ପ୍ରତିବର୍ଷ ପରି ସୁପରଷ୍ଟାର ରଜନୀକାନ୍ତ ଚଳିତ ବର୍ଷ ମଧ୍ୟ ତାଙ୍କର ବାର୍ଷିକ ଭ୍ରମଣ ଆରମ୍ଭ କରିଛନ୍ତି। ସେ ବର୍ତ୍ତମାନ ଉତ୍ତରପ୍ରଦେଶର କେଦାରନାଥ ଏବଂ ବଦ୍ରିନାଥ ଗସ୍ତରେ ଅଛନ୍ତି। ସୋସିଆଲ ମିଡିଆରେ ଭାଇରାଲ ହେଉଥିବା ନୂଆ ଭିଡିଓ ଏବଂ ଫଟୋରେ ଏହି ଅଭିନେତା ରାଜ୍ୟର ପ୍ରସିଦ୍ଧ ତୀର୍ଥସ୍ଥାନରେ ଈଶ୍ୱରଙ୍କ ଆଶୀର୍ବାଦ ନେଉଥିବାର ନଜର ଆସିଛନ୍ତି। ହିମାଳୟର ପାଦଦେଶରେ ଅଭିନେତାଙ୍କ ଛୋଟୋ ମଧ୍ୟ ସୋସିଆଲ ମିଡିଆରେ ବହୁ ପରିମାଣରେ ଭାଇରାଲ ହେଉଛି। ଏହା ପୂର୍ବରୁ ରଜନୀକାନ୍ତ ଦେହରାଡୁନ୍ ଯାଇଥିଲେ।
ଅଭିନେତା କହିଛନ୍ତି, “ପ୍ରତିବର୍ଷ ମୁଁ ନୂଆ ଅନୁଭୂତି ପାଏ, ଯାହା ମୋତେ ବାରମ୍ବାର ମୋର ଆଧ୍ୟାତ୍ମିକ ଯାତ୍ରା ଜାରି ରଖିବାକୁ ପ୍ରେରଣା ଦିଏ। ମୁଁ ନିଶ୍ଚିତ ଯେ ଏଥର ମଧ୍ୟ ନୂଆ ଅନୁଭୂତି ପାଇବି।”
Also Read
ଏହି ଗସ୍ତର ମହତ୍ତ୍ୱ ବିଷୟରେ ବର୍ଣ୍ଣନା କରି ମେଗାଷ୍ଟାର କହିଛନ୍ତି, “ସମଗ୍ର ବିଶ୍ୱକୁ ଆଧ୍ୟାତ୍ମିକତାର ଆବଶ୍ୟକତା ରହିଛି, ଯେହେତୁ ଏହା ପ୍ରତ୍ୟେକ ମଣିଷ ପାଇଁ ଗୁରୁତ୍ୱପୂର୍ଣ୍ଣ। ଆଧ୍ୟାତ୍ମିକ ହେବା ଅର୍ଥ ଶାନ୍ତି ଏବଂ ସ୍ଥିରତା ଅନୁଭବ କରିବା ଏବଂ ମୂଳ ରୂପରେ ଏଥିରେ ଈଶ୍ୱରଙ୍କ ଉପରେ ବିଶ୍ୱାସ କରିବା ମଧ୍ୟ ରହିଛି।”
ଏହା ପୂର୍ବରୁ ରଜନୀକାନ୍ତଙ୍କୁ ଆବୁଧାବିର BAPS ହିନ୍ଦୁ ମନ୍ଦିରରେ କ୍ଲିକ୍ କରାଯାଇଥିଲା। ସେହି ଫଟୋ ଏବଂ ଭିଡିଓ ମନ୍ଦିରର ଅଫିସିଆଲ୍ ହ୍ୟାଣ୍ଡଲ୍ ଦ୍ୱାରା ଶେୟାର କରାଯାଇଥିଲା।
ତାଙ୍କ କାମର କଥା କହିବାକୁ ଗଲେ ସେ ନିକଟରେ ତାଙ୍କର ଆଗାମୀ ଫିଲ୍ମ ‘ଭେଟ୍ଟାୟାନ’ର ସୁଟିଂ ଶେଷ କରିଛନ୍ତି, ଯାହା ଟିଜେ ଜ୍ଞାନଭେଲଙ୍କ ଦ୍ୱାରା ନିର୍ଦ୍ଦେଶିତ। ଏହି ଚଳଚ୍ଚିତ୍ରରେ ତାଙ୍କୁ ପୁଣିଥରେ ବଲିଉଡ୍ର ଶେହନ୍ଶାହ ଅମିତାଭ ବଚ୍ଚନଙ୍କ ସହ ଦେଖିବାକୁ ମିଳିବ।
‘ଭେଟ୍ଟାୟାନ’ ଚଳିତ ଏହି ବର୍ଷ ଅକ୍ଟୋବରରେ ମୁକ୍ତିଲାଭ କରିବାର କାର୍ଯ୍ୟକ୍ରମ ରହିଛି। ରଜନୀକାନ୍ତଙ୍କୁ ଶେଷ ଥର ପାଇଁ ଫିଲ୍ମ ‘ଜେଲର’ରେ ଦେଖିବାକୁ ମିଳିଥିଲା ଯାହା ଏକ ବ୍ଲକବଷ୍ଟର ଚଳଚ୍ଚିତ୍ର ହୋଇଥିଲା। ଏଥିରେ ୭୩ ବର୍ଷ ବୟସରେ ମଧ୍ୟ ରଜନୀକାନ୍ତ ଏକ ଚମତ୍କାର ଅଭିନୟ କରିଥିଲେ। ଏହି ଚଳଚ୍ଚିତ୍ରଟି ଅଭିନେତାଙ୍କର ଏକ ସ୍ମରଣୀୟ ଚଳଚ୍ଚିତ୍ର ଯାହା ତାଙ୍କ ପ୍ରଶଂସକମାନେ ସର୍ବଦା ଦେଖିବାକୁ ଚାହିଁବେ।