‘ମହାଭାରତ’ର ‘ଶ୍ରୀକୃଷ୍ଣ’ଙ୍କ ଦୁଃଖ; ଝିଅ କହିଲେ ତୁମକୁ ବାପା ଡାକିବାକୁ ଘୃଣା ଲାଗୁଛି

ଆପଣ ଭାରତୀୟ ଗ୍ରନ୍ଥ ‘ଗୀତା’ ହୁଏତ ପଢିଥିବେ କି ନ ପଢିଥିବେ, କିନ୍ତୁ ଆପଣ ନିଶ୍ଚୟ ଟିଭିର ‘ମହାଭାରତ’ରେ ଶ୍ରୀକୃଷ୍ଣଙ୍କ ଉପଦେଶ ନିଶ୍ଚିତ ଶୁଣିଥିବେ। ‘ମହାଭାରତ’ର ଶ୍ରୀକୃଷ୍ଣ ଅର୍ଥାତ୍ ନୀତୀଶ ଭରଦ୍ୱାଜ ଲୋକଙ୍କୁ ବୁଝାଇଥିଲେ ଯେ ପରିବାର ଛଡା ଆଉ କିଛି ଗୁରୁତ୍ୱପୂର୍ଣ୍ଣ ନୁହେଁ। କୃଷ୍ଣ ଯାହାକୁ ଥରେ ନିଜର ବୋଲି ଗ୍ରହଣ କରିଦେଉଥିଲେ, ସେ ତାଙ୍କୁ ଜୀବନସାରା ସମର୍ଥନ କରୁଥିଲେ। କିନ୍ତୁ, ବାସ୍ତବ ଜୀବନରେ ନୀତୀଶ ଭରଦ୍ୱାଜ ଏହାକୁ ସାର୍ଥକ କରିବାରେ ଅସମର୍ଥ ହୋଇଛନ୍ତି।

ନୀତୀଶ ଭରଦ୍ୱାଜ ତାଙ୍କ ଦ୍ୱିତୀୟ ପତ୍ନୀ ସ୍ମିତାଙ୍କ ବିରୋଧରେ ପୋଲିସ ଅଭିଯୋଗ ଦାଖଲ କରିବା ପରେ ନିକଟରେ ଚର୍ଚ୍ଚାର ବିଷୟ ପାଲଟିଛନ୍ତି। ଅଭିନେତା ନୀତୀଶ ଭରଦ୍ୱାଜଙ୍କ ବ୍ୟକ୍ତିଗତ ଘରେ ଏକ ଗୃହଯୁଦ୍ଧ ଚାଲିଛି, ଯିଏ ପରିବାର ଏବଂ ସେମାନଙ୍କ ସମ୍ପର୍କକୁ ନେଇ ଭିତିରି କଥା କହିଛନ୍ତି। ନିକଟରେ ସେ ନିଜର ଯନ୍ତ୍ରଣା ବ୍ୟକ୍ତ କରିଛନ୍ତି ଏବଂ କହିଛନ୍ତି ଯେ କିପରି ତାଙ୍କ ଝିଅମାନେ ତାଙ୍କ ସହ ବ୍ୟବହାର କରୁଛନ୍ତି ଯାହା ଦ୍ୱାରା ସେ ସମ୍ପୂର୍ଣ୍ଣ ଭାଙ୍ଗି ପଡ଼ିଛନ୍ତି।

ଅନ୍-ସ୍କ୍ରିନ୍‌ରେ ସମ୍ପର୍କକୁ ନେଇ ଶ୍ରୀକୃଷ୍ଣ ଅନେକ ଯୁଦ୍ଧ ଲଢିଛନ୍ତି ଏବଂ ସମ୍ପର୍କ ଦ୍ୱାରା ହିଁ ଅନେକ ଯୁଦ୍ଧ ଜିତିଛନ୍ତି। କିନ୍ତୁ, ବାସ୍ତବ ଜୀବନରେ ସେ ଏକ ଗୃହଯୁଦ୍ଧରେ ଧନ୍ଦିହୋଇପଡିଛନ୍ତି। ଦ୍ୱିତୀୟ ବିବାହ ପରେ ସେ କନ୍ୟା ରତ୍ନ ପ୍ରାପ୍ତ କରିଥିଲେ, କିନ୍ତୁ ପରେ ଦିନେ ସବୁକିଛି ଓଲଟପାଲଟ ହୋଇଗଲା। ବର୍ତ୍ତମାନ ନୀତୀଶ ଏକ କଠିନ ପର୍ଯ୍ୟାୟ ଦେଇ ଗତି କରୁଛନ୍ତି। ନିକଟରେ ଏକ ସାକ୍ଷାତକାରରେ ସେ ତାଙ୍କ ଝିଅମାନଙ୍କ ବିଷୟରେ କହିଛନ୍ତି ଯେଉଁଥିରେ ତାଙ୍କର ଯନ୍ତ୍ରଣା ସ୍ପଷ୍ଟ ବାରି ହୋଇଯାଉଛି।

ନୀତୀଶ ଭରଦ୍ୱାଜ ତାଙ୍କ ଆଇଏଏସ୍ ପତ୍ନୀ ସ୍ମିତାଙ୍କଠାରୁ ଛାଡପତ୍ର ପାଇଁ କୋର୍ଟରେ ଆବେଦନ କରିଛନ୍ତି। ୨୦୧୯ ଠାରୁ ଉଭୟ ଅଲଗା ରହୁଛନ୍ତି। କିଛି ଦିନ ପୂର୍ବରୁ ନୀତୀଶ ଭରଦ୍ୱାଜ ତାଙ୍କ ପତ୍ନୀଙ୍କ ବିରୋଧରେ ପୋଲିସ୍ ଅଭିଯୋଗ ଆଣିଥିଲେ ଯେ ତାଙ୍କୁ ତାଙ୍କ ପତ୍ନୀ ମାନସିକ ସ୍ତରରେ ନିର୍ଯାତନା ଦେଉଛନ୍ତି, ଏହି କାରଣରୁ ଉଭୟ ଝିଅ ମଧ୍ୟ ଅସନ୍ତୋଷ ଅଛନ୍ତି।

ନିକଟରେ ଏକ ସାକ୍ଷାତକାରରେ ତାଙ୍କୁ ତୃତୀୟ ବିବାହ ବିଷୟରେ ପଚରାଯାଇଥିଲା। ଅଭିନେତାଙ୍କୁ ପଚରାଯାଇଥିଲା କି ସେ ପୁଣି ବିବାହ କରିବେ କି? ଏହାର ଉତ୍ତରରେ ସେ କହିଛନ୍ତି ଯେ ଏହି ବିବାହରେ ସେ ଅନେକ ନିର୍ଯାତନା ତଥା ସବୁ ପ୍ରକାର ନିର୍ଯାତନାର ସମ୍ମୁଖୀନ ହୋଇଛନ୍ତି। ବର୍ତ୍ତମାନ, ତାଙ୍କ ପତ୍ନୀଙ୍କ ମଧ୍ୟରେ ଅଲଗା ହେବା କାରଣରୁ ତାଙ୍କର ଉଭୟ ସନ୍ତାନ ମଧ୍ୟ ତାଙ୍କଠାରୁ ଦୂରେଇ ଯାଉଛନ୍ତି।

ସେ ଆହୁରି ମଧ୍ୟ କହିଛନ୍ତି ଯେ “ଯଦି ମୁଁ ଆପଣଙ୍କୁ କେବଳ ଦୁଇଟି ଧାଡିରେ କହିବି ଯାହା ମୋର ୧୧ ବର୍ଷର ଝିଅ ମୋତେ କହିଛନ୍ତି, ‘ମୁଁ ଆପଣଙ୍କୁ ପାପା ବୋଲି ଡାକିବାକୁ ଘୃଣା କରେ, ମୁଁ ଆପଣଙ୍କୁ ଘୃଣା କରେ,' ଏହା ହେଉଛି ସେହି କଥା ଯାହା ମୋ ଝିଅ ମୋତେ କହିଛି। ଏହା ଶୁଣିବା ପରେ ମୋ ପାଦ ତଳୁ ମାଟି ଖସିଗଲା। ମୁଁ ଆଶ୍ଚର୍ଯ୍ୟ ହୋଇଯାଇଥିଲି।”

ନୀତୀଶ କହିଛନ୍ତି ଯେ “ମୁଁ ଏଥିପାଇଁ ଆଶ୍ଚର୍ଯ୍ୟ ହୋଇଥିଲି ଯେ ପିଲାମାନଙ୍କ ପାଇଁ ସବୁକିଛି କରିବା ପରେ ମଧ୍ୟ ସେମାନେ କାହିଁକି ଏମିତି କହୁଛନ୍ତି?” ତେବେ ଏହାର କାରଣ ହେଉଛି ସେମାନଙ୍କ ବାପାମାଆଙ୍କ ଅଲଗା ହେବା ସେମାନଙ୍କ ଉପରେ ପ୍ରଭାବ ପକାଇଛି। ଏହି ଚ୍ୟାଲେଞ୍ଜର ସମ୍ମୁଖୀନ ହୋଇ ସେ କହିଛନ୍ତି ଯେ ସେ କିପରି ଏହାର ସାମ୍ନା କରିବ ସେ ନିଶ୍ଚିତ ନୁହନ୍ତି। କିନ୍ତୁ ଯାହା ତାଙ୍କୁ ଏସବୁ ଦେଇ ଆଗକୁ ଯିବାକୁ ଦେଉହି ତାହା ହେଲା ତାଙ୍କର ଆଧ୍ୟାତ୍ମିକତା, ଦର୍ଶନ, ଧ୍ୟାନ ଏବଂ ତାଙ୍କ ଗୁରୁ ଏବଂ ଘନିଷ୍ଠ ବନ୍ଧୁମାନଙ୍କ ମାର୍ଗଦର୍ଶନ।

ସେ ଆହୁରି କହିଛନ୍ତି ଯେ “ଏହା ହେଉଛି ପୂରା ମିଛ ଯେ ମୁଁ ଟଙ୍କା ମାଗୁଛି। ମୁଁ ମୋର ଟଙ୍କା ମାଗୁଛି, ଯାହା ସହିତ ମୋତେ ପ୍ରତାରଣା କରାଯାଇଛି। ମୁଁ ଅନୁଭବ କରୁଛି ଯେ ମୋତେ ପ୍ରତାରଣା କରାଯାଇଛି ଏବଂ ଏହା ମୋ ପିଲାମାନଙ୍କର ସହ ଯୁଦ୍ଧ ଅଟେ, ଯାହା ମୁଁ ଲଢୁଛି।

ନୀତୀଶ କହିଛନ୍ତି ଯେ “ତେଣୁ ମୁଁ ଜାଣେ ନାହିଁ ଯେ ମୁଁ ଅନ୍ୟ କୌଣସି ମହିଳାଙ୍କୁ ନ୍ୟାୟ ଦେଇ ପାରିବି କି ନାହିଁ। ବିବାହ ମୋ ପାଇଁ ସ୍ୱତନ୍ତ୍ର, ମୁଁ ଏଥିରେ ବିଶ୍ୱାସ କରେ। ମୁଁ ମୋ ବାପାମାଆଙ୍କ ବୈବାହିକ ଜୀବନ ସହିତ ଅନେକ ସଫଳ ବୈବାହିକ ଜୀବନ ଦେଖିଛି।”

ପ୍ରକାଶଥାଉ ଯେ ସ୍ମିତାଙ୍କୁ ବିବାହ କରିବା ପୂର୍ବରୁ ନୀତୀଶ ମୋନିଶା ପାଟିଲଙ୍କୁ ବିବାହ କରିଥିଲେ ଏବଂ ଉଭୟ ୨୦୦୫ରେ ଅଲଗା ହୋଇଥିଲେ।