ସଲମାନ ଖାନ ଆଜି ହିନ୍ଦୀ ଚଳଚ୍ଚିତ୍ର ଇଣ୍ଡଷ୍ଟ୍ରିର ଜଣେ ସୁପରଷ୍ଟାର। କିନ୍ତୁ ତାଙ୍କୁ ମଧ୍ୟ କ୍ୟାରିୟର ଆରମ୍ଭରେ କଷ୍ଟଦାୟକ ଦିନର ସାମ୍ନା କରିବାକୁ ପଡିଥିଲା। ଫିଲ୍ମ ‘ମୈନେ ପ୍ୟାର୍ କିୟା’ ରିଲିଜ୍ ହେବା ପରେ ତାଙ୍କୁ ଷ୍ଟାର୍ ମାନ୍ୟତା ମିଳିଥିଲା। କିନ୍ତୁ ଜଣେ ନୂଆ ଅଭିନେତା ଉପରେ ବଡ ଆଶା କରିବାକୁ କେହି ପ୍ରସ୍ତୁତ ନଥିଲେ। ଅଭିନେତା କାମ ସନ୍ଧାନରେ ପ୍ରାୟ ୬ ମାସ ବୁଲିଥିଲେ।
ଯେତେବେଳେ ଏ ଦିଗରେ ତାଙ୍କର ଆଉ ଆଶା ନ ଥିଲା, ସେତେବେଳେ ତାଙ୍କ ଜୀବନରେ ଜଣେ ନିର୍ମାତା ଭଗବାନ ହୋଇ ଆସିଥିଲେ। ସେ ସଲିମ ଖାନଙ୍କ ସହ ମିଶି ସଲମାନ ଖାନଙ୍କୁ ସାହାଯ୍ୟ କରିଥିଲେ।
IIFA ପୁରସ୍କାର ୨୦୨୨ରେ ସଲମାନ ଖାନ ତାଙ୍କ ଚଳଚ୍ଚିତ୍ରରେ ସଂଗ୍ରାମର କାହାଣୀ କହିଥିଲେ। ତାଙ୍କ ବାପା ସଲିମ ଖାନ ଏବଂ ଚଳଚ୍ଚିତ୍ର ନିର୍ମାତା ରମେଶ ତୌରାନୀ ତାଙ୍କୁ କିପରି ସାହାଯ୍ୟ କରିଥିଲେ ତାହା ସେ କହିଥିଲେ। ଭାଇଜାନ କହିଥିଲେ “‘ମୈନେ ପ୍ୟାର୍ କିୟା’ ରିଲିଜ୍ ହେବା ପରେ ବିବାହ କରିବାକୁ ଚାହୁଁଥିବାରୁ ଭାଗ୍ୟଶ୍ରୀ ଫିଲ୍ମରେ ଅଭିନୟ ନ କରିବାକୁ ନିଷ୍ପତ୍ତି ନେଇଥିଲେ। ସେ ପୁରା ଶ୍ରେୟ ନେଇ ଚାଲିଗଲେ। ଛଅ ମାସ ପର୍ଯ୍ୟନ୍ତ ମୋ ପାଖାରେ କୌଣସି ଫିଲ୍ମ ନଥିଲା।”
Also Read
ସଲମାନ କହିଥିଲେ ଯେ ସେତେବେଳେ ତାଙ୍କ ବାପା ସଲିମ ଏବଂ ଚଳଚ୍ଚିତ୍ର ନିର୍ମାତା ରମେଶ ତୌରାନୀ ସାହାଯ୍ୟ କରିଥିଲେ। ସେ ଭାବପ୍ରବଣ ହୋଇ କହିଥିଲେ, “ସେତେବେଳେ ରମେଶ ତୌରାନୀ, ଜଣେ ଭଗବାନ ପରି ମୋ ଜୀବନରେ ଆସିଥିଲେ। ସେତେବେଳେ ମୋ ବାପା ଫିଲ୍ମ ଏକ ପତ୍ରିକାରେ ଏକ ମିଥ୍ୟା ଖବର ପ୍ରକାଶ କରିବାକୁ ଜିପି ସିପିଙ୍କୁ ୨,୦୦୦ଟଙ୍କା ଦେଇଥିଲେ ଯେ ସେ ମୋତେ ଏକ ଫିଲ୍ମ ପାଇଁ ସାଇନ୍ କରିଛନ୍ତି।
ଜିପି ସିପି ଏହା କରିଥିଲେ, କିନ୍ତୁ କୌଣସି ଫଟୋଗ୍ରାଫ୍ ନଥିଲା। କିନ୍ତୁ, ରମେଶ ତୌରାନୀ ସିପିଙ୍କ କାର୍ଯ୍ୟାଳୟକୁ ଯାଇ ଫିଲ୍ମର ସଙ୍ଗୀତ ପାଇଁ ତାଙ୍କୁ ୫ ଲକ୍ଷ ଟଙ୍କା ଦେଇଥିଲେ। ସେହି ୫ ଲକ୍ଷ ଟଙ୍କା ପାଇଁ ସଲମାନଙ୍କୁ 'ପଥର୍ କେ ଫୁଲ୍'ରେ କାମ ମିଳିଥିଲା।
ସଲମାନ ଖାନ ପ୍ରଥମ ଥର ପାଇଁ 'ମୈନ୍ ପ୍ୟାର୍ କିୟା' (୧୯୮୯) ରେ ମୁଖ୍ୟ ଅଭିନେତା ଭାବରେ କାମ କରିଥିଲେ। ୧୯୮୮ରେ ମୁକ୍ତିଲାଭ କରିଥିବା ଚଳଚ୍ଚିତ୍ର 'ବିବି ହୋ ତୋ ଐସି'ରେ ସେ ବଲିଉଡ୍ରେ ଡେବ୍ୟୁ କରିଥିଲେ। ଆଗକୁ ତାଙ୍କର ଫିଲ୍ମ 'କିସି କା ଭାଇ କିସି କି ଜାନ'ରେ ନଜର ଆସିବେ। ଏହା ଏପ୍ରିଲ୍ରେ ରିଲିଜ୍ ହେବାର ଯୋଜନା ଥିବାବେଳେ 'ଟାଇଗର ୩' ଚଳିତ ବର୍ଷ ଶେଷରେ ମୁକ୍ତିଲାଭ କରିବ।
୫୭ ବର୍ଷ ବୟସ୍କ ସଲମାନଙ୍କୁ ବଲିଉଡର ସବୁଠାରୁ ଧନୀ ଅଭିନେତାଙ୍କ ତାଲିକାରେ ଗଣାଯାଏ। ସେ ପ୍ରାୟ ୨୧ ବିଲିୟନ ଟଙ୍କା ମୂଲ୍ୟର ସମ୍ପତ୍ତିର ମାଲିକ। ତାଙ୍କ ଭାଇ ସୋହେଲ ଖାନ ଏବଂ ଅରବାଜ ଖାନ ମଧ୍ୟ ଚଳଚ୍ଚିତ୍ରରେ କାମ କରୁଥିଲେ, କିନ୍ତୁ ତାଙ୍କ ପରି କେହି ସଫଳ ହୋଇ ନଥିଲେ।