ଶାହରୁଖଙ୍କ ସାର୍ଟଲେସ୍ ଫଟୋ ଦେଖି ଏମିତି କହିଲେ ପତ୍ନୀ ଗୌରୀ ଖାନ୍

ଶାହରୁଖ ଖାନ ରବିବାର ଦିନ ଇନ୍‌ଷ୍ଟାଗ୍ରାମ୍‌ରେ ନିଜର ସାର୍ଟଲେସ୍ ଫଟୋ ଶେୟାର କରିଛନ୍ତି। ଫଟୋରେ ତାଙ୍କର ଟୋନ୍ ଆବ୍ସ ସହିତ ଲମ୍ବା ଚୁଟି ଥିବା ଏବଂ ସେ କ୍ୟାମେରା ପାଇଁ ପୋଜ୍ ଦେଇଥିବା ଦେଖିବାକୁ ମିଳେ।

ଏହି ଫଟୋ ଦେଖି ଲୋକମାନେ ସେମାନଙ୍କ ମତ ଦେବା ଆରମ୍ଭ କରିଦେଇଛନ୍ତି। କିନ୍ତୁ ସବୁଠାରୁ ମଜାଳିଆ ମନ୍ତବ୍ୟ ତାଙ୍କ ପତ୍ନୀ ଗୌରୀ ଖାନଙ୍କ ଠାରୁ ଆସିଛି। ଅଭିନେତା ତାଙ୍କର ଏହି ସାର୍ଟଲେସ୍ ଫଟୋରେ କ୍ୟାପ୍‌ସନ ଭାବେ ତାଙ୍କ ଫିଲ୍ମର ଏକ ଗୀତ ଲେଖିଛନ୍ତି, ଯାହା ତାଙ୍କ ସାର୍ଟ ପାଇଁ ଥିଲା।

ସେ ଲେଖିଛନ୍ତି, "ତୁମ୍ ହୋତୀ ତୋ କୈସା ହୋତା… ତୁମ୍ ଇସ୍ ବାତ୍ ପର୍ ହୈରାଁ ହୋତୀ, ତୁମ୍ ଇସ୍ ବାତ୍ ପର କିତନୀ ହଁସୀ… ତୁମ୍ ହୋତୀ ତୋ ଐସା ହୋତା।” ଆଗକୁ ଶାହରୁଖ୍ “ମୁଁ ବି ପଠାନ୍‌କୁ ଅପେକ୍ଷା କରିଛି” ବୋଲି ଲେଖିଛନ୍ତି।

ଗୌରୀ ଖାନ ଏହି ପୋଷ୍ଟ୍‌ରେ ଲେଖିଛନ୍ତି, "ହେ ଭଗବାନ! ବର୍ତ୍ତମାନ ସେ ମଧ୍ୟ ତାଙ୍କ ସାର୍ଟ ସହିତ କଥା ହେଉଛନ୍ତି... !!!!" ଏହି ଫଟୋ ଉପରେ ଅନେକ ସେଲିବ୍ରେଟୀ ଏବଂ ପ୍ରଶଂସକମାନେ ମତ ଦେଇଛନ୍ତି। ରୁଚା ଚଢା ନିଜ ପ୍ରତିକ୍ରିୟା ଦେଇ ଲେଖିଛନ୍ତି, ଯେଉଁମାନେ ବିବାହ କରିବାକୁ ଯାଉଛନ୍ତି... ସେମାନଙ୍କୁ ଏକ ସତର୍କତା ସହ ବରଯାତ୍ରୀ କରିବାକୁ ପଡିବ।

ଟାଇଗର୍‌ ଶ୍ରଫ୍‌ ମତ ଦେଇ ଲେଖିଛନ୍ତି, "ମୁଁ ଗୋଟେ ଦିନ ବିଶ୍ରାମ ନେବାକୁ ଚିନ୍ତା କରୁଥିଲି। ତା’ପରେ ମୁଁ ଆପଣକୁ ଦେଖିଲି। ଲିଜେଣ୍ଡ୍"। ଗାୟକ ଅମାଲ ମଲିକ "ଖତମ" ବୋଲି ଲେଖି ଫାୟାର ଏବଂ ହୃଦୟରର ଇମୋଟିକନ୍ସ ଦେଇଛନ୍ତି।

ସିଦ୍ଧ ଆନନ୍ଦଙ୍କ ଫିଲ୍ମ ‘ପଠାନ୍‌’ରେ ଶାହରୁଖ ଖାନ ଙ୍କ ସହ ଦୀପିକା ପାଦୁକୋନ ଏବଂ ଜନ୍ ଆବ୍ରାହମ୍‌ ନଜର ଆସିବେ। ୟଶ୍‌ ରାଜ ଫିଲ୍ମସ୍ ଦ୍ୱାରା ନିର୍ମିତ ଏହି ଫିଲ୍ମ ଆସନ୍ତା ବର୍ଷ ଜାନୁୟାରୀ ୨୫ରେ ରିଲିଜ୍‌ ହେବାର କାର୍ଯ୍ୟକ୍ରମ ରହିଛି। ଏହା ହିନ୍ଦୀ, ତାମିଲ ଏବଂ ତେଲୁଗୁ ଭାଷାରେ ମୁକ୍ତିଲାଭ କରିବ।