ଶିଶୁ ଦିବସରେ ଛାତ୍ରଛାତ୍ରୀଙ୍କ ପାଇଁ ତରଙ୍ଗ ପ୍ଲସର ବଡ ଭେଟି । ପ୍ରଥମ ଥର ପାଇଁ ଓଡିଆରେ ଆସିଛି କାର୍ଟୁନ ସୋ ସିରିଜ । ତରଙ୍ଗ ଓ ଅଲିଭ ରିଡଲେ ମିଡିଆ ପ୍ରସ୍ତୁତ କରିଛି ଓଡିଶାର ପ୍ରଥମ ସୁପର ହିରୋର କାହାଣୀ । ଜଗନ୍ନାଥଙ୍କ ଶକ୍ତିକୁ ନେଇ ଆସିଛି ଛୋଟ ଜଗା । ଶିଶୁଙ୍କ ମଧ୍ୟରେ ଛୋଟ ଜଗାକୁ ନେଇ ବେଶ ଉତ୍ସାହ ଦେଖାଦେଇଛି ।
ଛାତିରେ ସୁଦର୍ଶନ ଚକ୍ର.. ଆଖିରେ ଜ୍ବାଳାର ଶକ୍ତି.. ହାତରେ ଶତ ହାତୀର ବଳ । ଜଗନ୍ନାଥଙ୍କ ଶକ୍ତିରେ ସେ ଶକ୍ତିଶାଳୀ । ଆସୁଛି ଓଡ଼ିଶାର ପ୍ରଥମ ସୁପରହିରୋ ଛୋଟ ଜଗା । ପ୍ରଥମ ଥର ପାଇଁ ଓଡିଶାର ନିଜସ୍ବ ସୁପର ହିରୋର କାହାଣୀକୁ ନେଇ ତରଙ୍ଗ ପ୍ଲସ ଓଟିଟି ପ୍ଲାଟଫର୍ମରେ ଆରମ୍ଭ ହୋଇଛି କାର୍ଟୁନ ସୋ ଛୋଟ ଜଗା ।
ଶିଶୁ ଦିବସ ଅବସରରେ ଶିଶୁଙ୍କ ଗହଣରେ ପ୍ରଦର୍ଶିତ ହୋଇଛି ଏହି ସୁପର ହିରୋର କାହାଣୀ । ଛୋଟ ଛୋଟ ଶିଶୁଙ୍କ ମନୋରଞ୍ଜନ ପାଇଁ ପୂର୍ବରୁ ଜାତୀୟ ସ୍ତରରେ ଅନେକ ସୁପର ହିରୋର କାହାଣୀ ରହିଥିବା ବେଳେ ଛୋଟ ଜଗା ହେଉଛି ଓଡିଶାର ପ୍ରଥମ ସୁପର ହିରୋ କାର୍ଟୁନ ।
Also Read
ଶିଶୁ ଦିବସ ଅବସରରେ ଏକାଧିକ ସ୍କୁଲରେ ପ୍ରଦର୍ଶିତ ହୋଇ ଶିଶୁଙ୍କ ମନ ମୋହି ପାରିଛି ଏହି ଛୋଟ ଜଗା । ଏହାକୁ ନେଇ ପିଲାଙ୍କ ମଧ୍ୟରେ କୁଇଜ ଓ ଚିତ୍ରାଙ୍କନ ପ୍ରତିଯୋଗୀତା ମଧ୍ୟ ଆୟୋଜିତ ହୋଇ ଯାଇଛି । ଛୋଟ ଜଗାର ଟିମ୍ ମେମ୍ବର ସ୍କୁଲ ପିଲାଙ୍କ ସହ ବେଶ ମଜାମସ୍ତି ବି କରିଛନ୍ତି ।
ତେବେ ଛୋଟ ଜଗାକୁ ଦେଖିବା ପାଇଁ ଆପଣଙ୍କୁ କେବଳ ତରଙ୍ଗ ପ୍ଲସ୍ ଆପ୍ ଡାଉନଲୋଡ କରିବାକୁ ହେବ । ଏହା ସହ ଛୋଟ ଜଗାର କାହାଣୀ ସହ ନିଜ ଶିଶୁଙ୍କୁ ରାଜ୍ୟର ସଂସ୍କୃତି ଓ ଐତିହ୍ୟ ସଂପର୍କରେ ଅବଗତ ହୁଅନ୍ତୁ ।