ଦମଦାର ଭୂମିକାରେ ଆସୁଛନ୍ତି ରଜନୀକାନ୍ତ; ଭାଇରାଲ ହେଉଛି ଫଟୋ

ସୁପରଷ୍ଟାର ରଜନୀକାନ୍ତ ବର୍ତ୍ତମାନ ‘ଜୟ ଭୀମ’ ନିର୍ଦ୍ଦେଶକ ଟିଜେ ଜ୍ଞାନଭେଲଙ୍କ ନିର୍ଦ୍ଦେଶିତ ତାଙ୍କର ଆଗାମୀ ଚଳଚ୍ଚିତ୍ର ‘ଭେଟ୍ଟାୟାନ’ ପାଇଁ ସୁଟିଂ କରୁଛନ୍ତି। ଏହି ପ୍ରକଳ୍ପର ଏକ ମୁଖ୍ୟ ଆକର୍ଷଣ ହେଉଛି ବିଭିନ୍ନ ଶିଳ୍ପ ସହ ଜଡିତ ତାରକାମାନେ ଏଥିରେ ଯୋଗ ଦେଉଛନ୍ତି, ଯାହାକି ଏହାକୁ ୨୦୨୪ର ବହୁ ପ୍ରତୀକ୍ଷିତ ଚଳଚ୍ଚିତ୍ରରେ ପରିଣତ କରିଛି।

ରଜନୀକାନ୍ତଙ୍କ ବ୍ୟତୀତ ଏହି ଚଳଚ୍ଚିତ୍ରରେ ଅମିତାଭ ବଚ୍ଚନ, ଫହଦ ଫାସିଲ, ରାଣା ଦଗ୍ଗୁବତୀ, ମଞ୍ଜୁ ୱାରିଅର୍, ଦୁଶାରା ବିଜୟନ ଏବଂ ରିତିକା ସିଂହ ମଧ୍ୟ ମୁଖ୍ୟ ଭୂମିକାରେ ଅଭିନୟ କରିଛନ୍ତି।

ଏହି ସମୟରେ, ଥାଲାଇଭା ଏବଂ ମାଲାୟାଲମ୍ ଅଭିନେତା ଫହଦ୍ ଫସିଲଙ୍କ ‘ଭେଟ୍ଟାୟାନ’ର ସୁଟିଂ ଚିତ୍ର ଭାଇରାଲ ହେବା ପରେ ଆଉ ଏକ ଫଟୋ ସାମ୍ନାକୁ ଆସିଛି ଯାହା ଫିଲ୍ମକୁ ନେଇ ଲୋକଙ୍କ ଉତ୍ସାହକୁ ବଢାଇ ଦେଇଛି। ‘ଭେଟ୍ଟାୟାନ’ର ସୁଟିଂ ସେଟ୍‌ରେ ନିଆଯାଇଥିବା ଏହି ଫଟୋରେ ରଜନୀକାନ୍ତଙ୍କୁ ସବୁ ସମୟ ପରି ଉତ୍ସାହିତ ଥିବା ଦେଖିବାକୁ ମିଳେ।

ସବୁଜ ରଙ୍ଗର ସାର୍ଟ, କ୍ରିମ୍ ପ୍ୟାଣ୍ଟ, ବ୍ରାଉନ୍ ଜୋତା, କଳା ଶେଡ୍ସ ଏବଂ ତାଙ୍କର ଖାସ୍ ହସ ସହିତ ପୂରା ପ୍ରସ୍ତୁତିର ସହ ରଜନୀକାନ୍ତ ତାଙ୍କ ଟିମ୍ ସହ୍ ଠିଆ ହୋଇଥିବା ବେଳେ ଏହି ଫଟୋ ନିଆଯାଇଛି।

ତାଙ୍କର ଏହି ନୂଆ ଫଟୋ ଦେଖିବା ପରେ ଅଭିନେତାଙ୍କ ପ୍ରଶଂସକମାନେ ବହୁତ ଉତ୍ସାହିତ ହୋଇପଡିଛନ୍ତି। ସେମାନଙ୍କ ମଧ୍ୟରୁ ଜଣେ ମତ ଦେଇ କହିଛନ୍ତି, "ମୋର ପ୍ରିୟ ମଣିଷ ୭୦ଦଶକରେ ବି କମାଲ୍ କରୁଛି।” ଅନ୍ୟ ଜଣେ ଲେଖିଛନ୍ତି, "ଲଭ୍ ୟୁ ଥାଲାଇଭା..❤️❤️।"

ଗତ ମାସରେ, ‘ଭେଟ୍ଟାୟାନ’ର ନିର୍ମାତା ଏହାର ଟାଇଟଲ୍ ଟିଜର ଉନ୍ମୋଚନ କରି ଚଳଚ୍ଚିତ୍ର ଜଗତର ଏକ ଝଲକ ଦେଇଥିଲେ। ଏହି ପ୍ରମୋ ଭିଡିଓ ରଜନୀକାନ୍ତଙ୍କ ଦ୍ୱାରା ସୁଭାଷ ଚନ୍ଦ୍ର ବୋଷଙ୍କ ଚିତ୍ର ପୁସ୍ତକ ପଢିବାର ସର୍ଟ ସହିତ ଆରମ୍ଭ ହୁଏ।

ଅନ୍ୟ ଏକ ସିନ୍‌ରେ ତାଙ୍କୁ ଏକ ଲାଠି ସହିତ ଦେଖାଯାଏ, ଯେଉଁଥିରେ ଅଭିନେତା ଏହି ଚଳଚ୍ଚିତ୍ରରେ ଜଣେ କଲେଜ ପ୍ରଫେସର ଭୂମିକାରେ ଅଭିନୟ କରୁଛନ୍ତି। ଏହା ପରେ ତାଙ୍କୁ ବନ୍ଧୁକ ଧରିଥିବା ଦେଖାଯାଏ। ଏଭଳି ପରିସ୍ଥିତିରେ ତାଙ୍କ ଚରିତ୍ର ଏବଂ ଚଳଚ୍ଚିତ୍ରର ପ୍ରକୃତିକୁ ନେଇ ରହସ୍ୟ ଦେଖାଯାଏ।

ସବୁଠାରୁ ବଡ କଥା ହେଲା ମୁକୁଲ ଏସ୍‌ ଆନନ୍ଦଙ୍କ ‘ହମ୍’ (୧୯୯୧) ପରେ ରଜନୀକାନ୍ତ ଏବଂ ଅମିତାଭ ‘ଭେଟ୍ଟାୟାନ୍’ରେ ଏକାଠି ହେଉଛନ୍ତି। ଦୁହେଁ ମୁମ୍ବାଇରେ ଏହାର ଶେଡ୍ୟୁଲ୍ ପୂରଣ କରିସାରିଛନ୍ତି। ଏହି ଫିଲ୍ମ ମୂଳ ତାମିଲ ସଂସ୍କରଣ ବ୍ୟତୀତ ହିନ୍ଦୀ, ତେଲୁଗୁ, ମାଲାୟାଲମ୍ ଏବଂ କନ୍ନଡ ଭାଷାରେ ମଧ୍ୟ ମୁକ୍ତିଲାଭ କରିବ। ଲାଇକା ପ୍ରଡକ୍ସନ୍ସର ବ୍ୟାନରରେ ସୁବାସ୍କରନ୍ ଅଲିରାଜଙ୍କ ଦ୍ୱାରା ନିର୍ଦ୍ଦେଶିତ ‘ଭେଟ୍ଟାୟାନ’ର ସଙ୍ଗୀତ ଅନିରୁଦ୍ଧ ରବିଚନ୍ଦରଙ୍କ ଦ୍ୱାରା ରଚନା କରାଯାଇଛି।

‘ଭେଟ୍ଟାୟାନ୍’ ପରେ ରଜନୀକାନ୍ତ ଲୋକେଶ କନଗରାଜଙ୍କ ସହ ମିଶି ‘ଥାଲାଇଭର୍ ୧୭୧’ ରେ କାମ କରିବେ, ଯାହାର ଶୁଟିଂ ଚଳିତ ବର୍ଷ ଆରମ୍ଭ ହେବ।