ଗତ ଏପ୍ରିଲ ମାସରେ ସୁପରଷ୍ଟାର ସଲମାନଙ୍କ ଉପରେ ଆକ୍ରମଣ ହୋଇଥିଲା । ସଲମାନଙ୍କ ଘର ଗାଲାକ୍ସି ଆପାର୍ଟମେଣ୍ଟ ବାହାରେ ଦୁଇଜଣ ବ୍ୟକ୍ତି ଗୁଳି ଚଳାଇଥିଲେ । ପରେ ପୋଲିସ ଅଭିଯୁକ୍ତ ଦ୍ୱୟଙ୍କୁ ଗିରଫ କରିଥିଲା । ଏହା ସହ ଅଭିଯୁକ୍ତ ଦ୍ୱୟ ଲରେନ୍ସ ବିଷ୍ଣୋଇ ଗ୍ୟାଙ୍ଗ ସହ ଜଡିତ ବୋଲି ମଧ୍ୟ ଜଣାପଡ଼ିଥିଲା । ତେବେ ପୋଲିସ୍ ଚାର୍ଜସିଟ୍ ଅନୁଯାୟୀ, ଏହି ମାମଲାରେ କିଛି ନୂଆ ତଥ୍ୟ ପ୍ରକାଶ ମିଳିଛି ।
ସୂଚନା ଅନୁସାରେ, ଲରେନ୍ସ ସଲମାନଙ୍କୁ ହତ୍ୟା କରିବା ପାଇଁ ୬ଜଣ ପୁରୁଷଙ୍କୁ ୨୦ ଲକ୍ଷ ଟଙ୍କା ଦେଇଥିଲା ବୋଲି ଜଣାପଡ଼ିଛି । ଲରେନ୍ସଙ୍କ ଭାଇ ଅନମୋଲ ବିଷ୍ଣୋଇ ଏବଂ ରୋହିତ ଗୋଡେରା ନାମକ ଜଣେ ବ୍ୟକ୍ତିଙ୍କ ବିରୋଧରେ ମୁମ୍ବାଇର ଏକ ସ୍ୱତନ୍ତ୍ର କୋର୍ଟରେ ଜାମିନ ବିହୀନ ୱାରେଣ୍ଟ ଜାରି କରାଯିବା ପରେ ଏହା ଜଣା ପଡ଼ିଛି ।
କିନ୍ତୁ ଏହି ଚାର୍ଜସିଟ ଦାଖଲ ହେବା ପରଠାରୁ ଉଭୟ ଅନମୋଲ ଏବଂ ରୋହିତ ମୁମ୍ବାଇରୁ ଫେରାର ହୋଇଯାଇଛନ୍ତି । ମହାରାଷ୍ଟ୍ର କଣ୍ଟ୍ରୋଲ୍ ଅଫ୍ ଅର୍ଗାନାଇଜଡ୍ କ୍ରାଇମ୍ ଆକ୍ଟ (MCOCA) ମାମଲାର ସ୍ୱତନ୍ତ୍ର ବିଚାରପତି ବି.ଡି. ଶେଲକେ ୨୭ ଜୁଲାଇ ୨୦୨୪ ରେ ଅନମୋଲ ଏବଂ ଗୋଡେରାଙ୍କ ବିରୋଧରେ ଜାମିନ ବିହୀନ ୱାରେଣ୍ଟ ଜାରି କରିଛନ୍ତି ।
Also Read
ଖବର ଅନୁଯାୟୀ, ଚାର୍ଜସିଟରେ ଏହା ଉଲ୍ଲେଖ କରାଯାଇଛି ଯେ ଅନମୋଲ ସୁଟରମାନଙ୍କୁ ସଲମାନ ଖାନଙ୍କୁ ହତ୍ୟା କରିବାକୁ କହିଥିଲେ । ତେବେ ଏହି କାର୍ଯ୍ୟ କରିବାକୁ ଭୟ ନକରିବାକୁ ସୁଟରମାନଙ୍କୁ ମଧ୍ୟ କୁହାଯାଇଥିଲା । ସଲମାନଙ୍କୁ ହତ୍ୟା କରିବା ଦ୍ୱାରା ସମାଜରେ ପରିବର୍ତ୍ତନ ଆସିବ । ଏଣୁ ଭୟଭୀତ ନହୋଇ ଗୁଳି ଚଳାଇବାକୁ ସୁଟରମାନଙ୍କୁ ନିର୍ଦ୍ଦେଶ ଦିଆଯାଇଥିଲା ।
ଏହା ସହ ହତ୍ୟା ପୂର୍ବରୁ ସୁଟରମାନଙ୍କୁ ହେଲମେଟ ଓ ସିଗାରେଟ ମଧ୍ୟ ଦିଆଯାଇଥିଲା ବୋଲି ଜଣାପଡ଼ିଛି । ଅନ୍ୟ ଏକ ରିପୋର୍ଟରେ ଏହା ମଧ୍ୟ କୁହାଯାଇଛି ଯେ ଦୁଇ ଅଭିଯୁକ୍ତ ସ୍ୱୀକାର କରିଛନ୍ତି ଯେ ସେମାନେ ଇନଷ୍ଟାଗ୍ରାମରେ ଫଲୋ କରିବା ପରେ ଚାରି ବର୍ଷ ପୂର୍ବେ ଲରେନ୍ସ ବିଷ୍ଣୁଙ୍କ ଗ୍ୟାଙ୍ଗରେ ଯୋଗ ଦେଇଛନ୍ତି ।
ଏହି ଘଟଣାକୁ ନେଇ ସଲମାନ କହିଥିଲେ ଯେ, ସଲମାନ କହିଥିଲେ, “ମୁଁ ବାଣ ଫୁଟିଲା ଭଳି ଶବ୍ଦ ଶୁଣିଥିଲି । ତା’ପରେ ସକାଳ ପ୍ରାୟ ୪.୫୫ ସମୟରେ ପୋଲିସ୍ ଅଙ୍ଗରକ୍ଷୀ କହିଲେ ଯେ ବାଇକ୍ରେ ବସି ଦୁଇଜଣ ବ୍ୟକ୍ତି ଗାଲାକ୍ସି ଆପାର୍ଟମେଣ୍ଟର ପ୍ରଥମ ମହଲା ବାଲ୍କୋନୀକୁ ବନ୍ଧୁକରେ ଗୁଳି ଚଳାଇଥିଲେ । ଏହା ପୂର୍ବରୁ ମଧ୍ୟ ମୋତେ ଏବଂ ମୋ ପରିବାରକୁ ଆକ୍ରମଣ କରିବାକୁ ଚେଷ୍ଟା କରାଯାଇଥିଲା ।”
ସଲମାନ ଆହୁରି ମଧ୍ୟ କହିଥିଲେ, “ମୁଁ ଜାଣିବାକୁ ପାଇଲି ଯେ ଏହି ଆକ୍ରମଣ ପାଇଁ ଲରେନ୍ସ ବିଷ୍ଣୋୟୀ ଦାୟୀ ବୋଲି ସୋସିଆଲ ମିଡିଆ ମାଧ୍ୟମରେ କହିଛନ୍ତି । ତେଣୁ, ମୋର ବିଶ୍ୱାସ ଯେ ଲରେନ୍ସ ବିଷ୍ଣୋଇ ଗ୍ୟାଙ୍ଗ ହିଁ ମୋ ବାଲକୋନୀକୁ ଗୁଳି ଚଳାଇଛି ।” ସେ ଏହା ମଧ୍ୟ କହିଛନ୍ତି, “ଏହା ପୂର୍ବରୁ ମଧ୍ୟ ଲରେନ୍ସ ବିଷ୍ଣୋଇ ଏବଂ ତାଙ୍କ ଗ୍ୟାଙ୍ଗର ସଦସ୍ୟମାନେ ଏକ ସାକ୍ଷାତକାରରେ ମୋତେ ଏବଂ ମୋର ସମ୍ପର୍କୀୟଙ୍କୁ ହତ୍ୟା କରିବା ବିଷୟରେ କହିଥିଲେ । ତେଣୁ, ମତେ ଲାଗୁଛି ଯେ ଲରେନ୍ସ ବିଷ୍ଣୋଇ ତାଙ୍କ ଗ୍ୟାଙ୍ଗ୍ ସଦସ୍ୟମାନଙ୍କ ସାହାଯ୍ୟରେ ସେହି ସମୟରେ ଗୁଳି ଚଳାଇଛନ୍ତି ଯେତେବେଳେ ମୋର ପରିବାର ସଦସ୍ୟ ଶୋଇଥିଲେ ଏବଂ ସେ ମୋତେ ଏବଂ ମୋ ପରିବାର ସଦସ୍ୟଙ୍କୁ ହତ୍ୟା କରିବାକୁ ଯୋଜନା କରୁଥିଲେ, ସେଥିପାଇଁ ସେ ହିଁ ଆକ୍ରମଣ କରିଛନ୍ତି ।”