ଚଳିତ ବର୍ଷର ପ୍ରଥମ ବ୍ଲକବଷ୍ଟର ଫିଲ୍ମ 'ହନୁମାନ'ର ନିର୍ଦ୍ଦେଶକଙ୍କ ସହ ରଣବୀର ସିଂହ ଫିଲ୍ମ 'ରାକ୍ଷସ'ରେ ନଜର ଆସିବାକୁ ଥିଲେ। ପ୍ରଶଂସକମାନେ ନିର୍ଦ୍ଦେଶକ ଏବଂ ଅଭିନେତାଙ୍କ ଏହି ଯୋଡିକୁ ଏକାଠି ଦେଖିବାକୁ ଉତ୍ସାହିତ ଥିଲେ, କିନ୍ତୁ ଲାଗୁଛି ଯେ ପ୍ରଶଂସକଙ୍କ ଏହି ସ୍ୱପ୍ନ ବର୍ତ୍ତମାନ ଆଉ ପୂରଣ ହେବ ନାହିଁ। କାରଣ ରଣବୀର ସିଂହ ହଠାତ୍ ଫିଲ୍ମରୁ ବାହାରିଯିବା ଏବଂ ତାଙ୍କ ଏଭଳି ପଦକ୍ଷେପ ଯୋଗୁଁ 'ରାକ୍ଷସ'ର ନିର୍ମାତା ତାଙ୍କ ଉପରେ ଅତ୍ୟଧିକ କ୍ରୋଧିତ ହୋଇଥିବା ଜଣାଯାଇଛି।
'ହନୁମାନ' ନିର୍ଦ୍ଦେଶକ ପ୍ରଶାନ୍ତ ବର୍ମା ଫିଲ୍ମ 'ରାକ୍ଷସ' ସହିତ ପରଦାରେ ଧମାଲ କରିବାକୁ ଯାଉଛନ୍ତି। ଫିଲ୍ମର ସୁଟିଂ ମଧ୍ୟ ଆରମ୍ଭ ହୋଇଯାଇଛି। କିନ୍ତୁ ବର୍ତ୍ତମାନ ଖବର ଆସୁଛି ଯେ ସୁଟିଂର ମାତ୍ର ୩ ଦିନ ପରେ ରଣବୀର ସିଂହ ହଠାତ୍ ଫିଲ୍ମ ଛାଡିଦେଇଛନ୍ତି। ଏମିତି କାହିଁକି ହେଲା ଆସନ୍ତୁ ଜାଣିବା।
Also Read
ରଣବୀର ସିଂହ ଏବଂ ନିର୍ମାତାଙ୍କ ମଧ୍ୟରେ କ୍ରିଏଟିଭ ଲେବଲ୍କୁ ନେଇ କିଛି ପାର୍ଥକ୍ୟ ଥିବା ଏକ ରିପୋର୍ଟରେ ଦର୍ଶାଯାଇଛି। ସୂଚନାନୁସାରେ, ସମସ୍ୟା ରଣବୀରଙ୍କ ତରଫରୁ ହୋଇଥିଛି ଏବଂ ୩ ଦିନ ସୁଟିଂ କରିବା ପରେ ସେ ଫିଲ୍ମ ମଝିରୁ ଛାଡିଦେଇଛନ୍ତି।
ରିପୋର୍ଟ ଅନୁଯାୟୀ ନିର୍ଦ୍ଦେଶକଙ୍କ ସହ ଫିଲ୍ମରେ କାମ କରିବା ନେଇ ରଣବୀର ସିଂହ ହିଁ ପ୍ରଶାନ୍ତ ବର୍ମାଙ୍କ ପଛରେ ପଡିଥିଲେ। ରଣବୀର ପ୍ରଶାନ୍ତଙ୍କ 'ହନୁମାନ'କୁ ବହୁତ ପସନ୍ଦ କରିଥିଲେ। ତେବେ ପ୍ରଶାନ୍ତ ଏତେ ଶୀଘ୍ର ଫିଲ୍ମ ‘ରାକ୍ଷସ’ର ସୁଟିଂ ଆରମ୍ଭ କରିବାକୁ ଚାହୁଁ ନ ଥିଲେ। ସେ 'ହନୁମାନ' ପରେ ଆଉ ଏକ ତେଲୁଗୁ ଚଳଚ୍ଚିତ୍ର ନିର୍ମାଣ କରିବାକୁ ଚାହୁଁଥିଲେ କିନ୍ତୁ ରଣବୀରଙ୍କ ଉତ୍ସାହ ଦେଖି ସେ ଯୋଜନା ବଦଳାଇ 'ରାକ୍ଷସ'ର ସୁଟିଂ ଆରମ୍ଭ କରିଥିଲେ।
ଫିଲ୍ମ ସହ ଜଡିତ ଏକ ଉତ୍ସ କହିଛି ଯେ “ରଣବୀର ମୁମ୍ବାଇରୁ ଆମ ସହ ସୁଟିଂ କରିବାକୁ ଆସିଥିଲେ। ସେ ଆମ ସହ କୌଣସି ଫାଷ୍ଟ୍ ଲୁକ୍ ଭିଡିଓ ସୁଟିଂ କରି ନ ଥିଲେ, କିନ୍ତୁ ଫିଲ୍ମର ସୁଟିଂ ଆରମ୍ଭ କରିଥିଲେ। ସୁଟିଂ ୩ ଦିନ ପର୍ଯ୍ୟନ୍ତ ଚାଲିଲା ଏବଂ ଆମେ ଖୁସି ଥିଲୁ। ଏହା ପରେ ଆମେ ଜାଣିବାକୁ ପାଇଲୁ ଯେ ରଣବୀର ସିଂହ ଏକ ମେସେଜ୍ ପଠାଇଛନ୍ତି ଯେ ସେ ଫିଲ୍ମ କରିପାରିବେ ନାହିଁ। କିନ୍ତୁ କାହିଁକି? ଏଥିପାଇଁ ନା କୌଣସି କାରଣ କହିଛନ୍ତି ନା କୌଣସି ସ୍ପଷ୍ଟୀକରଣ ଦେଇଛନ୍ତି।
ସୂତ୍ରରୁ ଜଣାପଡିଛି ଯେ “ଏହି ଖବରକୁ ମୁମ୍ବାଇ ମିଡିଆରେ ଲିକ୍ କରିଦିଆଯାଇଛି। ଆମେ ଚୁପଚାପ୍ ଏହି ସମସ୍ୟାର ସମାଧାନ କରିଥା’ନ୍ତୁ, କିନ୍ତୁ ମୁମ୍ବାଇରେ ସେ ଅଣ-ବ୍ୟବସାୟିକ ଆଚରଣକୁ ନେଇ ବିବାଦ ସୃଷ୍ଟି କରିବାକୁ ପସନ୍ଦ କରୁଛନ୍ତି। କିନ୍ତୁ ଆମେ ସେଭଳି କାମ କରୁନାହୁଁ। ଆମକୁ କୁହାଯାଇଛି ଯେ ରଣବୀରଙ୍କୁ 'ରାକ୍ଷସ' ନ କରିବାକୁ କେହି କହିଛନ୍ତି। ଯଦି ଏହା ହୁଏ, ତେବେ ରଣବୀର ସେହି ପରାମର୍ଶକୁ ପୂର୍ବରୁ ମାନିନେବାର ଥିଲା। ଅନ୍ତତଃପକ୍ଷେ ଆମକୁ କ୍ଷତି ସହିବାକୁ ପଡି ନ ଥାନ୍ତା କି ଲଜ୍ଜିତ ହେବାକୁ ପଡି ନ ଥାନ୍ତା।”