ଅମିତାଭ ବଚ୍ଚନଙ୍କ ବ୍ୟକ୍ତିତ୍ୱ ଏବଂ ସଫଳତା ହାସଲ କରିବା କେତେକଙ୍କ ପାଇଁ ଅସମ୍ଭବ ତ ଆଉ କେତେକଙ୍କ ପାଇଁ ଏକ ସ୍ୱପ୍ନ। ଥରେ ସେ ସୁଯୋଗ ପାଇବା ପରେ ଶତାବ୍ଦୀର ମେଗାଷ୍ଟାର ଅମିତାଭ ବଚ୍ଚନ ଖୁବ ଶୀଘ୍ର ସଫଳତାର ପାହାଚ ଚଢିଥିଲେ। ସେ ତାଙ୍କ କ୍ୟାରିୟରରେ ଏପରି ଉଚ୍ଚତାରେ ପହଞ୍ଚିଛନ୍ତି ଯେଉଁଠି ପହଞ୍ଚିବା ଏତେ ସହଜ ନୁହେଁ। ଏହି ସମୟ ମଧ୍ୟରେ ତାଙ୍କ ହୃଦୟ ଅନେକ ଥର ଚୋରି ହୋଇଛି ଆଉ ସେ ଅନେକଙ୍କ ପ୍ରେମରେ ପଡିଛନ୍ତି।
ସେ ଜୟା ଭାଦୁଡିଙ୍କ ପ୍ରେମରେ ପଡି ବିବାହ କରିବା ପୂର୍ବରୁ ତାଙ୍କର ଅନେକଙ୍କ ସହିତ ମଧ୍ୟ ପ୍ରେମ ସଂପର୍କ ଥିଲା। ରେଖାଙ୍କ ସହ ତାଙ୍କର ପ୍ରେମ ଦୀର୍ଘ ସମୟ ଧରି ଚାଲିଥିଲା ଏବଂ ବହୁ ଚର୍ଚ୍ଚା ମଧ୍ୟ ହୋଇଥିଲା। କଥା ବାହାଘର ପର୍ଯ୍ୟନ୍ତ ମଧ୍ୟ ଯାଇଥିଲା। ସେହିଭଳି ଆହୁରି ଅନେକ ହିରୋଇନ୍ ମଧ୍ୟ ଥିଲେ, ଯେଉଁମାନଙ୍କ ସହ ଅମିତାଭ ବଚ୍ଚନଙ୍କ ନାମ ଜଡିତ ଥିଲା। ଜଣେ ହିରୋଇନ୍ ତାଙ୍କୁ ଏତେ ଗଭୀର ଭାବରେ ପ୍ରେମ କରୁଥିଲେ ଯେ ସେ ଅଲଗା ହେବା ପରେ ଉଦାସୀନତାର ଶିକାର ହୋଇଥିଲେ। ତେବେ ଆସନ୍ତୁ ଜାଣିବା ଅମିତାଭ ବଚ୍ଚନଙ୍କ ନାମ ସହ କେଉଁ ହିରୋଇନମାନଙ୍କୁ ନେଇ ଚର୍ଚ୍ଚା ହେଉଥିଲା।
Also Read
ଜୀନତ ଅମାନ୍:
ଅମିତାଭ ବଚ୍ଚନ ଏବଂ ଜୀନତ ଅମାନ୍ ‘ଲାୱାରିସ୍’, ‘ଡନ୍’ ପରି ହିଟ୍ ଫିଲ୍ମରେ ଏକାଠି କାମ କରିଥିଲେ। ଉଭୟଙ୍କ ଯୋଡି ମଧ୍ୟ ଚମତ୍କାର ଦେଖାଯାଉଥିଲା। ଚଳଚ୍ଚିତ୍ରଗୁଡ଼ିକରେ ସେମାନଙ୍କର ଜବରଦସ୍ତ କେମେଷ୍ଟ୍ରି ଦେଖି ଅନେକ ସମୟରେ ଅନୁମାନ କରାଯାଉଥିଲା ଯେ ଦୁହେଁ ପରସ୍ପରଙ୍କୁ ପ୍ରେମ କରୁଛନ୍ତି।
ହେମା ମାଲିନୀ:
ବାସ୍ତବରେ, ହେମା ମାଲିନୀଙ୍କ ନାମ ଧର୍ମେନ୍ଦ୍ରଙ୍କ ସହ ଯୋଡି ଚର୍ଚ୍ଚା ହେଉଥିଲା। ସେମାନଙ୍କ ପ୍ରେମକୁ ସମଗ୍ର ଇଣ୍ଡଷ୍ଟ୍ରିରେ ଖୋଲାଖୋଲି ଭାବେ ଆଲୋଚନା କରାଯାଉଥିଲା। କିନ୍ତୁ ଅମିତାଭ ବଚ୍ଚନ ଏବଂ ହେମା ମାଲିନୀ ମଧ୍ୟ କିଛି ଚଳଚ୍ଚିତ୍ରରେ ଏକାଠି ନଜର ଆସିଥିଲେ। ଏହାକୁ ନେଇ ସେମାନଙ୍କ ସମ୍ପର୍କ ବିଷୟରେ ମଧ୍ୟ ଆଲୋଚନା ହେଉଥିଲ। ଦୁହେଁ କିନ୍ତୁ ଏହାକୁ ନେଇ କେବେବି କଥାବାର୍ତ୍ତା କରିନାହାଁନ୍ତି।
ପରବିନ୍ ବବି:
ପରବିନ୍ ବବି ଏବଂ ଅମିତାଭ ବଚ୍ଚନଙ୍କ ଯୋଡିକୁ ଏକଦା ଫିଲ୍ମ ସ୍କ୍ରିନରେ ବହୁତ ପସନ୍ଦ କରାଯାଉଥିଲା। ଦୁହେଁ ଏକାଠି ବହୁତ ଫିଲ୍ମରେ କାମ କରିଛନ୍ତି। କିନ୍ତୁ ଧୀରେ ଧୀରେ ସମ୍ପର୍କ ଖରାପ ହେବାକୁ ଲାଗିଲା। ଏହା ସତ ନ ହୋଇପାରେ କିନ୍ତୁ ପରବିନ ବବିଙ୍କ ଉଦାସୀନତାର କାରଣ ସବୁବେଳେ ଅମିତାଭ ବଚ୍ଚନଙ୍କଠାରୁ ଦୂରେଇ ରହିବା ବୋଲି କୁହାଯାଉଥିଲା। ଏହା ପରେ ଦିନକୁ ଦିନ ତାଙ୍କ ସ୍ୱାସ୍ଥ୍ୟ ଅବସ୍ଥା ବିଗିଡିବାରେ ଲାଗିଲା ଏବଂ ଶେଷରେ ତାଙ୍କୁ ତାଙ୍କ ଘରେ ମୃତ ଅବତ୍ସ୍ଥାରେ ମିଳିଥିଲା।