'ପୁଷ୍ପା ୨'ରୁ ରଶ୍ମିକା ମନ୍ଦନାଙ୍କ ଫାଷ୍ଟ୍ ଲୁକ୍; କହିଲେ ୮ ଏପ୍ରିଲରେ ଆପଣଙ୍କ ଲୋମ ଟାଙ୍କୁରି ଉଠିବ

ଆଜି ରଶ୍ମିକା ମନ୍ଦନାଙ୍କ ଜନ୍ମଦିନ। ସେ ତାଙ୍କର ୨୮ତମ ଜନ୍ମଦିନ ପାଳନ କରୁଛନ୍ତି। ଏହି ଅବସରରେ ତାଙ୍କର ବହୁ ପ୍ରତୀକ୍ଷିତ ଚଳଚ୍ଚିତ୍ର 'ପୁଷ୍ପା: ଦି ରୁଲ୍' ବା 'ପୁଷ୍ପା ୨'ରୁ ତାଙ୍କ ଲୁକ୍ ପ୍ରକାଶ ପାଇଛି। ନିର୍ମାତା ଏହି ଚଳଚ୍ଚିତ୍ରରୁ ଶ୍ରୀବଲ୍ଲୀଙ୍କ ପ୍ରଥମ ଲୁକ୍‌କୁ ଶେୟାର୍ କରିଛନ୍ତି ଏବଂ ରଶ୍ମିକାଙ୍କୁ ତାଙ୍କ ଜନ୍ମଦିନରେ ଶୁଭେଚ୍ଛା ଜଣାଇଛନ୍ତି।

ଫିଲ୍ମରୁ ସାମ୍ନାକୁ ଆସିଥିବା ଏହି ଲୁକ୍‌ରୁ ଜଣାପଡିଛି ଯେ ତାଙ୍କ ଷ୍ଟାଇଲ୍ ଅଧିକ ଆକର୍ଷଣୀୟ ହେବାକୁ ଯାଉଛି। ଏଥିରେ ରଶ୍ମିକା ବହୁତ ସୁନ୍ଦର ଦେଖାଯାଉଛନ୍ତି। ଏଥିରେ ତାଙ୍କୁ ସବୁଜ ରଙ୍ଗର ଶାଢିରେ ଦେଖିବାକୁ ମିଳେ ଏବଂ ସେ ଭାରୀ ଅଳଙ୍କାର ପିନ୍ଧିଥିବା ଦେଖାଯାଏ।

ଅଧିକ ପଢ଼ନ୍ତୁ: ସୋନାକ୍ଷୀ ସିହ୍ନାଙ୍କ ଜଲ୍‌ୱା: ଘାତକ ଲୁକ୍ସ ଦେଲେ, ନିଶାରେ ଝୁମେଇଲେ

ପୂର୍ବରୁ ଅଲୁ ଅର୍ଜୁନଙ୍କ ଫାଷ୍ଟ୍ ଲୁକ୍ ମଧ୍ୟ 'ପୁଷ୍ପା ୨'ରୁ ମୁକ୍ତିଲାଭ କରିଥିଲା, ତାଙ୍କୁ ମଧ୍ୟ ସମାନ ଷ୍ଟାଇଲ୍‌ରେ ଦେଖିବାକୁ ମିଳିଥିଲା। ସେ ମଧ୍ୟ ଭାରି ଅଳଙ୍କାର ମଧ୍ୟ ପିନ୍ଧିଥିଲେ। ଶ୍ରୀବଲୀ ଏବଂ ପୁଷ୍ପାଙ୍କ ଏହି ଲୁକ୍‌କୁ ଦେଖିଲେ ଏହା ଏକ ଗୀତର ଷ୍ଟାଇଲ୍ ହୋଇଥିବା ଜଣାପଡେ। ରଶ୍ମିକା ମନ୍ଦନାଙ୍କ ଲୁକ୍‌କୁ ରିଲିଜ୍ କରିବାବେଳେ ନିର୍ମାତା ତାଙ୍କୁ ଜନ୍ମଦିନର ଶୁଭେଚ୍ଛା ଜଣାଇ ଲେଖିଛନ୍ତି ଯେ “ଦେଶର ହୃଦୟ ଚୋରି କରିଥିବା ଶ୍ରୀବଲୀ ଉର୍ଫ ରଶ୍ମିକାଙ୍କୁ ଜନ୍ମଦିନର ଶୁଭେଚ୍ଛା।”

Pushpa ନାମକ X ରେ ଶେୟାର କରାଯାଇଥିବା ପୋଷ୍ଟ୍‌ର କ୍ୟାପ୍‌ସନ୍‌ରେ ଆହୁରି ଲେଖା ଅଛି, “ପୁଷ୍ପା ୨: ଦି ରୁଲ୍ ଟିଜର ଏପ୍ରିଲ ୮ ରେ ମୁକ୍ତିଲାଭ କରିବ। ୨୦ ଅଗଷ୍ଟ ୨୦୨୪ ରେ ‘ପୁଷ୍ପା ୨’ ରିଲିଜ୍ ହେବ।” ଅନ୍ୟ ଏକ ପୋଷ୍ଟ ଶେୟାର କରିବାବେଳେ ନିର୍ମାତା ଲେଖିଛନ୍ତି, “ଆମର ଶ୍ରୀବଲୀ କହିଛନ୍ତି ଯେ ‘ପୁଷ୍ପା ୨’ର ଟିଜର ପାଇଁ ଆଉ ୩ ଦିନ ବାକି ଅଛି। ୮ ଏପ୍ରିଲରେ ଆପଣଙ୍କ ଲୋମ ଟାଙ୍କୁରି ଉଠିବ।”

୨୦୨୪ ମସିହାରେ ମୁକ୍ତିଲାଭ କରିଥିବା ‘ପୁଷ୍ପା: ଦି ରାଇଜ୍’ ର ସିକ୍ୱେଲ୍ ହେଉଛି ‘ପୁଷ୍ପା ୨’ । ଏହି ଚଳଚ୍ଚିତ୍ର ପାଇଁ ଶ୍ରେଷ୍ଠ ଅଭିନେତା ଭାବରେ ଆଲୁ ଅର୍ଜୁନ ଜାତୀୟ ପୁରସ୍କାର ଲାଭ କରିଥିଲେ। ଏହି ଚଳଚ୍ଚିତ୍ର କେବଳ ଭାରତରେ ନୁହେଁ ସମଗ୍ର ବିଶ୍ୱରେ ଏହାର ନାମ ପ୍ରସିଦ୍ଧ କରିଥିଲା। ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଥିଲେ ସୁକୁମାର। ଏହାର ସିକ୍ୱେଲକୁ ମଧ୍ୟ ସୁକୁମାର ନିର୍ଦ୍ଦେଶନା ଦେଇଛନ୍ତି। ଏହି ଚଳଚ୍ଚିତ୍ରରେ ରଶ୍ମିକା ମନ୍ଦନା ଏବଂ ଅଲୁ ଅର୍ଜୁନଙ୍କ ବ୍ୟତୀତ ଫହାଦ୍ ଫସିଲ୍ ମଧ୍ୟ ଅଭିନୟ କରିଛନ୍ତି।

ଅଧିକ ପଢ଼ନ୍ତୁ: ଏମିତି ହୋଇଥିଲା କରିସ୍ମାଙ୍କ ବିବାହ; ଭିଡିଓ ଦେଖି ଆଶ୍ଚର୍ଯ୍ୟ ହେବେ