Mahakumbh Monalisa: ନିର୍ଦ୍ଦେଶକ ସନୋଜ ମିଶ୍ରଙ୍କୁ ନେଇ ଏମିତି କହିଲେ ମୋନାଲିସା; ସେ ମତେ ଖରାପ ନଜରରେ…

ବର୍ତ୍ତମାନ ପୁଣି ଥରେ ମହାକୁମ୍ଭର ଭାଇରାଲ୍ ଗାର୍ଲ ମୋନାଲିସାଙ୍କ ଏକ ଭିଡିଓ ସୋସିଆଲ ମିଡିଆରେ ଖୁବ୍‌ ଭାଇରାଲ୍ ହେବାରେ ଲାଗିଛି। ଏହି ଭିଡିଓରେ ସେ ନିର୍ଦ୍ଦେଶକ ସନୋଜ ମିଶ୍ରଙ୍କ ବିଷୟରେ କିଛି କହୁଥିବାର ଦେଖାଯାଏ। ଏହି ଭିଡିଓ ଦେଖିବାକୁ ପରେ ମୋନାଲିସାଙ୍କ ପ୍ରତି ସନୋଜଙ୍କ ଭାବନା କ’ଣ ଆପଣ ଜାଣିପାରିବେ।

ଏହି ଭାଇରାଲ୍ ଭିଡିଓରେ ମୋନାଲିସା କହୁଛନ୍ତି, “ନମସ୍କାର, ଆଜି ୧୩ ଏପ୍ରିଲ ଏବଂ ମୁଁ ଆପଣ ସମସ୍ତଙ୍କ ସହ କିଛି କଥା ହେବାକୁ ଚାହୁଁଛି।” ତେବେ ସେ କୋଉ କଥା କହୁଛନ୍ତି ଆସନ୍ତୁ ଜାଣିବା।

ସେ କହୁଥିବା ଶୁଣାଯାଏ ଯେ “ଅନେକ ଲୋକ ସୋସିଆଲ ମିଡିଆରେ ଖରାପ କଥା ପ୍ରସାର କରୁଛନ୍ତି। ସନୋଜ ଜୀ ମୋତେ ତାଙ୍କ ଝିଅ ପରି ବ୍ୟବହାର କରନ୍ତି। ସେ କେବେ ବି ଖରାପ ଦୃଷ୍ଟିରେ ମୋ ଆଡ଼କୁ ଚାହିଁ ନାହାନ୍ତି। ମୁଁ ଆପଣଙ୍କୁ ହାତ ଯୋଡି ଅନୁରୋଧ କରୁଛି ଯେ ଆପଣମାନେ ମିଥ୍ୟା ଖବର ପ୍ରସାର କରନ୍ତୁ ନାହିଁ।”

ଅଧିକ ପଢ଼ନ୍ତୁ: ଆଧୁନିକ ରୂପ ଦେଖାଇଲେ ମୋନାଲିସା; ଆପଣ ବି କହିବେ.. ବାପ୍‌ରେ କି ଷ୍ଟାଇଲ୍ !

ପ୍ରକାଶଥାଉ ଯେ କିଛି ଦିନ ପୂର୍ନରି ଯେ ଜଣେ ମହିଳା ସନୋଜ ମିଶ୍ରଙ୍କ ଉପରେ ଅସଦାଚରଣ ଏବଂ ଗର୍ଭପାତର ଅଭିଯୋଗ ଆଣିଥିଲେ। ଏହା ପରେ ତାଙ୍କୁ ଗିରଫ କରାଯାଇଥିଲା। ଏହି ଘଟଣା ପରେ ଲୋକେ ସନୋଜ ମିଶ୍ରଙ୍କ ପ୍ରତି ଖରାପ ଭାବନା ରଖୁଛନ୍ତି ଏବଂ ମୋନାଲିସାଙ୍କ ସହ ତାଙ୍କର ଖରାପ ମନୋବୃତ୍ତି ଥିବା ମଧ୍ୟ ଆଲୋଚନା କରୁଛନ୍ତି।

ମୋନାଲିସାଙ୍କ ସହ ତାଙ୍କ ସମ୍ପର୍କ ବିଷୟରେ କହିବାକୁ ଗଲେ, ସନୋଜ ମହାକୁମ୍ଭ ସମୟରେ ମୋନାଲିସାଙ୍କୁ ଦେଖିଥିଲେ ଏବଂ ଏହା ପରେ ସେ ତାଙ୍କୁ ଏକ ଫିଲ୍ମ ଅଫର୍ କରିବା ପାଇଁ ତାଙ୍କ ଘରକୁ ଯାଇଥିଲେ। ସେବେଠାରୁ ମୋନାଲିସା ଜଣେ ସେଲିବ୍ରେଟିଙ୍କ ଭଳି ଟ୍ରିଟ୍ ହେଉଛନ୍ତି।

ସନୋଜ ମିଶ୍ର ତାଙ୍କ ଫିଲ୍ମ 'ଦି ଡାଏରି ଅଫ୍ ମଣିପୁର'ରେ ମୋନାଲିସାଙ୍କୁ ଅଫର୍ କରିଛନ୍ତି। ଏହା ପରେ ସେ ମୋନାଲିସାଙ୍କୁ ତାଲିମ ଦେବା ଆରମ୍ଭ କରିଛନ୍ତି। ମୋନାଲିସାଙ୍କ ଇନ୍‌ଷ୍ଟାଗ୍ରାମ୍‌ରେ ସେ ନେଉଥିବା ତାଲିମର ଝଲକ ମଧ୍ୟ ଦେଖାଯାଏ। କେତେବେଳେ ମୋନାଲିସାଙ୍କୁ ନାଚୁଥିବାର ଦେଖାଯାଏ ତ କେତେବେଳେ ସେ ପଢ଼ୁଥିବାର ଦେଖାଯାଏ। ପୁଣି କେତେବେଳେ ଦମଦାର୍ ଆକ୍ଟିଣ୍ଟ୍ ଆଉ ଫାଇଟ୍ କରୁଥିବା ମଧ୍ୟ ଦେଖିବାକୁ ମିଳେ।

ପବିତ୍ର ଶିବରାତ୍ରୀ ଅବସରରେ ସନୋଜ ମିଶ୍ର ଏବଂ ମୋନାଲିସା ନେପାଳ ଯାଇଥିଲେ। ସେଠାରେ ମୋନାଲିସା ପ୍ରଥମ ଥର ପାଇଁ ଷ୍ଟେଜ୍ ପ୍ରଦର୍ଶନ ମଧ୍ୟ କରିଥିଲେ। ମୋନାଲିସା ପ୍ରଥମ ଥର ପାଇଁ ଏକ ସାର୍ବଜନୀନ ମଞ୍ଚରେ ନାଚୁଥିବାର ଦେଖାଯାଇଥିଲା।

ପ୍ରଶଂସକମାନେ ମୋନାଲିସାଙ୍କ ଆତ୍ମବିଶ୍ୱାସକୁ ବହୁତ ପସନ୍ଦ କରିଥିଲେ। ଏବେ ଯଦି ଆମେ ମୋନାଲିସାଙ୍କ ଫିଲ୍ମ ବିଷୟରେ କହିବା, ତେବେ ସନୋଜଙ୍କ ମାମଲାକୁ ନେଇ ବର୍ତ୍ତମାନ ପାଇଁ ଏହାକୁ ସ୍ଥଗିତ ରଖାଯାଇଥିବା ପରି ମନେ ହେଉଛି।

ଅଧିକ ପଢ଼ନ୍ତୁ: ମୋନାଲିସାଙ୍କୁ ଫିଲ୍ମ ଅଫର କରିଥିବା ସନୋଜ ମିଶ୍ର ଗିରଫ; କରିଥିଲେ ଦୁଷ୍କର୍ମ