍‌ଲିନ୍‌ଙ୍କ ଚେହେରା ଥିବା ଏକ ସୌଦର୍ଯ୍ୟ ଦ୍ରବ୍ୟର ଫଟୋ ଶେୟାର କରି ଲେଖିଛନ୍ତି ଯେ “ତାହା ମାଗଣା, ମହଙ୍ଗା, ବିନା ମୂଲ୍ୟରେ ବିଳାସପୂର୍ଣ୍ଣ ଉପହାର ବି ହେଉ... ମୋର ବ୍ୟକ୍ତିଗତ ମତ ଯେ ଏପରି କୌଣସି ବ୍ରାଣ୍ଡ୍‌ ଆମ୍ବାସଡର୍‌ଙ୍କ ଠାରୁ ଦୂରେଇ ରହିବାକୁ । ପ୍ରକାଶଥାଉ ଯେ ଠଗ୍ ସୁକେଶ ଚନ୍ଦ୍ରଶେଖରଙ୍କ ବିରୋଧରେ ୨୦୦ କୋଟି ଟଙ୍କା ଲଣ୍ଡରିଂ ମାମଲାରେ ଜ୍ୟାକ୍‌ଲିନ୍ ଏନ୍‌ଫୋର୍ସମେଣ୍ଟ୍‌ ନିର୍ଦ୍ଦେଶାଳୟର ଯାଞ୍ଚ ଘେରକୁ ଆସିଥିଲେ। ଏହା ପରଠାରୁ ହିଁ ଅଭିନେତ୍ରୀଙ୍କ ସମସ୍ୟା ବଢିବାରେ ଲାଗିଛି।

ସୋନା, ଯିଏ ସୋସିଆଲ୍‌ ମିଡିଆରେ ଅନେକ ପ୍ରସଙ୍ଗରେ ସ୍ୱର ଉତ୍ତୋଳନ କରନ୍ତି ତାଙ୍କୁ ନେଇ ଅନେକ ସମୟରେ ଟ୍ରୋଲ୍‌ କରାଯିବା ଦେଖାଯାଏ। ସେ ପ୍ରାୟତଃ ସୋସିଆଲ୍‌ ମିଡିଆରେ ଟ୍ରୋଲ୍‌ଗୁଡିକୁ ନେଇ ଏକ ଉପଯୁକ୍ତ ଜବାବ ଦିଅନ୍ତି। ନିକଟରେ ଅଭିନେତ୍ରୀ ଅମୀର ଖାନଙ୍କ ଝିଅ ଇରା ଖାନଙ୍କୁ ସମର୍ଥନ କରୁଥିବା ଏକ ପୋଷ୍ଟ୍‌ ଶେୟାର କରିଥିଲେ, ଯିଏକି ତାଙ୍କ ଜନ୍ମଦିନରେ ଟ୍ରୋଲ୍‌ ହୋଇଥିଲେ। ବିକିନି ପିନ୍ଧି କେକ୍ କାଟିବା ନେଇ ଟ୍ରୋଲ୍‌ ହୋଇଥିବା ଇରାଙ୍କୁ ସମର୍ଥନ କରି ସୋନା କହିଥିଲେ ଯେ ସେ ଜଣେ ୨୫ ବର୍ଷ ବୟସ୍କ ଯୁବତୀ, ଯାହାକୁ ନିଜ ପସନ୍ଦ ପାଇଁ କାହାର ଅନୁମତି ନେବା ଆବଶ୍ୟକ ନାହିଁ।

ପ୍ରକାଶଥାଉ ଯେ ବଲିଉଡ୍‌ ଅଭିନେତ୍ରୀ ଜ୍ୟାକ୍‌ଲିନ୍‌ ଫର୍ଣ୍ଣାଣ୍ଡିଜ୍‌ଙ୍କ ନାମ ସୁକେଶ ଚନ୍ଦ୍ରଶେଖରଙ୍କ ସହ ଜଡିତ ହେବା ପରେ ସେ ସମସ୍ୟା ଘେରରେ ପଡିଛନ୍ତି। ସୁକେଶ ଚନ୍ଦ୍ରଶେଖରଙ୍କ ୨୦୦ କୋଟି ଟଙ୍କା ଠକେଇ ମାମଲାରେ ଅଭିନେତ୍ରୀଙ୍କ ବିରୋଧରେ ତଦନ୍ତ ଏବେ ବି ଜାରି ରହିଛି। ସୁକେଶଙ୍କ ସହ ଜ୍ୟାକ୍‌ଲିନ୍‌ଙ୍କ ଲିଙ୍କ୍‌ଅପ୍ ଖବର ଆସିବା ପରଠାରୁ, ଇଡି ଅଭିନେତ୍ରୀଙ୍କ ଉପରେ ଗୁରୁତ୍ୱାରୋପ କରିଛି ଏବଂ ଆଜିକାଲି ସେ ଚର୍ଚ୍ଚାରେ ଅଛନ୍ତି।