ଶାହରୁଖ ଖାନଙ୍କୁ ଫିଲ୍ମ ଇଣ୍ଡଷ୍ଟ୍ରିର ବାଦଶାହା ଭାବେ ପରିଚିତ। ତାଙ୍କର ପ୍ରାୟ ସବୁ ଫିଲ୍ମ ବକ୍ସ ଅଫିସରେ ହଇଚଇ ସୃଷ୍ଟି କରିଦିଏ। ତାଙ୍କ ସହ କାମ କରିବା ଇଣ୍ଡଷ୍ଟ୍ରିର ଅଧିକାଂଶ ଅଭିନେତ୍ରୀଙ୍କ ସ୍ୱପ୍ନ। ବର୍ତ୍ତମାନ କିନ୍ତୁ ଜଣେ ଅଭିନେତ୍ରୀ ତାଙ୍କୁ ନେଇ ଏକ ଆଶ୍ଚର୍ଯ୍ୟଜନକ ବିବୃତ୍ତି ଦେଇଛନ୍ତି। ସେ କହିଛନ୍ତି ଯେ ଶାହରୁଖ ନା ହ୍ୟାଣ୍ଡସମ୍ ନା ତାଙ୍କୁ ଅଭିନୟ ଜଣା ଅଛି।
ବଲିଉଡ୍ ସୁପର୍ଷ୍ଟାର୍ ଶାହରୁଖ ଖାନ ଫିଲ୍ମ 'ଦିୱାନା' ରୁ ନିଜର ଅଭିନୟ ଜୀବନ ଆରମ୍ଭ କରିଥିଲେ। ସେବେଠାରୁ ବର୍ତ୍ତମାନ ପର୍ଯ୍ୟନ୍ତ ସେ କିଙ୍ଗ୍ ଖାନ ଭାବରେ ଇଣ୍ଡଷ୍ଟ୍ରିରେ ରାଜ କରୁଛନ୍ତି। ଲୋକେ ତାଙ୍କ ଅଭିନୟକୁ ନେଇ ପାଗଳ ହୋଇଯାଆନ୍ତି। କିନ୍ତୁ ବର୍ତ୍ତମାନ ଜଣେ ପାକିସ୍ତାନୀ ଅଭିନେତ୍ରୀ କିଙ୍ଗ୍ ଖାନଙ୍କ ଅଭିନୟ ଉପରେ ପ୍ରଶ୍ନ ଉଠାଇଛନ୍ତି। । ଆସନ୍ତୁ ଜାଣିବା ସେ କ’ଣ କହିଛନ୍ତି।
ନିକଟରେ ପାକିସ୍ତାନର ଜଣେ ଜଣାଶୁଣା ଅଭିନେତ୍ରୀ ମହନୁର ବଲୋଚ ତାଙ୍କର ଏକ ସାକ୍ଷାତକାରରେ ଶାହରୁଖଙ୍କ ବିଷୟରେ ଏପରି ବିବୃତ୍ତି ଦେଇଛନ୍ତି ଯେ ବର୍ତ୍ତମାନ ତାଙ୍କୁ ସୋସିଆଲ ମିଡିଆରେ ଟ୍ରୋଲ୍ କରାଯାଉଛି। ଶାହରୁଖଙ୍କ ପ୍ରଶଂସକମାନେ ଏହି ଅଭିନେତ୍ରୀଙ୍କ ଉପରେ ରାଗିବା ସହ ତାଙ୍କୁ ମୁହେଁ ମୁହେଁ ଶୁଣାଉଛନ୍ତି।
Also Read
ଅଭିନେତ୍ରୀ ମହନୁର ବାଲୋଚ ତାଙ୍କ ସାକ୍ଷାତକାରରେ ଶାହରୁଖ ଖାନଙ୍କ ଲୁକ୍କୁ ନେଇ ଅନେକ କଥା କହିଛନ୍ତି। ଅଭିନେତ୍ରୀଙ୍କ ଏହି ସାକ୍ଷାତକାର ସୋସିଆଲ ମିଡିଆରେ ହଇଚଇଅ ସୃଷ୍ଟି କରିଛି। ତାଙ୍କର ଏହି ବିବାଦୀୟ ବିବୃତ୍ତି ପଡୋଶୀ ଦେଶରେ ମଧ୍ୟ ଚର୍ଚ୍ଚାରେ ରହିଛି।
ନିକଟରେ ମହନୁର ବଲୋଚ ଏକ ଟକ୍ ଶୋ’ 'ହଦ୍ କରଦୀ'ରେ ଭାଗ ନେଇଥିଲେ। ଏହି ଟକ୍ ଶୋ’ ବେଳେ ସେ ଶୋ’ର ହୋଷ୍ଟ୍ ମୋମିନ୍ ସାକିବଙ୍କ ସହ ଅନେକ ପ୍ରସଙ୍ଗରେ ଖୋଲାଖୋଲି ଭାବେ କଥା ହୋଇଥିଲେ। ତାଙ୍କ ସାକ୍ଷାତକାରରେ ସେ ଶାହରୁଖ ଖାନଙ୍କ ବିଷୟରେ କହିଥିଲେ ଯେ “ମୋର ମତ ଯେ ଶାହରୁଖ ଖାନ ଅଭିନୟ ଜାଣନ୍ତି ନାହିଁ, କିନ୍ତୁ ସେ ଜଣେ ଭଲ ବ୍ୟବସାୟୀ, ତାଙ୍କୁ ଜଣା ଅଛି ଯେ ସେ ନିଜକୁ କିପରି ମାର୍କେଟିଂ କରିବେ।”
ଖାଲି ଏତିକି ନୁହେଁ ସେ ତାଙ୍କ ଲୁକ୍କୁ ନେଇ ମଧ୍ୟ ବିବାଦୀୟ ମତ ଦେଇ କହିଥିଲେ, “ଯଦି ଆପଣ ତାଙ୍କୁ ବିୟୁଟି ପାରାମିଟର ଅନୁଯାୟୀ ଦେଖନ୍ତି, ତେବେ ସେ ଏତେ ହ୍ୟାଣ୍ଡ୍ସମ୍ ମଧ୍ୟ ନୁହଁନ୍ତି। କେବଳ ତାଙ୍କର ବ୍ୟକ୍ତିତ୍ୱ ଏବଂ ଔଜ୍ଜଲ୍ୟ ଏତେ ଶକ୍ତିଶାଳୀ ଯେ ସେ ଭଲ ଦେଖାଯାଆନ୍ତି। ତାଙ୍କର ଏହି ଔଜ୍ଜଲ୍ୟ କାରଣରୁ ସେ ଏତେ ଲୋକପ୍ରିୟ। କିନ୍ତୁ ବହୁତ ସୁନ୍ଦର ଲୋକ ଅଛନ୍ତି ଯେଉଁମାନଙ୍କ ଔଜ୍ଜଲ୍ୟ ନାହିଁ। ଏହି କାରଣରୁ ଲୋକମାନେ ସେମାନଙ୍କୁ ଧ୍ୟାନ ଦିଅନ୍ତି ନାହିଁ।”
ତେବେ ଶାହାରୁଖ ଖାନଙ୍କ ପ୍ରଶଂସକଙ୍କ ଅଭାବ ମଧ୍ୟ ନାହିଁ। ତାଙ୍କୁ କେବଳ ଭାରତରେ ନୁହେଁ ବିଦେଶରେ ମଧ୍ୟ ଲୋକେ ପସନ୍ଦ କରନ୍ତି। କେବଳ ଜଣେ ଅଭିନେତା ଭାବରେ ନୁହେଁ ବରଂ ଜଣେ ମଣିଷ ଭାବରେ ମଧ୍ୟ ଲୋକେ ତାଙ୍କୁ ବହୁତ ପସନ୍ଦ କରନ୍ତି। ଏଭଳି ପରିସ୍ଥିତିରେ ପାକିସ୍ତାନୀ ଅଭିନେତ୍ରୀ ମହନୁର ବଲୋଚଙ୍କ ଶାହାରୁଖଙ୍କ ପ୍ରତି ଏପରି ମନୋଭାବ ଦେଖି ଅଭିନେତାଙ୍କ ପ୍ରଶଂସକମାନେ କ୍ରୋଧିତ ହୋଇଛନ୍ତି।
ଶାହରୁଖଙ୍କ ପ୍ରତି ତାଙ୍କର ଏଭଳି ମତ ନେଇ ଅନେକ ଲୋକ ଅଭିନେତ୍ରୀଙ୍କୁ ନିନ୍ଦା କରିଛନ୍ତି। ଜଣେ ମତ ଦେଇଛନ୍ତି, "ସେ ମୂର୍ଖଙ୍କ ଭଳି ଏ କ’ଣ କହୁଛନ୍ତି ... SRK (ଶାହାରୁଖ ଖାନ୍) ଜଣେ କ୍ୱାଲିଟି ଅଭିନେତା ଏବଂ ଜଣେ ଲିଜେଣ୍ଡ୍।" ଆଉ ଜଣେ କହିଛନ୍ତି, "ମହନୁର ନିଶ୍ଚିତ ଭାବେ ଭୁଲ୍ ଅଟନ୍ତି।"
ପ୍ରକାଶଥାଉ ଯେ ୫୩ ବର୍ଷୀୟ ମହନୁର ବଲୋଚ ପାକିସ୍ତାନର ଜଣେ ଲୋକପ୍ରିୟ ଅଭିନେତ୍ରୀ। ସେ ଅନେକ ପାକିସ୍ତାନୀ ଟିଭି ସିରିଏଲ୍ରେ ଅଭିନୟ କରିଛନ୍ତି।